[ابو الطيب]

بعد نهاية مبارات الامس ايقنت ان الهلال غير , غير الاندية بكل شيء ,
1-حارس ماشاء الله ابو عبدالعزيز بعد حيي متجدد نشط تقول ابو 18 سنه والله ياهو بلشة وعلة للمهاجمين الله يخليه ويحفظة لنا ولعياله
2- دفاع وش اقول بس والله نسانا كل من مر على دفاعنا ( تراي شايب ) ماشاء الله ثقة وهدوء وفن وامتاع يارجال تقل جدار ماشاء الله عليهم مبدعين ارجعو موسم واحد فقط لتعرفوا الفرق لاكروت ولا ايقافات صراحة ابداااااع من اولهم لاخرهم, وترى المسألة ليست فقط تنظيم وانما مواهب تحسب للادارة السابقة التعاقد معهم كلهم والله لو لي من الامر شيء لن يمثل المنتخب الاهؤلاء الاربعه .
3- وسط يكفيك عزيز يارجال لحاله فريق ماشاء الله قاطع النور والكهرباء والماء والغاز وكلش باختصار الموت الحمر , مر بعده على ابو نادين الله الله الله يا ابو نادين امتاع يقول خالد الفيصل ( ضاعو اللى جو مهاها مسيرات واقبلت تمشى تقل محد معاها ) وانا اقول شيلو تاء التانيث وتنطبق على ابو نادين اذا جته الكورة اختصر الملعب بشخصه لايمكن تناظر غيره باختصار مش ممكن تغمض عينيك ,ثمين شف التايب الصغير الفريدى والله على افريدى امتاع لاخر حد , والغنام عزيز القادم .
4- الهجوم ابو سعيد وما ادراك ما ابو سعيد فنان بكل ماتحمله الكلمه من معنى يكفيك عن عشرة مهاجمين حماس اخلاص فنيات بصراحة يعقد ولا يمكن يقارن فية اى مهاجم فى اسيا وافريقيا الله يرجعه بالسلامه وحشنا ووحشتنا اهدافه وتسحيباته , بعده بكم كيلو يجي العنبر والصويلح وكلهم هدافين بس يحتاجون من يحطهم امام الباب .
5- الاحتياط ممتع يكفيك ان احد اهم لاعبى الوسط السعودى فى السنوات العشر الاخيرة احياط ( الموهوب الشلهوب ) وغيرة كثير .

باختصار من سنين لم ارى زعيمنا مكتمل هكذا بجميع الخطوط واتوقع سيستمر هذا الامتاع مع الجيل الجديد مع العابد وزملاءه .

ولكن زعيمنا بحاجة الى هداف بحاجة الى مهاجم ينهى الهجة لا صانع لعب اتوقع انه بحاجة للاعب سباستيان اللاعب القطرى او للاعب يونس محمود العراقى صدقونى مع هؤلاء سيكون لهلالنا لون وطعم وشكل احلى .

تكفى يابو فيصل نبى هالاثنين باللى يبون .

هلالنا وزعيمنا هذا العام غير