[مغاط]

- أدري إنكم شرهين علي .. لكن اللي يهونـها إنكم عاذريني ومقدريّن إن بعض الظروف الخارجة عن الإرادة تجبر الواحد إنه يبتعد عن محبيـّه .. بس هه ها أنذا قد عدت .. <<-- وش عنده مغاط بن أبى سلمى !!


- ما علينا لكن : تذكرون يوم (توني بلير) رئيس الوزراء البريطاني .. يقدّم استقالته !! قائد أقوى امبراطورية عرفها التاريخ !! ومنصب (تقوطر له السعابيل) !! والسبب " تراجع نسبة مؤيديه" !! رغم الازدهار اللي عاشته بريطانيا في عهده ؟!


- ما علينا .. طيب تذكرون استقالة وزير العدل الأمريكي (ألبرتو جونزاليس) ؟! وهو اللي طالبوا حتى الكونغرس بتنحيته لكن ما قدروا !! لكن يوم حسّ إنه مصخـّها مشى من نفسه !!

- المهم ما علينا .. بس أكيد تذكرون استقالة وزير الدفاع الياباني ( فوميو كيوما ) بسبب تصريحاته وخنبقته عن القصف الذري الأمريكي !! وعشان ما تتوتر العلاقات أكثر !! قدّم استقالته الشهيرة !!

- ولا هوب هذا محور حديثنا .. لكن تذكرون قبل الظاهر أربع سنوات مدري خمس يوم يخفس الاقتصاد التايلندي (من زين ذا الاقتصاد عاد) .. خفسة ميب طبيعية .. يوم يعلن (وزير المالية) استقالته !! وبعدهـا غيروا العملة وشغلات كثيرة وانعتشت الاقتصاد من جديد !!

- ما علينا .. لكن تذكرون (رئيس أركان الجيش الاسرائيلي ) يوم يقدم استقالته بعد ما بغوا يجيبون فيهم (حزب الله ) العيد !! وبسبب مكابراته واقراره بالذنب !! استحى على وجهه ومشى !!


-------------------------


- ( يأسفني ) أعزائي المشاهدين أن استضيف معكم (الأمين العام للاتحاد السعودي : فيصل بن عمر الأفندي) .. المهم ما علينا .. وأكيد إنكم تدرون إنه :
عضو في المكتب التنفيذي في الاتحاد السعودي ..
وعضو (لجنة المنتخبات وشؤون اللاعبين ) !!
وعضو ( العلاقات الخارجية ) !!
و عضو (لجنة الاحتراف وأوضاع اللاعبين) !!
و عضو ( اللجنة الفنية) !!
و عضو (اللجنة المالية ) !!
وعضو (لجنة الانضباط ) !!
وعضو (لجنة الحكام ) !!
وعضو ( لجنة الاعلام ) !!
و عضو لجنة (مراقبة وتطوير الحكام ) !!
و عضو (لجنة المسابقات) !! .. ويصليّ بهم بعض المرّات بمسجد رعاية الشباب !!
المهم ما علينا .. نبدأ حلقتنا بالسؤال التقليدي .. ليش ؟!

- فيصل عبدالهادي : وش اللي ليش ؟!
- مغاط : ليش أنت دبلة تسبد ؟!
- فصولي : ليه عشاني كثير وفي كل اللجان غاير ؟!
- مغاط : إيه غاير .. بس ياليت تعلّم السادة المشاهدين وشلون دريت إننا غايرين منك .. لأن كل(ن) يقول إنك (دلخ ) ولا براسك !! لكن اللي أشوفه العكس !!
- فصولي : بكون معك صريح بس لا تزعل ؟!
- مغاط : أخس يالمؤدب ؟!
- فصولي : أنتم يالهلاليين .. مشكلتكم تبون كل شيء لكم !! وترا ما فيه أحد ما يبيني إلا أنتم !! عشاني حقــّاني !!
- مغاط : يا أخي وينك من مبطي .. فعلا الكل محتاج يسمع هالكلام المنطقي !! ممكن تشرح كلمة ( حقــّاني) !! لأن (شبكة الزعيم) اللي يدخلونها من ملاحيس الأندية الثانية أكثر من الهلاليين نفسهم !! ممكن تشرح لهم وش معنى كلمة (حقاني) !!
- فصولي : الحق حق عندي ولو على قطع (خدّي) !! وتراي أحكمّ ضميري في كل شيء !!
- مغاط : طيب ما علينا .. لكن عندي سؤال هل أنت (فقمة) ؟!
- فصولي : يا اخي احترم نفسك وش هالالفاظ ؟!
- مغاط : يخوك وراك زعلت .. أنا اللي أعرفه عن (الفقمة) إنها إذا لقت أكل ما تاكله على طول !! توزيه ثم بعد فترة إذا جاء (يخور) وإلا يخيس أكلته !! لذلك فيه وجه تشابه بينك وبينها !! فهي توزيّ الأكل !! وأنت توزّي (خطابات) !!
- فصولي : أهاااا ههههه لا والله هو صح إننا نتشابه من هالناحية لكن صدقني كل واحد له ظروفه !!
- مغاط : ممكن تشرح لنا ظروفك .. عشان نقدر نفرقـّكم عن بعض !!
- فصولي : يا أخي وشلون الواحد يحسّ بقيمته وأنه موجود وهو (نظامي) ولا يعاكس التيار !! فإذا جاني أي خطاب قمت و وزعته على الأندية أو نشرته عبر الصحف فبكذا أبكون (ملطشة) !!
- مغاط : وعفوا أجل أنت وشو ؟!
- فصولي : أنا زي ما قلت لك أنتم يالهلاليين حاقدين !!
- مغاط : يخوك وش دخـّل الهلاليين !! أنا أسألك عن (انتهاكك لحقوق الوطن عبر منصبك ) وبتجرّد تام !! وأسأت أكثر من مرة وكلها عن طريق سلبك لحقوق نادينا !! وعبر إساءات أخرى !! وبإمكانك ترّد وإذا صار ما فيه جواب مقنع للعقل فمن أبسط حقوقنا نعبرّ عن استيائنا !! فهمت ؟!
- فصولي : ليه وش سويّت لكم أنا ؟! شفتوا إنكم حاقدين ؟!
- مغاط : تعرف (الأمير فيصل بن عبدالرحمن بن سعود ) ؟!
- فصولي : أيه أعرفه " رئيس النصر " ؟!
- مغاط : حلو ؟! طيب تعرف " سلمان النمشان " ؟!
- فصولي : أيه اعرفه " مدير ملعب استاد الملك فهد " !!؟
- مغاط : ويقولون إنك دلخ !! يااخي فعلا ما عندهم سالفة ؟! طيب تعرف "طلال ال الشيخ"؟!
- فصولي : إيه أعرفه " مدير التحرير .. والشخصية الادارية و الشبابية المعروفة ؟!
- مغاط : حلووو حلوو .. يعني كل اللي ذكرتهم فوق مالهم دخل بالهلال؟! وسفـّلوا بك ؟! وبتصاريح منشورة في كل مكان و وضحّوا إن ما في راسك !! وإنك (خراّط وتسذوب ) وسوسة تنخر جسد الرياضة السعودية !!
- فصولي : لحووول .. أنت جايبني تسبـنـّي ؟!
- مغاط : يخوك وأنا جايب شيء من عندي ؟! طيب عشان ما تقول حاقدين : ممكن تسرد لنا (إنجازاتك ) ؟! و النقلات النوعية اللي أحدثتها من خلال منصبك ؟! إذا ما فيه إحراج !!
- فصولي : ما يهمّ إنها تكون (منجزات) مشاهدة على أرض الواقع !! أهم شيء إنـّي مرضي الروس الكبيرة !!
- مغاط : وشلون يالذيب ؟
- فصولي : بالعقل !! وبالمنطق !! شخص حتى الكمبيوتر ما يعرف يستخدمه !! رغم الخلل اللي تزامن مع جيتي وتولييّ للمناصب الرياضية في الاتحاد السعودي !! رغم الضغائن والأحقاد اللي نشبت بين الأندية بمباركة منـّي وقراراتي التي يجمع الجميع على انها ارتجالية .. كالإيقافات !! وزيارات رؤساء الأندية في منازلهم !! كخروجي على رؤوس الأشهاد وإعلاني بانتهاكي لحرمة عملي !! برغم عبثي بجدولة الدوري !! كيف لا أفتخر و الرجل الأعلى في الرياضة السعودية يبارك قراراتي !! ألا تعتبر هذا بحد (ذاته إنجاز) !!
- مغاط : بس رأي الأمير سلطان بن فهد .. رأي شخصي ويحتمل الخطأ ويحتمل الصواب !! ولا هوب معناه إنه مدحك إنك خلاص ( تكانة ) و ( ينشد بك الظهر) !!
- فصولي : أقول أحسن لك لا تتكلم في السياسة !!
- مغاط : أقول لا تكثر بربرتك !! وخلنا في موضوعنا !! وقل لي : إلى متى أنت جالس في الأمانة ؟! رغم كل هالإخفاقات وهالاختناقات وهالضبابية اللي نشاهدها في تحقيقك لأهدافك !! بالوقت اللي نشوف فيه كفاءات رياضية .. تقتاد جورا وظلما ويرمى بها خارج أسوار (الاتحاد السعودي ) ومنهم من (همُـّش) !!
- فصولي : يعني اللي أفهمه أنكم قاعدين ( تشنـّون حملة علي ) ؟!
- مغاط : وشلون حملة ؟ يا حمّى الوادي المتصدع !! تسمع بالحملات !! المسألة باختصار (إنك بشهادة الكل إنك الرجل الخطأ ) بدتني مستواك الفكري والإداري !! وآدائك الهزيل المضحك !! وللأسف أن هناك من يقول إنك (الكفؤ) وأنك لابد أن تبقى ما دمت (حجر عثره في طريق الهلاليين ) !!
- فصولي : شفت إن كلامي صح !! و عشاني ما ألبـّى لكم مطالبكم تبي تطالبون بإقالتي !!



- مغاط : صدقني يا عزيزي إنك مخطي !! هو إشفاق لا أكثر ولا أقل !! احتراما (لضميرك الميّت وما تبقى به من قطرات دم " استقل " ) !!
احتراما للأمانة التي أوكلت لك " استقل " !!
احتراما لذاتك " استقل " !!
احتراما لـ سنـّك " استقل " !!
احتراما لـ " للسيفين المتقاطعين الذيّن تتوسطهما نخلة الوطن المثمرة " (استقل) !!
احتراما لـ " لأهل بيتك وبنيك ولأسرتك " (استقل) !!
احتراما لـ للكفاءات التي تفوقك خبرة ً وحنكة " استقل" !!
احتراما لـ راية التوحيد " استقل " !!
احتراما لـ الاتزان الجسدي للرياضة السعودية " استقل " !!

وانتقاما لـ ذاتك و ها أنت ( دمية ) في أيديهم يحرّكونك كيف يشاءون (استقل) !!
وانتقاما لـ مبادئك - و ها أنت (أضحوكة ) يتندّر بها المتسامرون - (استقل) !!

وانتصارا لـ (الحق) و (العدل) "استقل" !!
وانتصارا لـ(الأمانة التي وأدت على يديك ومن شابهك ) " استقل " !!
وانتصارا لـ(للنفس السامية الرفيعة) " استقل " !!


فها أنت يا ضيفي الكريم :

- تجمع بين طيـّات جسدك الممتلأ المتكرّش المزعج كل عناصر الفشل :/

فأنت تخادع ذاتك !! وأنت أخبرنا بأنك ( خاو ٍ مفلس) !!
وها أنت تظهر بوجه المدلسّ تارة !! و بالتواءات كإنحناءات الثعبان تارة أخرى !!
وها أنت (تلوم غيرك ) وتلقي باللائمة ركلا وتهرباً من أبجديات مسؤولياتك !!
وها أنت بجبنك تدس رأسك (الكبير الذي يملأه الشيب) بحفر الهوان كي توهمنا أننا لا نرى هذا الجسد المتضخم الجبان !! وهو يتنصل من مسؤولياته !! ولم يعترف قط بتقصيره وتخاذله !!
وها أنت مراوغا وملتويا وتغطي لحم جسدك بفرو ثعالب ٍ ماكرة !!
وها أنت مكابرا !! وكرة ً ثلجية يعلم الجميع أنها كلما تدحرجت و ازداد حجمها .. فقد دنت نهايتها !!
وها أنت مثالا حيـّا ينطق بألسنتنا !! ومن بني جلدتنا !! ولكنه تمثالا (لصناعة الفشل) حينما تتمثل بـ (جسد) !!

ضيفي العزيز لا أريد أن أقسو عليك ، ولكن ( استفت قلبك ) ولو (أفتاك الناس ُ وأفتوك ) !! فما أنت إلا ( جارا ً لعربتهم ) .. تلوكك سياط منتقديك !! و ترتسم لسعة الجلاّد على فقرات ظهرك الغائرة وسط كومة الشحم التي اختلطت ببلادة حسـّك !! ولهثك خلف قطيعات لحمهم الموبوءة التي زادتك (استعارا ) !!

والسلام عليكم ورحمة الله وبركاته أعزائي المشاهدين ..