يــمــّه !!
أول مرة انقد عليكم يا أعضاء شرف الهلال !! والسبب إنكم (أيقظتوا العملاق النصراوي اللي كان طاق فروة لونها حليبي ولابس شرّابات صفر وعليه سديرية سماوي مقلمة بأصفر .. وطالع من تحت الفروة طرف الشلحة تعرفون العملاق يلبس أي شي !! ) ودابـّها نومة !! عاد ( المارد النصراوي ) اللي توه مستيقظ .. قافله معه ولا له خلق !! ويا ويلكم يا سواد ليلكم يالهلاليين !!
وكانوا النصراوييّن يحذروّنكم ويقولون : " اتق ِ شر الحليم إذا غضب " !!
خخخخخخخخ بس اللي ما فهمته من يقصدون بالحليم !! ومن يقصدون باللي (إذا غضب) !! طبعا أكيد مايقصدون شيء !! لأن اللي أعرفه إنهم أربعو عشرين ساعة (مخنفرين ) ولو يطلع بنغالي طاق تكميلة صفراء بقناة أقرأ .. كان اجتمعوا أعضاء شرفهم بسرعة .. وعلمـّوا عماد"القوي" .. عشان يدق على المذيع و يمسّح به البلاط !! لكن أتوقع إنها زلة برطم !! لأنهم يسمعون بالحلم !!
كنت راجع للبيت .. المهم جتني رسالة جوال .. مكتوب فيها ( أرجو الاتصال بـ ) !! ذيك اللي تجيك مع النماذج .. المهم قلت يا ولد ما بدهاش خلني اتصل .. والله يوم دقيّت وأثره ( المارد النصراوي ) !! وتعرفون لاعبتن به الطفرة !! ولا به رصيد !! قال لي أنت مغاط ؟! قلت لأ سكرتيره !! قال طيب رح ناده !! قلت يخوك دق عليه وش دخلني في السالفة !! وبعدين من أنت ؟ قال أنا (العملاق والمارد النصراوي اللي جنيتوا على نفسكم يالهلاليين و صحيتوه من غفلته ) !!
قلت : عمى وش هالمارد السربوت؟ قال أقول أثقل والزم حدودك وش سربوته !! قلت : هماك تقول صحيتوني من غفلتي !! قال أنت قلق !! (عطني مغاط) !! قلت ما تبي فيصل أبو ثنين بعد ؟!
قال تنكـت ؟! لكن هيّن أنا وراك والزمن طويل !! ويكون بعلمك !! ترانا طقينـا لنا ثلاث محترفين جدد !! قلت ما شاء الله تبارك الله .. (كاكا) ومن بعد ؟!
قال : كاكا بعينك !! جبنا " ربيع و غالي " !! والكويكبي !! قلت طيب وش دخّل أم الهلال في السالفة !!
قال عشان تعرفون تعاندونـّا !! من قال لكم توقظوني !! وبعدين ترا عندنا عضو شرف .. حمقان عليكم !! والله يعينكم عليه !! و لا تهمـّك ملامح وجهه !! ترا عنده أربعين مليون .. لافـّها بكيسة خبز !! وكاتب عليها ورقة (ياسر) !! يعني ياسر آخذينه آخذينه الله لا يعوق بشر !! قلت بس .. اللي أنا خابره إنه الكويكبي اسمه (علاء) موب (ياسر) !! قال : لا نبي ناخذ ياسر القحطاني !! قلت خخخخخخخخخ أحلف ؟! تدري عاد إني أول مرة أشوف مارد بجيح !! بس يا ويلنا منكم ويلاه !!
قال : لاااا ماشفت شي !! عندنا عضو .. يووووه عاد ذاك من قوّ التعصيبة عليكم شاري (نبيطةّ) و مزبرقها بشطرطونات !! و معه شيء بمخباته والله ما أعلمـّك وش هو !؟ قلت له يوووه لا تصير بزر عاد !! .. علمني تكفى !! قال معه (تسجيل صوتي .. بس ما حناب ناشرينه إلا بالوقت المناسب) !! قلت من اللي يعزف ؟! قال تستهبل أنت ووجهك ؟ تسجيل صوتي (للمحياني وهو يقول أبي النصر) .. ونبي ننشره عشان تعرفون ؟! قلت : خخخخخخخخخخخ تدري إنك أزحف مارد شفته !! لكن بسألك سؤال ؟ تخيل إن معك شهادة الكفاءة ومعك شهادة الثانوي !! ورحت تقدمّ على وظيفة!! وش اللي راح تقدمـّه وتبرزه ؟! قال المارد : الثانوي لأنها آخر شهادة !! قلت يعني شهادة (المتوسطة) بللها وأشرب مويتها !! هزّ المارد راسه وقال صح !!
قلت أجل رح لم عضو شرفكم وقله هالحتسي !! وخل ربعك يتركون عنهم البربرة اللي مالها سنع !! والميدان يا حميدان !!
--------------------------------------
برايفت لـ من يهمـّه الأمر :
- لا يريدون أن ترسو سفينتنا !! ولا أن نبلغ غايتنا !!
و ستغضبهم (دقة سيرنا ) !! و (قرب وصولنا ) !!
و ستألمهم (شفافية منهجنا ) و ( سموّ رسالتنا ) !!
وسنـُعـــلي جميعا ( أشرعة مركبنا ) وسـْط َ (محيطات "درة ملاعبنا" ) !!
وسنـنتزع ( الدانـــة ) بمشيئة من أنشأ ( محارتــّها ) !!
فحين يكون ( القائد ) حاذقا ً متمرسا ً يروّض هيجان البحر !!
ويصارع أمواجه !! برباطة جأش الحكماء !! وكياسة لبّ العقلاء !!
وحين تومض (النجوم ) اشتعالا ً .. وتتراقصُ طربا ً ونشوانا !!
لترسم للمركبة ِ وجهـتها !! سدا ً ودرءا ً لانحرافاتها !!
فسأكمل العـِقد ( بحارّا ) تزهو به زوارقنا !!
وسأجدّف (هتافا ً) !!
وسأغوص ( استبسالا ) !!
وسترهقهم ( جسارة قلبي ) .. و ( سرعة انقضاضي ) !!
وستصـّم آذانهم ( قصائد زعامتنا ) !! وسأغرّد بها (اشتياقا وسلوانا ) !!
ولن يزيدها (تلاطم الموج) إلا عذوبة و إنشراحا !!
وسننتزع ( الدانة ) !! بمشيئة من أنشأ (محارتـّهــا ) !!
------------------------
من قمت اليوم الصبح .. و ( سعود الزهراني saud.m ) .. على بالي !! يا رب إنك تغفر له وتتغمده بواسع رحمته .. وترحمه في هاليوم الكريم .. أقسم بالله إني أحبــــك في الله يا سعود .. 
يـــّمــــــه !! 
الوضع الشجري
