[الغريب]

حرررررررررررر ياهوه:PI

بالدوام حر

بالبيت حر

بالسيارة حر

بالنهار حر

بالليل حر

لولا الله ثم حبيب القلب " الكنديشن " أو " المكيف "وهو جهاز له أشكال عدة تختلف في الموديل والنظرة وتتفق بأن لها مفتاح " ترعصه " فيهب بوجهك الهواء البارد
هل فكر أحد منا كيف كانت الحياة قبل هذا الاختراع ؟!!

هل فكر أحد منا كيف تم اختراع هذا الكنديشن ؟!!

اقرأوا مااستخلصته من بحوثي وقراءاتي واكتشافاتي والتي من خلالها توصلت إلى القصة الحقيقية لاختراع هذا الجهاز الذي أصبح لاغنى للناس عنه وخصوصا من يسكن منطقة الرياض المعروفة بجوها العليل



يقولك هذا واحد والواحد الله بسماه العالي وأرضه المالي <=== ماسرقها من جدته
هالواحد كان اسمه " كند " وأبو ه اسمه " ايشن " كانوا من أهل القصيم

التي اشتهر أهلها بالاختراعات المهمة ومنها الكليجا والسكري

الزبدة خوينا " كند " كان يشتغل بالمزرعة يسقي النخل ويعلف البقر وبيوم من المرات جاء هالظهر جلس بغرفة بالمزرعة يتغدا ويناظر القناة الأولى

طبعا هالكلام أيام كاس العالم 74 م وكانت الآرتي مشفرة الكاس بس مقدمة مباريات المنتخب هدية للتلفزيون السعودي تقديرا من الشيخ كامل خان للدولة وشكر على منحة الجنسية السعودية بعد أن كان " مشحططا " في الهند !!!!

المهم نرجع لخوينا " كند " اللي جلس يناظر مباراة السعودية وألمانيا وكان الكابتن وقتها " سعيد غراب " <==== بزعمة ضابط الحبكة الدرامية للقصة ولا هوب يكذب
المهم خوينا " كند " جلس متحمس يناظر المباراة والدنيا حر

وكل ماجاء هدف صار يعرق أكثر ويحس بالحر على أصوله

المهم انتهت المباراة 16 / صفر لألمانيا !!!!!
<=======
ياثباب اللي ماهوب مثدق يرججع يشوفها بالفيديو وتلقون الثريط في محل فيديو بالبطحاء عند واحد اسمه " سراب " ميت له عشرين سنة اسألوا الورثة عن الشريط

المهم الرجال " كند " قام " يسرسب " عرق وزاد الطين بلة هالنتيجة اللي تفشل !!!!

خوينا وقتها قرر إنه يخترع المكيف وفعلا اخترع المكيف بصيغته التجريبية وكان عبارة عن جريد نخل وأطلق عليه اسم " المهفة "

بعد سنوات تم سرقة الاكتشاف وتطويره من الغرب حتى أصبح بشكله الحالي ..............





هذه قصة اختراع الكنديشن فرحم الله الفقيد وجزاه الله خيرا ولاتنسوه من الدعاء والشكر

** حقوق هذا البحث محفوظة


ملاحظة : استروا على ماواجهتم ولاتشرهون ترا الحر لاعب بحسبتي

[عــــ الهلالي ــارف]

نفسي اعرف ليه اخترعوا المكيف ....

لا تقولون حر ...

عندنا في الشرقيه برد ونعمه خاصة في الصيف الجو يهبل ...

لا حر لا سموم لا رطوبه ...

اذا جلسنا داخل البيوت نموت من الحر ...

سلم لى على جو الخبر ...

مشكور اخوى الغريب ...

[GAME]

بصرحه الاختراعات والمصانع هي السبب في حراة الجو
بس مقصرالمخترع

[الإعصار]

والله ونعم بكند

مانسى ابوه بيض الله وجهه

يعني حتى في الاختراع اضاف اسمه ابوه معه

لو انه واحد من عيال هالوقت كان سمى الاختراع كند وجحد ابوه

[البرفسور]

عارف لا يكون ساكن بجزر الوقواق خخخخخ

اخوي الغريب

ياخي والله انه نعمه من الله هالمكيف

والولا الله ثم المكيف كان صرنا ساديا على غفله

[ابو روان]

هههههههههههههههههاي الله يرجك ياشيخ أجل الي مخترعه من أهل القصيم

بس أنا الي اخبره انه اذاصفقهم الحررررررر طلعوا

لمزارعهم تقل ضببه طالعه من جحورها





بس تراه مايمنع ان أهل القصيم أهل علم واختراعات
;) ;)

[السلطاني]

ايه صادق يالغريب

ختى كند هذا مدحه الشاعر الكبير محمد عبده بقصيده

ياكند أنا قلبي من هجرالأحباب مجروح*** جرح عطيب ما لقى له مداوي

حتى فيه شاعره قصيمه اسمها فيروز تقول

نسم علينا الهوى من مفرق الوادي

وفيه شاعره من الشرقيه لما سمعت بالاختراع اسمها احلام قالت

الهوى حب وكيف ******ما يجي بخنجر وسيف

[نواف السديري]

حي الله (( غريب البين )) ;)

ماشاء الله تبارك الله الله يكملك بعقلك

صاير عاقل هاليومين ومن اليوم أبسميك (( العاقل الغريب ;) ))

إقتباس هالواحد كان اسمه " كند " وأبو ه اسمه " ايشن " كانوا من أهل القصيم

كأني مشبه ;)

إقتباس الزبدة خوينا " كند " كان يشتغل بالمزرعة يسقي النخل ويعلف البقر وبيوم من المرات جاء هالظهر جلس بغرفة بالمزرعة يتغدا ويناظر القناة الأولى

لالالالا مو مشبه مافيها كلام أعرفه

إقتباس طبعا هالكلام أيام كاس العالم 74 م وكانت الآرتي مشفرة الكاس بس مقدمة مباريات المنتخب هدية للتلفزيون السعودي تقديرا من الشيخ كامل خان للدولة وشكر على منحة الجنسية السعودية بعد أن كان " مشحططا " في الهند !!!!

صادق ;) يالتسذوب

إقتباس المهم خوينا " كند " جلس متحمس يناظر المباراة والدنيا حر وكل ماجاء هدف صار يعرق أكثر ويحس بالحر على أصوله المهم انتهت المباراة 16 / صفر لألمانيا !!!!!

ماينلام أحنا ثمانيه وعندنا ( كند أيشن;) ) ونقصنا ( تانكي ) عرق وشلون وهو 16 والضعيف ماعنده ( كند أيشن )

إقتباس ياثباب اللي ماهوب مثدق يرججع يشوفها بالفيديو وتلقون الثريط في محل فيديو بالبطحاء عند واحد اسمه " سراب " ميت له عشرين سنة اسألوا الورثة عن الشريط

الغريب روح لمقرّ الفيفا بعض الناس مقدمين عليك شكوى لأنك سرقت الــ ( ثين ;) ) حقتهم

إقتباس المهم الرجال " كند " قام " يسرسب " عرق وزاد الطين بلة هالنتيجة اللي تفشل !!!!

بصراحه يالغريب أنا شاااااااااااااااااااااااااااك فيك



عـــمـــــك
نــــ Nano ــــانــــــو

[ولـدالنعمه]

ايوالله صادق يالاعصار.

[alhawey]

هلااااااا غروبي

هههههههههه الله يرجك على هالموضوع

بس الصراحة جاء بوقته لانه هاليومين برد بزياده



وانا اللي أحسبك ركدت شوي;) انتبه ولايكثر رجك هاليومين


تحياتي