[البايسـن]

السلام عليكم ..

كيفكم زعمـآء..؟ كيفكم زعيمآت..؟

الصراحه وحشتوني رغم الغياب..بس رجعنا كما كنا وشكرآ يا شبكه..
اكيد المواضيع كثرت عن الاعبين الاجانب والاخطاء الي تحصل بالنادي..
والمواضيع الهامه..

انا جبت لكم موضوع نغير فيه روتين شوي..ونغير جؤ..وناخذ من وقتنا شوي..

1- الشخصيه الرسميه.::..

هو اذا جاء وقت مباره الهلال..ياخذ له فنجال شاهي ويجلس لحاله..
في هذي هو شخصيه رسميه..حتى اذا جاك يحضر مبارة بالملعب..
دائم مكانه ورى البيبان..واذا على شبكه..يقعد يناظر بدون ردود..


2- الشخصيه الفلاويه..::

وقت المباره وهو يتابع..لازم يكون على راسه شعار الهلال..وهو يتابعه بالبيت
ويقعد يصفق مع كل هجمه..ويعطي حاافز للي معه..
وتحس ان الي معه يسالونه عن المباره وهو ماسك الجلسة..


3-الشخصيه المصرقعه::..

مستحيل هـ الشخصيه انه يتابع المبارة في البيت..
اكيد انه راح يتابعه بالمقاهي..وراس معسل بالعنب..
واذا حضر بالملعب..تلقاه قاعد جنب الرابطه وانواع الحماس..


4-الشخصيه المثقفه.::.

عاد هـ الشخصيه تنطبق على طلاب الجامعه الله يوفقهم عيال المستغبل^ــ^
يتابع المباره في كوفي شوب مع اثنين من اخوياه وكلهم هلاليه..
وشماغ وكوبرا..والخلفيه حقة الجوال تلقاه صوره الامير عبدالرحمن بن مساعد..


5-الشخصيه المتحمسه..::

هو شخصيه تبدا المفعول من 12 الظهر..احلى شي جريده الرياضيه..وحمضيات وفصفص..

وهـ الشخصيه الي ما يفوته شي..متابع للبرامج ما قبل المباره والاستديو التحليلي وبين الشوطين

وبعد المباره فل كل صغيره وكبيره..وعلى طول تشوفه في موضوع(الحوار المفتوح ما بعد المباره)

ويوسوس اذا يبي يختار بين المعلقين عيسى الحربين ولا رؤؤف خليف


6-الشخصيه الميوليه.::.

بعض الناس ماله بالرياضه بس لازم يكون له ميول..واكيد يكون ميوله هلالي..
عاد في هذا احلى شي..ما يدري عن المباره الي قبلها بخمس دقايق..ويتابع على السعوديه الرياضيه..
وتلقاه مشترك في شبكة الزعيم..بس ناسي كلمه المرور


7-الشخصيه الصامته::

عاد في هذا شخصيه يجيك يتابع المباره بشكل صامت..والابتوب قدام عينه..
وعلى شبكة الزعيم كل شوي تحديث ..هذا تلقاه حاط شعار الهلال في سيارته واكيد سيارته فورد.. وتفتح جواله تلقى صورة مع الاعبين الهلالين..
ومكانه اكيد في المنصه..وينّزل صور للمباره في للشبكه..

في كل الحالات اكيد احنـآ مستناسين..(والهــلال يجمعنــا)

واكيد هذي خاصه للجماهير الهلاليه..لو ذكرت في النوادي الباقيه
كان ما اخلص والشخصيات( المستفزه...الهستريه...القلقه....الخ...)




البــايســن