[(أبو ليون)]

من يوم تعادل الهلال مع الوحدة والمنتدى مليان مواضيع غريبة ومثيرة للشكوك !!

سخرية كبيرة في لاعبين الهلال وفي الفريق وإدارته بحجة الغيرة على الفريق !!

وترويج مبالغ فيه ومطالبات بالتعاقد مع نور ,, رغم إن موضوع نور منتهي والكل يعرف أنه الحين لاعب اتحادي ويستحيل ينتقل لأي نادي خلال خمس سنوات من الآن ( عمره 33 سنة ) !!
ومقارنات بين نور ولاعبين الهلال ,, وسب في ويلي والقحطاني وكل لاعبين الهلال , وكأني أقرأ في منتدى مختلط لجماهير كل الأندية !!!
وآخر يسب في جماهير المناطق الأخرى ويسميهم (جماهير مباراة ومباراتين !! ) ويسخر من حضورهم للمباريات بكثافة !!
وثاني يبرر عدم الحضور لمباريات الهلال في الرياض بأن الهلال دائماً يخذل جمهوره !!
مادري شلون الهلال هو أكثر الأندية السعودية بطولات محلية وخارجية ,, وزعيم القارة وصاحب أكثر بطولات فيها ,, ومع ذلك أخينا يقول انهم دايم يخذلون جمهورهم !!!
إذا الزعيم يخذل جمهوره أجل من اللي يرفع روسهم !!؟
-------
كل هذا التحامل والتهجم على الهلال علشان مباراة دورية عادية تعادل فيها مع فريق جيد (الوحدة) في ظل ظروف غير مناسبة تماماً لوجود إيقافات وإصابات في الفريق ,,
والدوري في بداياته وطبيعي أن تحصل مثل هالنتيجة ..
هل يعقل أن هالمباراة سبب كل هالاحتقان والتجريح في الزعيم ولاعبيه ؟!

قد يكون في من كتب هالمواضيع هلاليين ,, أو في بعض اللي يردون ,, لكن الأكيد أنه فيه ناس مندسين هدفهم الزعزعة والتخريب ,, كل مواضيعهم ومشاركاتهم من النوع المحبط والمثير للمشاكل في الفريق !!
فياليت جماهير الزعيم تحذر من هالمطب ولا تعطي هالاشكال فرصة في استدراجهم وتأليبهم على الزعيم !!
وياليت المشرفين يضاعفون الجهد في متابعة المواضيع الضارة والغير نافعة وأصحابها وينظفون المنتدى من هذا الطرح الخبيث !!!

ملاحظة : تبي تأكد من حرص البعض على الوطوطة في كل ماهو هلالي .. تابع مقالات الجزيرة والرياض ,,, تبي تحصل أكثر الردود من نصراويين واتحاديين ,,
وهم اللي يقولون مقاطعين ولا نقرأ هالجرايد الهلالية ,, ( خوش مقاطعة )

اللي يقضون أوقات كثيرة في تتبع الصحف اللي يسمونها هلالية ويشاركون فيها باستمرار , , وش يمنعهم ما يسجلون معنا ويشتغلون تخريب وتحطيم ؟!!