[hassan007]

السلام عليكم ورحمة الله وبركاته...
كيف الحال...وش الاخبار...؟؟
هاه يا طلاب الجامعة كيف الامتحانات اليوم؟!
والله الحمد لله امتحنت اليوم امتحانين سلم_ومصادر الالتزام<<تخصصه قانون
وإن شاء الله الامور تمام زي الفل
.................................................................................................... ......................
المهم:
أبشركم اليوم رحت للنادي..رغبة مني في زيارة هذا النادي العملاق<<مسوي بلاتر
والله وصلت النادي الساعة (في المغرب)وكانت هذه أهم الاحداث اللي صارت في تمرين اليوم من وجهة نظري (المعطوبة):
1-ويلي شكل كل اللعيبة يموتون فيه خفيف دم ومقالب وسواليف مكسرة..قبل بداية التمرين كان يحتضن كل اللعيبة ..مسوي رونالدينهو على غفلةوكان يضحك على طارق التائب يوم يجري وفهمت من حركاته إنه يقول:العن أم جريتك البايخة .
..................................................................................................
2- بعض الجماهير ماشاء الله تبارك الله عليهم حنجرة !!اذا صاحوا تسمعهم من على بعد ستمئة وعشرين الف كيلوياخي يقدرون يصيحيون للعيبة حظهم !!أم أنا اذا صحت يالله يسمعني اللي جنبي.
..................................................................................................
3-سيول وما أدراك ما سيول!!
والله ياتاس هذا اللاعب مايحتاج الا الصبر واللي يشوف التمارين يعرف الحاجة هذي!! في تمرين اليوم متألق جدا ...وعليه تسديدات روعة...شات يمكن خمس كور كلها أهداف.
.............................................................
4-هههههه والله الفقرة ذي متردد أقولها والا لا.تدري بقولها!!
الدعيع في المناورة جاء عليه هدف ..قال واحد من الجمهور الحاضر:يادعيع يافاشل
اذا كان الدعيع أجل من اللي ناجح.اللي اقصده إن في ناس تعودت على كلمة فااشل ولا عمرها قالت كلمة ناااااجح.
.................................................................................................... ........................
5- ياخي ذا التائب حكايته حكايه!!تواضع وأخلاق وفن كروي<سمعها من عادل البطي!!المهم كان التائب يشرب موية شوي ويصيح عليه واحد من الجمهور قاله:ياطارق لاهنت جب معاك موية..طبعا يمزح.
لكن التائب جابله قارورتين مويه مي وحدة !!!يفهم بالاصول ابن الصحراء

وواحد من الجمهور قاله :ياطارق تتقهوى عندي ؟؟
قال طارق :إن شاء الله<<صرف أمه
.............................................
6- الشلهوب ما أتوقع أحد في العالم مايحبهياخي ذا اللعب لو ينتقل سدوس شجعت سدوس!!!والله الشلهوب لو يسجل في بابنا مليون طعش هدف لقوله :فدا راسك.
في المناورة انفرد الشهلوب بالدعيع وشاته الشلهوب شوته في بطنه!! قام الدعيع يلحق الشلهوب حاقد عليه ليه يشوته
.............................................7-كوزمين في تمرين اليوم أي لاعب يضيع كورة يخليه يسوي بشم وأكثر واحد سوى بشم العنبر ثم الشلهوب.
وعلى ذكر كوزمين ....كوزمين شارك في المناورة...ولعب هجوم لكن فاتكم كسره رادوي في منطقة الجزاء وصارله إصابة ...والله مسكين شكلها قوية لانه ماعاد قدر يقوم لين جاء الدكتور.
وعلى ذكر الاصابات ...سعد الذياب جاله شوته من العنبر جت على الاماكن الحساسه اللي أنتم خابرينها.
.............................................
8-رادوي والله ماشاء الله عليه!!عليه رجل
جاب قول من نص الملعب ...ياليت كوزمين يقوله دائما شوت لان الهلال ناقصه لاعب اذا شات فالكورة يا إما إنها تجي قول يا إما إنها تجي قولوحدة من الثنتين!!
.............................................
على العموم هذا اللي قدرت عليه اليوم !!
وعلى فكرة,,,
أنا إن شاء الله مستعد بعد إسبوعين إني أغطي بشكل شبه يومي (إذا كان التمرين مفتوح) لكن أبي من يتعاون معي بالصور فقط.
يالله نشوفكم على خير,,,,
دمتم في رعاية الله

[IBRAHIM9]

يعطيك العافيه ,,,, والله يوفقك في الاختبارت وجميع الطلاب

[hamad16232]

كفو يابلاتر خخخخ


الله لايهيينك

عسى مافيه برد...؟

سمعت ان الاتحاد السعودي بيصرف فروة لكل مشجع < طريقة لجلب الجمهور للملاعب بعد حالة العزوف

يعافيك ربي على هالتغطية
اجل من بعدك ماراح ننتظر تقرير ادارة الاخبار بالشبكة

غطيت عليهم < اخص ياموبايلي على غفله

[الهلال السعودي 20]

يعطيك العافيه بس لو كان فيه صور كان افضل
اخوك / الهلال السعودي

[أ.مطلق الدوسري]

مشكور حببي على هذا التقرير المرح

[**sniper**]

كفيت و وفيت .. ليتكـ كل يوم في النادي من بعد هـ التغطية .. يعطيكـ العافيه

[ابو وهايب]

مشكووووووور

واصل يا بطل

[سمسم سامي9]

مشكور على هذاي التغطية ويعطيك العافيه

[مسير على الكيف]

يعيطك العافيه ا خوي

نقل رائع لاحداث تمارين الهلال

وياليت كل يوم تروح وتعطينى الاخبار يا بطل

تحيتي

[المختفي20]

عليك وصف للتمرين



اسمحلي













رووووووووووووووووووووووووووووووعه

الله يعطيك العافيه

بالتوفيق للزعيم يا رب

الله يوفقك في اختباراتك والمسلمين والمسلمات يا رب

[زيزو الثنيان]

بعدي والله تسلم ومقصرت

يخي والله العظيم بدون ما اكذب اااحس ان كل كلامك واتخيله بالصور
عيشتنى <<<< صح ذا الكلمة .. الواقع كااان فيه صور



مشكور على التقرير الحلو واااصل يا احلى من االمركز الاعلامي <<<< مايعرف يمدح

[14 عاشق الابداع 20]

الله يعطيك العافيه بصراحه دخلتن جو التمارين


الله يوفقنا وياك وكل الاعضاء بالاختبارات

[فراشة المنتدى]

مشكور والله شوقتني ياليتني اقدر احضر التمارين ,,,,,امزح لا تعصبون علي
ياااااارب يرجع الشلهوب ياكوزمين تكفى ترا تكفى تهز الرجاجيل حطه اساسي عساه يقعد يتقهوى في نص الملعب بس ياويل اللي يشوته

[البندري بنت خالد]

إقتباس الرسالة الأصلية كتبت بواسطة زعيييمه مشكور والله شوقتني ياليتني اقدر احضر التمارين ,,,,,امزح لا تعصبون علي ياااااارب يرجع الشلهوب ياكوزمين تكفى ترا تكفى تهز الرجاجيل حطه اساسي عساه يقعد يتقهوى في نص الملعب بس ياويل اللي يشوته

ومن سمعك ودي اروح كل التمارين لكن امر الله شق القربه ,,, زي مايقلوون ,,,

[فريدينهووو]

يعطيك العافيه تغطيه رائعه ومرحه

والله يوفقك في أختباراتك

وننتظر أبداعك القدام