[نزيه المشاعر]

بسم الله الرحمن الرحيم

مبروك لنا فوز الزعيم على الرائد والله يجعلها مواصلة الانتصارات

أما بعد يازعماء البطولات :

الحمد لله على كل حال وأعتقد الفوز الكبير هو تسجيل هدف من كره ثابته واخيرا....

بعد كثرة الكرات الثابته اللي صارت مثل رميات التماس بكل اسف اخيرا نسجل هدف

المرشدي + هوساوي = يمتلكون الارتقاء لكن وين الاستفاده من الركنيات

الحمد لله مباراة الزعيم والرائد ارتقوا بكم كوره وجاء الهدف المنتظر

المطلوب ياسيد كوزمين تكثيف التدريبات على الكرات الثابته وبالذات قلبي الدفاع

الاهم..ويلهامسون اللاعب الاشقر المحارب بكل أسف من الزعماء والصحافه

كل مباراة ومستواه في تصاعد وكنت ادافع عنه امام الاعضاء في المنتدى الموقر كأني محامي له

ونفس النقاط اللي كنت اقولها اتفق معاي الكاتب فهد الروقي فيهم

على العموم كل اللي ابيه منكم الصبر على اللاعبين وترك الاداره تعمل كما ينبغي


نقاط نزيه


/ ويلهامسون اثبت انه لاعب تكتيكي مميز وخامس مره اقولها بتحركاته على الاطراف وخلخلة الدفاعات

/ الدعيع كل مباراة يثبت انه نصف الفريق او اكثر وانا اقول انه من ساهم بالنجاحات بعد الله

/ الغنام يوما بعد يوم يثبت انه اللاعب المناسب والبديل المناسب ومبروك تجيدي عقده مع الزعيم

/ كوزمين قدم لنا فريق منظم يكن اتمنى منه التركيزعلى الكرات الثابته

/ الحمد لله على عودة القناص وكنت اتمنى تسجيل هدف ليؤكد عودته لكن الجايات اكثر ان شاء الله

/ عزيز لاعب مميز وهو العنصر المطلوب لاي فريق يبحث عن النجاحات

/ نامي مستواه في تصاعد والهدف اللي احرزه اتمنى ان يكون مواصله للابداع

/ الجمهور الهلالي اثبت انه الاول شعبيه وهذا غير مستغرب وشدوا حيلكم ياجمهور الرياض وانا اولكم

هذي ابرز النقاط اللي اشوفها مهمه

واسف على الطاله

تقبلوا تحياتي

أخوكم

نزيه المشاعر