[لون السماء والسحاب]

نعم كذبه واقولها بالفم المـليــان

غاب طارق التايب وانهزمنا وتعادلنا مع اضعف الفرق في هالسنه

فريق مافيه تنظيم ولا بناء هجمه صحيحه ولا جمله تكتيكيه

تمر المباريات وغيرنا يحصد النقاط اولا بأولا ونحن مره نفوز ومره نتعادل وهزيمه واحده من فريق ليس بمستوى الزعيم

اسئلكم بالله

واحد مثل العنبر او سلطان السعود كفؤ انه يكون مهاجم في نادي مثل زعيم اسيا؟ !!!!!!!!!

باللهي احد يجدد مع العنبر 5 سنوات؟؟؟

ياناس الفرق الصغيره فيها اكثر من مهاجم جيد ونحن ماعندنا الا ياسر فقط

اما الصويلح للاسف الاصابات باليته ولايلعب كثير وهذا قضاء الله وقدره

خلاصه حديثي

الله يرجع لنا طارق التايب لكي اشوف مباراة الهلال وانا مرتاح

من بداية توقف طارق وانا اشوف مباريات الهلال وانا على اعصابي

قفله

انا لست من هواة كتابة المواضيع ولست من هواة تجريح اللاعبين

بس ترى خلاص الوضع ماعاد ينسكت عليه احس الدوري بدا يطير عننا

[أنا الهلالي والنعم]

شـكرا لك ، أخوي طيب التايب لو ترك الهلال وش بيكون وضع الهلال ؟! الله يستر يا رجال .. و أعتقد أن بطولة الدوري قد ودعت الهلال من الآن .. ولكن نتمنى ألا تذهب .

[شبح15]

الهلال يتاثر بغياب لاعب وكلام صحيح ومن يقول غير كذا يغالط نفسه يتاثر بغياب ياسر ويتاثر بغياب التايب وعزيز والدعيع


اللاعب اللي له بصمه في الملعب يتاثر الفريق

مقولة لايتاثر في لاعب تنطبق على العنبر والسعود ومن على شاكلتهم تلعب ناقص

[عبدالعزيز القحطاني]

للاسف أقول إن كلامك صحيح .. الله يذكر أيام أبو يعقوب وسامي والتيماوي والغشيان وخميس والدوخي والجمعان وباقي النجوم بالخير ..

[حجرف القحطاني]

الكذبه والله هي إنكم مصدقين إن التايب يبي يجيب لكم الدوري بلحاله

محد محطم اللاعبين ومسبّب لهم إرتباك غيركم أنتم ومواضيعكم هذي

ياخي وش دخل التايب !!

هذا حنا لعبنا قدام النصر وصقعناهم 2 .. ولعبنا قدام أبها وفزنا عليهم 3

ولعبنا مع الرائد وفزنا عليهم 2

وقسم بالله إن هالمواضيع ماتسمن ولاتغني من جوع .. ماغير تسبّب خلخله في المُنتدى وتربك اللاعبين

[أحبك ماتكفيني(14)]

نعم أوافقك الرأي التايب لاعب كبير ومؤثر في اي فريق بدرجة كبيرة وبالذات في الوقت هذا المحترفين كلهم كانوا متأثرين

نلعب منذوا بداية الدوري بويلهامسون فقط ورالديس مباراة وحدة لعبها فقط مع نجران والتايب عشر دقائق مع الرائد

وهذه لخبطت أوراق المدرب وشتت ذهن الإدارة والاعبين ولاتنسى الإصابات وكل مباراة بتشكيلة أيضاً تؤثر على المستوى .

بس يبقى هذا الزعيم لايتأثر بغياب لاعب أولاعبين نبقى عشاق للكيان طيب ليه ما تأثر الزعيم قبل و لم تتوقف إنجازاته ماشاء الله تبارك الله

وهذا الدليل الزعيم أجيال تتبع بعضها .وهذا معني الزعامة .

[هلاليه فوشيه]

الكذبه والله هي إنكم مصدقين إن التايب يبي يجيب لكم الدوري بلحاله

محد محطم اللاعبين ومسبّب لهم إرتباك غيركم أنتم ومواضيعكم هذي

ياخي وش دخل التايب !!

هذا حنا لعبنا قدام النصر وصقعناهم 2 .. ولعبنا قدام أبها وفزنا عليهم 3

ولعبنا مع الرائد وفزنا عليهم 2

وقسم بالله إن هالمواضيع ماتسمن ولاتغني من جوع .. ماغير تسبّب خلخله في المُنتدى وتربك اللاعبين

اللي ياثر بالهلال الجمهور
وروح اللاعبين