السلام عليكم ورحمة الله وبركاته
الي جميع الاوفياء ... جمهور الهلال الغالي
كما هو معروف عند الجميع ... ان وجهة نظر اي مشجّع هلالي ... لاتغيب عن اخيه الهلالي في هذا المنتدى خاصه
ولكن ... ماحال الهلاليين خارج اطار منتدى الزعيم
مثال بسيط للتوضيح
طارق التايب
في الملعب :
عندما أعلن ايقاف التايب ... هبت الجماهير الهلاليه بـ لوحات تنص على الوقوف مع البرنس الليبي ... وللأمانه اللاعب يستحق اكثر من كذا
في المنتدى:
ويستاهل ابونادين فديت قلبه
ياسر القحطاني :
في الملعب
مايحتاج اذكر مثال ... لاني ان ذكرت مثال بظلم حق ياسر في عدد اللوح والمنشورات في الملعب
المنتدى :
نص المنتدى ياسر القحطاني ما شالله عليه
المرشدي :
في المنتدى
دعم قوي جدا واطراء كبير لانه بحق وحقيقه يستاهل المد والثناء على المجهود والفدائيه اللي يألق فيها
الفريدي :
الفيلسوف الصغير
في الملعب :
ماتخفى علينا المنشورات والتغنى من المذيعين بفنّه
في المنتدى :
التصاميم ماليه المنتدى ... كل ماعليك هو البحث عن الفيلسوف الصغير
ولك في باقي اللاعبين عبره ... محمد الدعيع والهوساوي والنامي والزوي و( قاتوزو) خالد عزيز وويلي والصويلح والعنبر
طيب ...
فرضنا انهم لاعبين ... وممكن يمر عليهم يوم فاضين فيه ... وتصفحوا المنتدى وشافوا الكلام ذا
واذا ماكانوا عرب ... يفهمون حبنا من الصور والتصاميم او حتى عن طريق الواجهة الانقليزيه للموقع
لكن
اللي مايقدر يدخل المنتدى لاي سبب من الاسباب ؟؟ انشغال ... عدم توفر الانترنت ... كثرة التنقل
المقصد من الموضوع ياجماعه
لاننشغل بناس على حساب ناس
لازم نبين حبنا للأساس
نبي منشورات ماليه الملعب لـ سيّد المدربين " كوزمن اولاريو "
المدرب اللي ظلمناه في عدم اضهار حبنا وتقديرنا له كمدرب
وكلنا عارفين البطولات اللي جابها للهلال
والاهم
اننا عارفين تضحيته للهلال بعد مارفض عرض جماهير نادي استيوا بوخاريست
عارفين وش معناة رفضه لعرض النادي ؟؟
معناته ان الهلال بقلبه
معناته انه باع القرب لديرته ... واشترى الهلال وجمهوره
معناته انه رفض عروض من انديه خليجيه لـ يستمر في تدريب الهلال
معناته انه فضّل الغربه صعوبة التأقلم مع العيش في السعوديه ... ورفض ديرته ومسقط رأسه
فـ هل نبخل عليه .. بلوحه .. او اعلام .. فيها كلمة " شكرا كوزمن " ؟؟
بـ كلمة GO OLARIO ??
علشان مااطول عليكم ..شفتوا شي في اي مباراه للهلال ... بين فيه الجمهور الهلالي حبه لكوزمن وجها لوجه ؟؟
كوزمن والله مدرب كبير جدا ... وفلته وفنان ... واقل شي يستحق منا كلمة شكر على اللي يسويه في الهلال
ع الاقل
خلونا قدوه لجماهير حتى الانديه العالميه
ماعمري شفت لوحه فيها شكر لمدرب ... في اي مباراه خارجيه او محليه
مع انه المدرب انسان مثلنا ياجماعه
كلمة الشكر تبين فيه ... زيه زينا
طبعا هالطلب طلع مني لاني والله لو اقدر احضر مباراه ... وفرت هالكلام وتعب القرايه عليكم .. بس يعلم الله اني مقدر لبعدي عن الهلال حاليا
.................................................................................................... ........................
واخيرا
لاتنسون ياجماعه
الأب الروحي للهلال
الامير عبدالرحمن بن مساعد
الامير اللي ماكمل موسم واحد في قيادة الهلال ... وصرف اكثر من 100 مليون ريال من جيبه ... وميزانية الهلال للحين ماتحركت
الامير اللي يكون قريب من الجماهير اكثر من النادي والبحث عن السمعه
الامير الاول اللي طرح فكرة الاخذ برأي جمهور الهلال
الامير اللي حب الهلال قبل يحب رئاسته كنادي والدليل طلبة لمقاطعة ابوظبي الرياضيه لسبب انها ماجبت هلالي متعصب
... لاحظوا انهم لسه ماغلطوا ... وابن مساعد الله يخليه لنا مارضاها على الهلال
لوحه بسيطه .... والله تعني الكثير
شوفوا طارق التايب وش قال عن جمهور الهلال
قال : جمهور وفي
ليه ؟؟
لانه جاء للمتندى وشاف التصاميم اللي فيها مناجاه لحال طارق ... واننا معه في فترة الايقاف
لاحظوا هذا وهو اللي متعب نفسه وجاي يشوف
وشلون لو راحت للملعب وشافها عن قرب ؟؟
الرجاء ياااوفياء
لاتبخسوا بحق الاساس الهلالي
لاتنسون انه كوزمن عضو شرف ... ومدرب
والحمد لله
الفتره هذي فرصه
لانه فيها توقف للدوري
يمدينا نفاجأهم بالمنشورات واللوحات في المباره القادمه
سواء كانت في كأس الامير فيصل الله يرحمه والا في تكملة الدوري
تحياتي لكم يااوفياء
الوضع الشجري
