[ابو طـــــلال]

تحية لأحبتي جمهور الزعيم ...

انا ماعندي النظرة التشائميه .. دائما متفائل .. حتى في اصعب المواقف

بس ترى هالثلاث نقاط جت بدون مستوى يؤهل الزعيم لإنتزاع أي لقب داخلي .. فما بالك ببطولة آسياء ؟

مستوانا مايطمن ... قدامنا مباريات صعبة والفارق بيننا والإتحاد خمس نقاط .. والمصيبة لو تقابلنا مع الشباب والإتحاد وحنا على هالمستوى ..

إلا إذا كان نجوم الزعيم ( مخبين ) شي أو مسوين لنا مفاجئه

أرجع وأقول إن مشكلة الهلال يجيب هدف وينااام ..

الإتحاد فريق ( مايرحم ) طول مافيه ثواني محسوبة من عمر المباراة وهو يبحث عن زيادة الاهداف تحسباً لأي ظرف او عودة الفريق المنافس ...

بإختصار ... نبي هلال يلعلع ... يدّهر بالملعب لدرجة إن الحكم يصفر والهلال فايز واللاعبين يكملون المباراة واللمبات مطفات من الحماس ..

نبي حماس وروح اكثر من اللى شفناه اليوم ...

انتظر وإياكم عودة الزعيم لمستواه بغض النظر عن الثلاث نقاط ...

لاحد يقولي المهم اخذنا النقاط .. أخذناها بهدف مدري شلون هو قايل!! حق العنبر وظربة جزاء

انا ابي الفوز ( صــــــــريح ) يبرد القلب .... يوسع الصدر .. نبي تكتيك .. نبي هلال غير كما هي العادة

ومبروك الثلاث نقاط على كل حال للمهتمين للنقاط فقط .... وهاردلك للهلال للمهتمين بالمستوى والإبداع الهلالي المختفي حتى الآن

اخوكم الصغير ابو طلال ..