[هلالي في كل زمان]

بسم الله الرحمن الرحيم

اخواني ما ادري من وين ابدا لكن بعطيكم اياه بصراحه وفي نقاط تخص كل جانب من جوانب النادي

***الاعبون

الجميع يعرف غياب الروح والاصرار على محيا الفريق متمثله في المقوله
(الحي يحييك والميت يزيدك غبن)فلا نظلم من هم تملاهم الروح والاصرار والعزيمه
وهم حسب المعطيات قله للاسف

الصراحه اللي اتفاجا منه خروج ياسر في فترات سابقه في تصريحات يلوم جمهور الهلال على لومهم له خصوصا في زياده وزنه والرد الغريب انه يقول اللي يقول عني هذا الكلام بعطيه فانيله 20 ويلعب مكاني والنرفزه واضحه عليه .....رد غريب

وامس يقول نطلع بنقطه احسن من لاشي حسسني ان الهلال توه طالع لدوري الاضواء موب بطل اسيا....وايضا النرفزه واضحه

قد يقول البعض هذا من جراء الهجوم عليه في انخفاض مستواه

مع ان الهجوم اللي تعرض له من جمهور الهلال على حد قوله لايوصل ربع ماتعرض له سامي الجابر من اكثر من جبهه ولم يؤثر عليه وواصل نجوميته

ولا انسى ايضا الشلهوب في فتره انخفاض مستواه لم يتعالى على الجمهور اللي دعمه وشد من ازره

ولم اذكر لسامي بانه قال اللي يعيب فيني يجي ياخذ الفنيله رقم 9 ويلعب

بل كان شجاعا ويعترف باخطاءه واخطاء زملاه ويعتذر.......

فا انتبه ياياسر هذا جمهور الهلال هو من اوصلك الي مواصيلك هذي بدعمهم وحبهم لك فلا تتعالى عليهم كما تعاليت على الكره اللي للاسف صارت تهدر فرصه هدف من خط السته

سلطان السعود (اعتقد انه عاله على الفريق كما هو العنبر عديمي الفائده)

الصويلح الله يشفيه ويرجع للملاعب (سجل هدفين في اول الدوري وقال لنفسه انا المهدي المنتظر في الهجوم الهلالي فكر في نفسه ونسى التعاون الجماعي ولعب الكره الحديثه وايضا من ابطال مسلسل الاهداف المهدره)

الشلهوب (لا تعليييييق لانه لاجديد)


****الاداره

بدات اداره الامير عبد الرحمن وسمو نائبه بدايه الاداره التي تنوي حصد كل البطولات
بتميزها اداريا و استثماريا وتذليل كل الصعوبات للفريق وتمهيد سلالم المنصات

من امور ماليه ورفاهيه (نروح نلعب مباريات بطيارات خاصه) مشكورين

لكن الي الان لم يفهموا الاعبين مدى ما يفعلونه الاداره ومدى مساهمه هذا الشي في اريحيتهم للحصول على البطولات

فا يا ادارتنا الغاليه ان لم ينفع ما تعملونه فغيروا تعاملكم قد ينفع ويعون ما كانوا فيه من نعيم

****الجماهير

انتم الوقود الدافع المشجع الناقد البناء المدافع للكيان الهلالي

كم يفرحني تلك الحشود في الملعب وكم يحزنني الفضاء الكبير في الملعب

فانتم مقصرين بدرجه كبيره واخص بكلامي هذا جمهوووووور الرياض اللي ما ادري ليش عازف عن الحضور
وصراحه كم اغبط تلك النوادي التي جماهيرها تدعمها في كل وقت وفي كل مكان


*****الجهاز الفني

كوزمين مدرب اكثر من رائع وافضل قاري للمباريات ولا عليه غبااااار
وعلى مستوى عاليي جدا جدا

لكن للاسف هناك لاعبون لايخدمون ما يفكر فيه اذا غلب عليهم الغرور والكبرياء وعدم معرفه ابجديات الكره

++++++نقاط سريعه
الدعيع عزيز الخثران التايب الفريدي اسامه المرشدي الدوسري الغنام
انا اسف لضياع مجهودكم من اناس ليسوا بروحكم وحماسكم وحسكم الكبير

واسف على الاطاله والكلام الذي قد يكون قاسيا على البعض لكن الصراحه تغلبني

لاني طامح في الاسيويه وان جات اي بطوله ثانيه من البطولات الاربع خير وبركه

منيب طماع لكن بالمستوى هذااااااااا ؟؟؟؟؟؟؟؟ماظنيت