[challenger6]

من خلال مشاهدتي لمبارة الهلال والوحدة مساء البارحة لم يلفت انتباهي سوا شيء واحد مهم وهو جمهورنا بصراحة



اللي يشوف المباراة يقول المباراة مو على ارض الهلال

اين جماهير الهلال بالرياض ؟؟؟؟؟؟


الجماهير التي حضرت للملعب تحية سلام لهم عالحضور والمساندة ( هلالين قول وفعل ) هذولا مجموعة وين مايروح الازرق احنا معاه


الفئة الباقية من جمهور الرياض ؟؟؟


كيف حال الفصفص والنت والقنوات الفضائية ؟؟..

وكيف حال المهايط بالمنتدى بعد المباراة .. ( مافي روح ومافي مستوى ومافي ومافي .. الخ .



لو كل هلالي من الرياض راح وساند الفريق كان الرخمة بالملعب تصير رونالدينهو ..




انظرو الى جماهير المناطق اللي يحط فيها الهلال رحاله ضيفا ؟؟


اعتقد محد يقدر ينكر حجم الكم الجماهيري في مباريات الهلال خارج ارضه

الشرقية , جدة , تبوك , ابها ,,, الخ الخ





نقاط مهمة :

* اغلب جمهورنا بالرياض جمهور مباريات كبيرة بس ..





** هذا الموضوع مجرد عتب على جمهورنا بالرياض **


نحن لاننكر وقفاتكم في مساندة الزعيم .. بس محتاجين منكم اكثر ... كلنا بوقفة وحدة مع النادي .. في الحلوة والمرة





وسلامتكم

[فوتوغرافي الزعيم]

???????????????????????????????????????????? لا تعليق على جمهور النهائيات وسلملي على جمهور الأتحاد والنصر لو الملعب ثلج كان ملو الملعب

[عاشقة القمر]

وربي بجد انا انقهرت لما شفت الجماهير
وين الرقم الصعب
وين موج الازرق
وربي الجماهير اللي حضرت ماقصرت ونعم الجماهير ومع انهم قليل الا اني انبسط ان ف جماهير بقلبها الزعيم بحق
واما الباقين احسهم بس يحضروا اذا لعبنا مع النصر او الاتحاد او الاهلي

وان شاء الله (الرقم الصعب) تعوضها بالمرات الجايه والعتب مهما كان الا ف الكثير لهم اعذارهم بالضروفهم الخااااصه

تقبل مروري
دمت بسعآدهـ

[nawwaf_01]

مو ترقيع للجمهور اللي ما حضر المباراة


بس على حسب ما سمعنا ان الدنيا برد بالرياض ولا تنسى وسط الأسبوع والناس إختبارات


لا زم نرفق شوي على الجمهور ،،،، وصراحة المباراة مو حمااااااااااس علشان الواحد يحضرها



خلونا واقعييييييييين

[The Blue Prince]

إقتباس الرسالة الأصلية كتبت بواسطة nawwaf_01 مو ترقيع للجمهور اللي ما حضر المباراة بس على حسب ما سمعنا ان الدنيا برد بالرياض ولا تنسى وسط الأسبوع والناس إختبارات لا زم نرفق شوي على الجمهور ،،،، وصراحة المباراة مو حمااااااااااس علشان الواحد يحضرها خلونا واقعييييييييين

سامحني اخي كلامك غير مقنع بالمرة، الدنيا برد ووسط الاسبوع والمباراة مو حماس ، ايش هالكلام يعني حتى تروح وتساند فريقك لازم الجو يكون معتدل وعلى كيفك وما يلعبون بوسط الاسبوع والمباراة تكون حماسية ويمكن يدفعون ثمن التذكرة وتجلس بالمنصة (( ياريت اخي تتابع الدوريات الأخرى في عز البرد والمطر وفي أي وقت كان الجماهير ما تغيب عن مساندة فريقها ومهما كانت الظروف)) .

شيئ يقهر

زعيم أسيا بلا جمهور .

صاحب الرقم الصعب جمهوره في إجازة.

غاب الجمهور فغابت المتعة.

غاب الجمهور عن المدرجات وحضر في المنتديات.

كل هذه تنفع تكون عناوين اخبارية لواقع مؤلم حاصل لفريق الزعيم

كلمة اخيرة :

اتمنى من اتحاد الكرة أن يقوم بتعديل جدولة مباريات الزعيم حتى تتماشى ورغبات الجمهور وان يجتنبوا الجدولة في البرد او في الحر الشديد أو في اوقات الدراسة وأن يتم الغاء جميع المباريات الغير حماسية وذلك حتى نرضى جمهور زعيم اسيا ويتكرم مشكورا للحضور ومساندة فريقه)).

[challenger6]

اذا كل واحد جاء وقال برد وبعيد المكان ما حضر احد ... اللي يبغى يشجع مايفكر بالشيء هذا ... مباراة قوية او بسيطة


شوفو جماهيرنا قدام الحزم بالرس كيف كان الملعب ممتلىء ... وظلو بعض الجماهير يناظرو ن مباراة 90 دقيقة من ورا اسوار الملعب


الاعذار الغير مقبولة تفضح احيانا ... خلونا واقعيين شو ي ... قال ايش برد ؟؟؟؟



اسعدني تعقيبكم عالموضوع اخواني


واكرر نقطتي من هذا الموضوع هو معاتبة لجمهور الزعيم بالرياض



تحياتي