[Fahad Al Sudais]

حيـــــــــــاكم

فيه نكته رهيييبة كلكم عارفينها اكيد

اللي تقول :

محشش دخل بيتهم بالليل... لقى اهله يتعشون نواشف

قال لهم : أحلى ـآآآآآآآآآآآآآآآآآ... يتعشون فطور

.

.

والله الظاهر... وحسب ما اشوف... وحسب ما هو واضح

واجد اللي يتعشّون فطور هالايام

خصوصا في الوسط الرياضي السعودي المدروس

واللي يجيب المرض

إن هاللي تعودوا على النواشف مالهم نيّه يتركون راعي المفاطيح يدسّم شواربه بالعافيه

ولا لهم نيّه يعرفون إن ( للعز ناسه )

تلقاهم كل ابو دايم

اذا شافوا راعي المفاطيح تربّع على ذبيحة من اللي يحبها قلبك

قاموا يحومون تقل ذبّان على رزق غيرهم

عاد المشكلة إنهم ماهم كفو يمدّون ايديهم على مفطّح

بطونهم ماتستحمل الشي اذا صار ( كامل الدسم )

ومتعودين على منزوع الدسم والجبنة ( قريش )

اذكر إنّي شفتهم العام قلطوا على ( تيس ) صغير

بغوا يموتون من الهبال

بعذرهم

10 سنين فطورهم وغداهم وعشاهم نواشف

يفطرون ( فطور ) ويتغدون ( فطور ) ويتعشون ( فطور )

وهذي مشكلة اللي ماتعوّد على علوم الرجاجيل والعلوم الغانمة

تلقاه مايعرف يقلط ولا يعرف يتربّع ولا يعرف يسمّي

ولا يعرف راس الذبيحة من ( ...............)

اللي مثل هذا

ودّك اذا شاف طلايب الرجاجيل وسمع طاري المفاطيح

يباري الساس ويبعد عن العلوم اللي ماهو قدّها

اللي مثل هذا

ودّك اذا شاف الرجاجيل ماسكين الخط السريع

يمسك الفرعي لييين يمر الموكب

عاد تدرون وش مشكلتنا يالهلاليين

تعوّدنا على تدسيم الشوارب

وما يهجانا غير المفاطيح

مانقلط الا على ذبايح وقعدان

غيرنا الله لايبلانا

تعودوا ( يتعشون فطور )

وتعودوا يطلعون يصارخون بالفضائيات :

ليش ماعزمونا... ليش ما ( نبّونا )

عمركم شفتوا احد يبي علوم الرجاجيل بالغصب ؟؟

ياخي اذا منت راعيها من الاساس.. لاتحاول تسوّي فيها

.

.

شويّـات من ( الحين )

- الحين ادارة المنتخب ارسلت خطاب لنادي الهلال تمنع فيه مشاركة خالد عزيز.. طيب ياترى ممكن نادي الهلال يرسل خطاب لادارة المنتخب يعتذر فيه عن انضمام عزيز حتى لاتتفاقم اصابته ؟؟ هماهم مقتنعين إنّه مابعد تعافى ؟؟

- الحين يوم اننا كل شوي نقرا موضوع عن كيفية حسم الدوري في حالة تساوي الهلال والاتحاد بالنقاط... ماعندنا ثقة بقدرة فريقنا على الفوز بالاربع مباريات الباقية ؟؟

- الحين يوم إن طلعت الغاط مدري القدّيـة حق الوحدة كل ليلة يطلع ويصرّح ويقول العرض الاكبر وحقوق الوحدة... مايقول لي الحين وش استفاد من الوضع اللي صار ؟؟ اللاعب راح ينتقل للهلال بإذن الله وبمبلغ اقل بكثير من العرض السابق..!!!

[@ذايب بفن التايب@]

كـــــــــلآم عيـن العقــل ...

هـآذي النـآس الفـآهمـة والله ..!

وأنـآ مـن أشـد المتـآبعين لـك أخـووي الصخـرة ... وآآصل

[صمود أمام المستحيل]

الصراحة نقد رائع اشكرك على الموضوع



وإلى الأمام

[نخبة الزعيم]

أدعي معي يا رب أن الهلال يكون كيان مستقل عن الأتحاد السعودي لكرة القدم وقتها بتشوف مين يقدر يحط عينه بعين الهلال

[عاشقـ تشيلسي]

انعم الله عليكـ..
قصدي .. كلام سليم..
ويعطيك العافيه..

[أنسان حنون]

بالله هههههههههههههه
ربعك والله ماراح ياكلون أبد مفاطيح لان بالاساس يديهم وسخة

[مجنون ســ9ــامي]

ابداااااااااااااااااااااااااااااع أيما ابدااااااااااااااااااااااااااااع أيها الصخره

روووووووووووووووووووووووووووووووعه موضوع في الصميم

يسلمو بؤك يااااااااااااااااااااااااااااااااشيخ

[هلالي وبمزاجي]

لله درك ياكاتب الشبكـة
فعلاً الي تعودوا يتعشون فطور مالهم بالعلوم الغانمة والمفاطيح
اللهم لاشماتة

[ســمــو]

"أنعم الله عليك وكثر الله خيرك وزادك من نعمته وخيره ..<~~ على العزيمه ..
يعطيك العافيه

[Fahad Al Sudais]

إقتباس الرسالة الأصلية كتبت بواسطة @ذايب بفن التايب@ كـــــــــلآم عيـن العقــل ... هـآذي النـآس الفـآهمـة والله ..! وأنـآ مـن أشـد المتـآبعين لـك أخـووي الصخـرة ... وآآصل

هلا بك يالغالي

اسفرت وانورت واسفهلّت وامطرت

الف شكر

[™мя. sαяч]

والله كلامك سليم سليم سليم

[المصمم السعودي]

إقتباس ولا لهم نيّه يعرفون إن ( للعز ناسه )

صدقت بهذي

وكلامك عين العقل

[عاشق شرهمك]

إقتباس الرسالة الأصلية كتبت بواسطة @ذايب بفن التايب@ كـــــــــلآم عيـن العقــل ... هـآذي النـآس الفـآهمـة والله ..! وأنـآ مـن أشـد المتـآبعين لـك أخـووي الصخـرة ... وآآصل

[..مجرد شخص..]

الصخره تكفى كلبو يوم إكتب

أتونس ع مواضيعك

يسعدك ربي

صدقت بكل حرف كتبته

[مصررقع هلالي]

يــــالــبا تسبدك وبنكرياسـك

درر

عظمة على عظمة ياصـخـره