[كوب ساخن]

ياخسارة اشتراكي بقناة الاي ارتي الزعيم
لو كنا عارفين ان المعلق راح يكون ولد غازي صدقه
كان بقينا على اشتراكنا بالاي ارتي ونشوف فيها مباريات الهلال
الحين مشتركين في الزعيم ولانشوف مباريات الهلال عليها بسبب المعلق
خلاص رجعوا لنا الحربي ولا الشوالي او جيبوا لنا العنزي معلق الدوري الفرنسي بالخشبيه
بس فكونا من ولد غازي صدقه على باله كل شي يورث
والاستديو التحليلي دووووون المستوى المأمول من القناة
حتى البرامج اللي قالوا انهم راح يقدمونها على قناة الزعيم ماشفنا منها شي الى الحين
مادري متى راح يعرضونها كان اذا انتهى الموسم او هي فقط كلام في كلام
قناة الاتحاد افضل معلقين منا وافضل برامج وهم ماصار لهم شهر من فتحوا القناة
للاسف اكتشفت ان ادارتنا ما تهمهم مطالبنا فقط يبون المبالغ اللي يحصلون عليها
لو يهمهم الجمهور الهلالي كان طالبوا الاي ارتي بتطبيق شروط العقد اذا كانت صحيحه مثل ما اعلنوا
وللاسف كذلك محمد ابو لما ماشفنا له اي جهود تذكر من اجل جمهور الهلال بالقناة
فقط غير مسك اللاعبين لاخذ اللقائات معهم بعد نهاية المباراة ولو كان شغلت المنسق هذي
كان اكتفوا بحماده راح يقوم بالدور على اكمل وجه
يا ابو لما كان عشمنا فيك كبير لكن خذلتنا خاصه انك تمثلنا من شبكتنا الزعيم

اتمنى من كل الاعضاء يقولون ارائهم بالقناة في هالموضوع لربما وصلت للادارة او ابو لما