[قلبي للزعيم عاشق]

بسم الله الرحمن الرحيم

الحمد رب العالمين والصلاة والسلام على نبينا محمد ،،، وبعد :

في هذه الشبكة المباركة ،،

قرأت كذا موضوع يعاتب جمهور الهلال في الرياض بعدم الحضور ،،

لكن جاء الرد من جمهور الرياض أو العذر الذي أعتبره غير مبرر لعدم حضورهم ،،

وهو الجو ،،

مراسل السعودية الرياضية يقول أن درجة الحرارة في الملعب 17درجة مئوية ،،

طيب أنا كنت من الحاضرين لمبارة الهلال وأبها ،،

وكانت درجة الحرارة 17 درجة مئوية الكل مصيف ولا فيه أي برد والملعب حضر حوالي 18 ألف متفرج ،،

وفي الرياض يقولون الجو بارد ،،

أبغا أعرف ليش أن جمهور الرياض جمهور ديربي وكلسيكو ونهائي ؟؟

[طـآيــرن بـآلعـجٌـه]

وآآآسيوي




..........................

بس الرقم الصعب سيتوواجد خلال الاياام القادمه


تحياااااااااااااتي

[hassan007]

ياخي انتو في لبها متعودين على درجة حرارة دائما ما تقل عن عشرين درجة
لكن في الرياض تنقلب درجة الحرارة من 45 الى 17 مرررة وحدة مصيبه
ثاني شي اما الحضور 18000 ...كثر منها ياشيخ......لا والله امزح

ماهو دفاع عنهم ...انا الحمد لله خضرت المباراة ...بس بيتي قريب من الملعب واعذر بصراحة اللي ما حضروا لان الملعب بعيد ...والشوارع مليااااااانه مويه

[@P-ALZAEEM-d@]

الرياض جاها مطر وغرقها والشوارع ممترسه
والملعب بعيد

والله انك لو في جنوب الرياض وتبي تروح للملعب يبيلك غواصة من المطر ما شاء الله

[معانق الليل]

اللي يبي يحضر يحضر واللي مايبغاء بسلامته

شووووووووووووووووف جمهور الحالمي

كيف حضووووووووووورهـ

[المنتخب الازرق]

حبيبي تذكر زمان الثنيان و الجمعان و التمياط و سامي .. مااتذكر مباراة مامتلئ الجمهور ليش الحين الحضور زفت !!

كان فريق الهلال مايقبل اقل من هدفين ..ولو انهزموا كنا نصفق لهم على ادائهم وحماسهم ..

اول انا اشوف مباراة للهلال على التلفزيون انقهر و اندم اني ماحضرت الملعب !!

عبدالرحمن بن مساعد تعاقد مع ارتي ولا عطنا وجه علشان مليونين !!! مع انه يدري ان الجمهور الهلالي يكره القناة

صح ماقصر وجاب ويلي و رالدليس .. وباذن الله القادم احلى وننتظر عودة التايب .

[هلال حلقوم]

بنااااااات البعض من جمهور الرياض اذا اتحب الهلال صحيح تحضر له حتى لو تحت صفر يابابا

[قلبي للزعيم عاشق]

مشكورين ،،
0000000000000000000000000000

[خــلـــو الهـلالـي]

أنا أعتقد أن جمهور الرياض يبغاله إعادة تأهيل في حب النادي ...
لا وترو اللي حضرو مباراة الهلال والوحدة 70 في المئة منهم من المناطق القريبة للرياض ..

[خالد القريني]

اللي ما يدري ينام بدري

والله ما راح احضر وراي دوام الساعه ست واصحى خمس واذا حضرت اجي للبيت الساعه 1 بالليل من غير عشاء

يا خوي ليش ما تقول وش الحكمه من لعب المباريات في ايام العمل ؟؟

اغلب الدوريات العالميه تلعب في الاجازه

الرياض كبير مو صغير يعني عشان اروح للاستاد يبي لي وقت يعني سفر وربي مشوار

وامس يالله قدرنا نوصل للبيوتنا تنبينا نطلع للحضور المباريات انا عندنا منافذ مسكره من تصريف المويه وين تبي اطلع معه ؟؟؟؟

دوام + اجواء + استفزاز من قبل رجال الامن في الدخول + التلاعب في التذاكر + لا تحمل معك مويه والا شاهي والا بارد تجلس ساعتين صايم

وتبي احضر ؟؟؟؟؟؟؟

اللي برى الرياض ما عنده غير الكلام لانه ما يعيش بنفس الاجواء والا يعرف وين الاستاد فيه والا يعرف اللي بجنوب وغرب الرياض مشوار عشان يوصل للاستاد

[نزيه المشاعر]

ومن قال اللي يحضرون الديربي والنهائي من جمهور الرياض ؟؟؟؟؟؟

جمهور الرياض يرفع الضغط؟؟؟؟؟

انا حضرت المباراة وجاني احباط من الجمهور

[قلبي للزعيم عاشق]

إقتباس اللي ما يدري ينام بدري والله ما راح احضر وراي دوام الساعه ست واصحى خمس واذا حضرت اجي للبيت الساعه 1 بالليل من غير عشاء يا خوي ليش ما تقول وش الحكمه من لعب المباريات في ايام العمل ؟؟ اغلب الدوريات العالميه تلعب في الاجازه الرياض كبير مو صغير يعني عشان اروح للاستاد يبي لي وقت يعني سفر وربي مشوار وامس يالله قدرنا نوصل للبيوتنا تنبينا نطلع للحضور المباريات انا عندنا منافذ مسكره من تصريف المويه وين تبي اطلع معه ؟؟؟؟ دوام + اجواء + استفزاز من قبل رجال الامن في الدخول + التلاعب في التذاكر + لا تحمل معك مويه والا شاهي والا بارد تجلس ساعتين صايم وتبي احضر ؟؟؟؟؟؟؟ اللي برى الرياض ما عنده غير الكلام لانه ما يعيش بنفس الاجواء والا يعرف وين الاستاد فيه والا يعرف اللي بجنوب وغرب الرياض مشوار عشان يوصل للاستاد

طيب أنت تعتقد أن لندن أضغر من الرياض ،،

هي مثل الرياض 3 مرات ومع ذلك تشوف الملعب فل في المباريات الإنجليزية ،،

[ليتكم مثلي]

خلااااااااااااااااااااص رااحت المباراة قفلوا الموضوع
تكفوووووون ارحمونا من المواااضيع هذي اللي يحظر كيفه اللي موب حااظر بالطقااااااق

[قلبي للزعيم عاشق]

مشكورين على المرور
000000000000000

[m.j.o.o.d]

الهلال مايجيكم الا مرة بالسنة لكن احنا كل يوم عندنا

بعدين لاتعم جمهور الهلال بالرياض انا مباريات الهلال كلها حاضرها حتى احيانا بمناطق المملكة بس امس كانت عندي ظروف منعتني من الحضور

يعطيك العافية تقبل مروري ..