[ابو ريتـاج الهلالي]

مساكم الله بالخير يا زعماء

مبروك الفوز بالاول ولو أن المستوى لكم عليه ( يعني باقي تكه بسيطه ويسير فريقنا 100% إنشاءالله .
لما اقول مباراه مو طبيعيه هذا يعني ان المياراه بالشوط الاول غير ممله واللي زادها ملل 2000 مشجع وحضور بارد كما هو جو الرياض البارد وتعليق الشوالي اللي كان بارد اليوم وماله نفس يعلق والشوط الثاني غيييييييير ليش ؟؟

على العموم عندي ملاحظات عن المباراه باذكرها على شكل نقاط

# رادوي مكسب واللي يقول ما تقدر تحكم من أول مباراه اقول له ( ليالي العيد تبان من عصاريها ) يعني على انه لاعب محور الا ان تحركه بالملعب وتوزيعه للكور لمسافات بعيده تقريباُ 40 يارده بعرض الملعب مثل كورة القول لويلهامسون يدل على انه لاعب مهاري .
# رجوع عزيز للتشكيله مهم جداً لانه مع رادوي راح يفرق تنظيم الهلال .
# عبداللطيف الغنام الله يخليه محور كويس ومستواه حلو بس فيه عيب كبير لازم يتخلص منه والعيب هذا تكلموا عنه كثير من الفنيين والمدربين (( المحور ما يرجع الكور للمدافعين لازم يرفع راسه ويمرر قدام قدام ))
# الفريدي الله يخليك حطمت الهزازي احس انه كره الديربي والنصر اليوووووم .
# الزروري + نامي الله يخليكم 5 رميات جانبيه غلط بالمباراه تذكروني بمباريات الحواري إذا جابولهم حكم من رعاية الشباب كل المباراه آوت غلط ( لا والرومانيين ناقلين المباراه بعد بيشوفون الديربي )
# الامير عبدالرحمن بن مساعد ( ياسيادة الريس ) مع ان فريقنا فاز اليوم الا انك صرحت بعد المباراه بان النصر الفوز عليه له طعم خاص ( بالله من جدك الكلام هذا ولا الطق بالميت حررررررام ؟؟ )
# العنبر نزولك كان تكتيكي الصراحه .
# ويلي + سول + رادوي + ياسر ( خلطه اوربيه انتظروا نتائجها قريباً )


(( أول مره اكتب بالمنتدى يعني لا تدققون بس كلام بصدري وودي اقوله ))