[سليمان الشدوي]

يردد لك الجمهور ..واول كلامه
.............سلامات ياسعد ابن مشعل سلامات
عوافي ..عوافي ..تحتويك السلامه
..................ويكفيك ربك من جميع الاصابات
ويانجم ياللي مرتفع في مقامه
................شعاعك رسم فوق النوايف علامات
ولابه عليك من الملامه ملامه
....................ومثلك يسير ولاعليه الملامات
مع منتخبنا تزرع الابتسامه
................ وتعطي وتنجز في جميع المهمات
فنونك وابداعك عليها علامه
....................وتاريخك مجمَل.... بليا زيادات
عساها تزول ولاتجيك الندامه
.................ونلمحك ترقى بالجبال الطويلات
نحبك (اخو) فيه الوفا والشهامه
..................ونحبك( نجم) خط بيمينه حكايات
وجمهور الازرق ينعرف باحترامه
..................وذوقه.. ولاله في المبادي حسابات
يقدم لك احساسه ويهدي وسامه
.................وسام الرياضه والعلوم الجميلات
ومن منتدى نادي الوفا والزعامه
...............سلامات ياسعد بن مشعل سلامات

[slooom2010]

صح لسانك ....

وان شاء الله يرجع سعد ويكمل مشواره مع المنتخب

[سنتياجو هلالي]

الله الله

صح لساانــــــــــك يا بطل ويستاهل أبو مشعل ...


لا هنـــــت عـ الطرح الرائع .. وتعجبني روحك الرياضيه ..

[هلالي عاشق ام كلثوم]

للتذكير...هنا...منتدى الجمهورالهلالي فقط

[كوبري القحطاني]

إقتباس الرسالة الأصلية كتبت بواسطة هلالي عاشق ام كلثوم للتذكير...هنا...منتدى الجمهورالهلالي فقط

لا والله من جدك انت

والله ناس ترفع الضغط ياخوي ترى قبل كل شي سعد مسلم
مو يهودي عشان يوصل فيك التعصب لها الدرجة

صح لسانك ياشاعرنا والله يقوم ابو مشعل بالسلامة

[الكاسر ياسر الآسـر]

إقتباس الرسالة الأصلية كتبت بواسطة هلالي عاشق ام كلثوم للتذكير...هنا...منتدى الجمهورالهلالي فقط

وانــــا معــــك اخــــي الكـــريم المنتـــدى للجمهور الهلالي ومايخص الهلاليين

كفريق ولاعبين وادارة ....

انا لا اعترض على الروح الرياضيه الطيبه ومايشوف شر ان شاء الله اخونا

سعد الحارثي ولكن مو على حساب منتدى الجمهور الهلالي .

ياليــت المشرفين يقننــو من نزول مثل هالمواضيع فتقريبا هذا الموضوع رقم 5

في أقل من يومين يطرح ويخص اصابه الحارثي ؟؟؟

المجاملات الشخصيه ياليت تكون بالمنتدى المخصص للمنتخب السعودي .

[ZIYAD-99]

صح لسانك ويستاهل ابو مشعل وان شاء الله يرجع بالسلامه ويفيد المنتخب

[ZIYAD-99]

إقتباس الرسالة الأصلية كتبت بواسطة هلالي عاشق ام كلثوم للتذكير...هنا...منتدى الجمهورالهلالي فقط

عقليات مدري ايش تبغى

الى متى التعصب

[هاردلك]

إقتباس الرسالة الأصلية كتبت بواسطة هلالي عاشق ام كلثوم للتذكير...هنا...منتدى الجمهورالهلالي فقط

ياخي ليش انت كذااااااااااااااااااااااااااااا ياخوي


من جد انك ساامج الحين حنااا مسلمين وعياال ديرة وحدة



بدل ماتقوول الله يقومة بسلاااااااااااااامة تقول منتدى هلالين


من احتراامي لك انت قمه في التخلف الكروي


ورحت دورلك منتدى طعوووس احس لك


لانه مثل اشكااالك هي الي تنمي التعصب والتخلف الكروي الي مثلك ولأشكاالك





ويارب تقوم القنااااااااااااااااااااص ويرجع يساااند التاايب يارب العالمين

[موهوب القصيم]

صح لسانك

ويستاهل سعد كل خير

الف لاباس ياسعد

[شايب عسل]

احيي فيك روحك الرياضيه اخوي سليمان

ونبقى اولاً واخيراً مسلمين وابناء وطن واحد ونسأل الله ان يشفي ياسر القحطاني وسعد

الحارثي نجمي المنتخب الاول ويرجعون لنا بالسلامه

تحياتي لك يابطل

[علاء30]

إقتباس الرسالة الأصلية كتبت بواسطة شايب عسل احيي فيك روحك الرياضيه اخوي سليمان ونبقى اولاً واخيراً مسلمين وابناء وطن واحد ونسأل الله ان يشفي ياسر القحطاني وسعد الحارثي نجمي المنتخب الاول ويرجعون لنا بالسلامه تحياتي لك يابطل

صدقت والله
وصح لسانك على القصيدة الروووعة

[أحمد الزلفاوي]

أحسن شي الأخلاق الرياضيه...
بغض النظر عن القصيده...مع روعتها...
ولا أقول ولاى ما تشلرك بشاعر المليون
قصايدك والله حلوه

[Yasser Aldaajani]

صح لسانك ..!!


ويستاهل سعد .. وان شاء الله مايشوف شر .. والله يشفيه .. ويرجع للمنتخب ولناديه ..

[j_alhilalih]

بالتــــــــوفيق ’’ لسعد ’’

مشكووور