24/01/2009, 06:37 AM
|
| زعيــم فعــال | | تاريخ التسجيل: 25/01/2007
مشاركات: 369
| |
شكرا من القلب يابومساعد , الأخلاق الإسلامية والجماهير!!!!
السلام عليكم ورحمة الله وبركاته جميعاً , تحية طيبه وعذبه للجميع ,  والحمدلله على الفوز ونحمد الله كثيراً على ذلك ويارب نفوز في كل المباريات . من بعد مفاجئات بطولة الخليج كاس 19 كنت خايف كثير على اللاعبين لكن في خاطري اقول فدوة للديرة ولعيونها نكمل المسيره حتى لو ننصك عشره , دوله رفعت رؤسنا لازم نرفع راسها , حتى لو المنتخب بأسوء حالاته , وكما يقال ( معاك يا أخضر حتى لو ننصك عشره ) بكل الحالات بنحبك . كثير مانشوف كلام ماهوب مقبول من جماهيرنا في المنتديات على النصر او على اي نادي آخر , بكلام مزعج مثل ( الفقراويين وغيره ). ؟ حنا والنصر ياعيال اخوان وحبايب وعيال عم ماهوب من دولة ثانية او من ديانة ثانية , بالعكس في منهم الأب والأخ والعم والخال والقريب والصديق , والكثير منهم بل اصحاب عقول صافية لانحب من يضرهم , وهنا وهناك من الجماهير المتعصبة الشيء الكثير !! شتم وسخرية . ومو بس في النصر , في كل الأندية , وترى الهلال ماهوب هو احسن شي في الدنيا !!فيه اللي اغلى منه , الدين اغلى منه والوطن اغلى منه , التعصب اللي نشوفه يشير الى ان الدين في جهه والوطنية في جهه اخرى والأستمرار في السخرية لاينقطع حتى بعد المباريات , انا بصراحه أحزن لمن أشوف صديقي أو مثلا أبن عمي زعلان بسبب الهزيمه مثل ما انا اتضايق وازعل اذا انهزم الهلال , يهونها لي وانا اهونها له , لان الملعب غير والقرابه شي ثاني . واذا استمرينا على هالحال ماراح نكون مخلصين اول شي لدينا وثاني شي لوطنيتنا ثالث شي لنادينا لان التعصب يولد الكره والكره يولد المشاكل والمشاجرات اللي سببها كرة قدم لو انسمها تنتهي اللعبه !! . مانبي نشوف هالكلام في المنتدى بالعكس منتديات الهلال ليست مكان للاستهتار للأقارب والأصدقاء بل للحوار والنقاش ومشاركة الأفراح والأحزان ومتابعة أخبار النادي والى غيره , ليست مكان لـ السخرية والشتم !! نحن أكبر من ذلك . هناك مواقع كثيره تحمل طابع الأطفال المتحدثين بإسم الهلال بالكلمات الردئية .فليذهبوا إليها . أنتم لا تنتمون إلينا , فأرحلوا عن المنبر الأزرق . بالله نتوكل وبالرسول نقتدي , ومن ثم بأصالتنا ووطنيتنا نحب بعضنا . \\ عبدالرحمن بن مساعد // يارب يوفقك في كل خطوه تخطيها ويحفظك ويبعدك عن كل شر , كنت خائف جدا من اللاعبين جدا لكن بقراءه بسيطه لهم فهمت التخطيط المستقبلي الذي سوف يمنح الهلال أكثر من كلمة ممتاز , شكرا لك ومن معك من القلب الى القلب . الله يقدرنا على رد جمايلكم جميع . \\  كوزمين شكرا لك , فيلهامسون شكرا لك , ياسر الله يوفقك , الفريدي بيض الله وجهك , سيول أذهلتني بحركة اكتشفت فيك لمسات اللاعب الكبير والوعد قدام , رادوي لعبك مباراة اليوم مايحتاج يخليني أعلق , الشلهوب اشتقنا لك , وكل اللاعبين أديتوا لعب كبير وأذهلتنوا وعساكم على القوه والى الامام نسأل الله لكم التوفيق \\ طارق التايب , خالد عزيز , ماجد المرشدي اشتقنا لكم كثير وعسى الله يرجعكم بالسلامه للهلال . ---- ختاماً , الحمدلله الحمدلله الحمدلله على الفوز . ’اخوكم محمد بن عبدالله وعسى الله لا يغير علينا ,  |
الوضع العادي
