[عبدالله الشلهوب 10]

مساء الخير للجميع



امس كنت حاظر المباراة ووقت ماطلع االشلهوب كنت مركز عليه لانه عشق بصراحه بالنسبه لي

وجاء واحد من الاحتياط وعطاه الجاكيت وابعده الشلهوب بيده ولا سلم على اي احد من اللي في الاحتياط من جهاز فني طبعآ لان الاعبيين كانوا يسخنون وبعدها يمكن بــ5 دقايق دخل غرفة الملابس ولا طلع بعدها او انه وقف تحت مدخل الاعبيين

بصراحه واعتبروها وجهة نظر


امس كان لاعب صح الشلهوب وافضل مستوى له من لعب مع الهلال من بداية الدوري ولو ترجعون للمباراة مافيه الا تمريره وحده غلط وصنع هدفيين محققين واحد للخثران الشوط الاول والثاني للاخ العنبر مع بداية الشوط الثاني

لاكن قناعة المدرب اللي حكمة على لاعب بحجم الشلهوب ومكانة في قلوبنا كهلالييين

[شفشينكووو7]

الشلهوب ماقصر امس ،،


ولاتزعل نفسك يابو بندر الجايات اكثر ان شاء الله ..

[يو(((الثنيان)))سف]

الشلهوب امس ادى في الشوط الاول

لكن المدرب مدري وشفيه

ماعطاه فرصه في الشوط الثاني

كان من المفروض يدخل الفريدي بدل الخثران ولا عزيز

[مدار الزعيم]

صادق يعتبر أمس مقدم افضل مستوي لكن منتظرين منه الافضل

[hilali clop 1991]

انا كنت حاضر امس والشلهوب قدم الواجب ما اقول الا آآآآآه

مشتاقين لفنك يا بو بندر..

[** yaazeed **]

الي يقولون ان الشلهوب امس ادى وابدع .. ما ادري يلعبون على انفسهم ولا علينا !

كلنا شفنا الشلهوب والخثران وكميه الحواق الي قدموها ورفعوا ضغطنا في الشوط الأول

لكن يوم طلع الشلهوب والخثران شفنا كيف تحسن المستوى وقدرنا نسجل 3 اهداف

إقتباس لاكن قناعة المدرب اللي حكمة على لاعب بحجم الشلهوب ومكانة في قلوبنا كهلالييين

الا لازم كوزمين يصير غلطان وظالم الشلهوب !!

كوزمين ما قصر عطا الشلهوب فرص من بدايه الموسم .. وخصوصاْ في فترة إيقاف التايب الشلهوب اخذ فرصته وزياده .. ولكن لازال الشلهوب غايب

كلنا نحب الشلهوب ونجوم الهلال .. لكن الي مهوب في مستواه ولا راح يقدم شئ للفريق .. فـ اسمحلي مكانه جنب كوزمين لين يتعدل مستواه ويحس بقيمه الشعار الي لابسه

[سمير ناصري]

يالبى قلبه الشلهوب والله هو الي الهلال خاسره ان شاء الله يرجع لمستواه المعروف عنه

ويعود الشلهوب والموهوب لمعشوقته بتسجيل وصناعة الاهدف وامتاع الجمهووووووور

[خـــــاص]

مقارنه بمستوى الشلهوب سابقاً

هذا أفضل مستوى سيء قدمه الشلهوب ..



نتمنى من حبيبنا محمد الشلهوب انه يراجع نفسه ويستفيد من توقف الدوري بالعيد ..

حنا بحاجه إلى عودة الشلهوب إلى مستواه السابق ..


وان شاء الله يعود

[هاوووووي نواااااف]

صدقني يا محمد الشلهب مهما نزل مستواك راح يشفعلك التاريخ
الملاعب كله مشتاقه لك يامحمد نبي نشوف تسحيبك ومهارتك

نحن في انتظارك

[روحي زعيم]

لا ياخوي هاذا كوزمين ظيع الشلهووب وبعدين تراء محمد نفسين ماش مهب محمد الي نعرفه صاحب مزح وفله مع الاعبين انا مدري عنه ومادري يمكن عنده ظروف خصوصيه المهم


الله يرجع لنا بسلامه


اخووووكم

روحي زعيم

[نـ الفتى الذهبي واف]

يااخي العزيز الشلهوب لاعب كبير , لكن مو هذا مستواه ,

امس قدم اداء مقبول نوعا ما كأي لاعب غير الشلهوب ,, لاننا نعرف الشلهوب افضل من كذا بمراحل

وانا مااقول الشلهوب سئ لكن اقول الفريدي افضل منه بمراحل

وشفنا كيف تحرر طارق من يوم دخل الفريدي ,

وتظل لكل شخص وجهة نظر

وانا بانتظار ابوبندر اللي نعرفه على احر من الجمر


بس اللي انا أبغى أعرفه ... وشلون لاحظت التفاصيل هذي كلها ؟؟

شي ثاني ..

وش دراك أنه زعلان ؟ ... ليش مايكون بردان أو ( حسران ) أو فيه النوم ؟؟

الظاهر أنك اخوه

[@@عاشق ياسر@@]

الشلهوب ماقصر والله ياليتني حظرت .. تحياتي

[جـافـا]

الشلهوب امس بالمباراة شد حيله وبذل جهد وله لمسات لا تصيرون جحوديـن واللي مو مقتنـع

يرجع للمباراة وتراها تعـاد كل ابو شــوي بقناة الزعيـم artالله معاك يابو بنـــدر

[خالدي وهلالي]

يابعدي قلبي ابوبندر الا هو عاد مانقدر على زعله

[الزعامه للزعيم.]

بصراحه الشلهـوب مضيق صدري والله !!!!

لاعب محترم وخلووق وفناان .. بس عين ماصلت على النبي ..

أتمنى عودة مستوى الشلهـوب .. في أقرب وقت ..