[عز الرياض هلالها]

بسم الله الرحمن الرحيم


في البدايه هاردلكم على التعادل

انطلقنا للملعب الساعه السابعه والثلث ووصلنا وسط غياب الجمهور

وشخصيا توقعت هذا الحظور لان الجمهور الهلالي المباريات الضعيفه لايحظرها بالاستاد وهذي ملاحظه من ايام قديمه والدليل مبارايات الهلال مع النجمه الي جابتها قناه اي ارتي الزعيم قبل كم سنه وكان يوسف حاظر


ملاحظه للذين لايعلمون الاستاد يقع في منطقه لايوجد تصريف مياه واقسم بالله اني دخلت بسيارتي بمستنقع مائي غير طبيعي

رئيس الرابطه كل مامسك اسامه ونامي الكوره قالهم هيا هيا مادري وش القصد

التوتر واضح بالمدرج الهلالي وهذا اثر على لاعبين الهلال


العنبر والسعود لم يقدما مستوى يشفع لهما


خليل جلال تساهل مع الخشونه الوحداويه

بين الشوطين لقى كزمين تصفيق من الجمهور وبادلهم التحيه


المحياني يطرد بالبطاقه الحمراء وعند خروجه يلقى التصفيق ويبادلهم التحيه


كل من يتغنى بجمهورالنصر

عطوني مباراه هالموسم كان حظورهم قووي ولعلمكم بدا عندهم انتقاد جمهور الرياض وهالانتقاد ماجا من فراغ واذا قصدكم مباراتهم خارج الرياض هذا شي ثاني


وانا اجزم ان مباراه الهلال والوحده والحظور الجماهيري ا اكبر من مباراه النصر مع الحزم والوطني


ملاحظه للجميع


انا ينتهي دوامي خمسه ونص

على بال ماوصل البيت مع الزحمه تكون الساعه 6 وربع
على بال مااتغدى واتروش صارت الساعه سبعه

بس انا بيتي قريب من الاستاد ولكن غيري لا

ياجماعه جمهور الهلال من القدم ( في مدينه الرياض ) لايحظر الا المبااريات القويه او المهمه او عندما يكون هناك متعه في اللعب



ياجماعه اتمنى منوال جمهور الهلال بالرياض ينتهي

المشكله مو بالجمهور ولو كان الجمهور حاظر مو معناته اننا بنفوز

بسال سؤال

تتوقعون لو الهلال يلعب مباراه واحده بالرياض وامام فريق ضعيف تتوقعون بيكون هناك حظور جماهيري ضعيف ؟؟


اجزم ان الاستاد بيمتلي

والمقارنه مرفوضه بين جمهور الهلال بالرياض وبقيه المناطق جمهور الاتحاد والنصر والاهلي عندما يلعبو على ارضهم وامام فرق عاديه لايكون هناك حظور



اي مباراه للهلال مع فريق ضعيف وفي الاستاد
صدقوني لن ياتي جمهور وسوف يكون مثل الوحده


يحقلكم العتاب عندما يغيب الهلال عن مباراه مصيريه


وبيني وبينكم الوحده مو ذاك الفريق الي يخلينا نحتاج الجمهور




ختاما

سوف ترون الحظور الجماهيري في مباراه كوريا


واتمنى من جمهور الهلال في المنطقه الشرقيه ان يملاواستاد الامير محمد بن فهد ويملون جهته عن بكره ابيه مثل الجمهور النصراوي

واذا لم يمتلي صدقووني سوف تكون مصيبه