[ابـ وافي ـو]

السلام عليكم ورحمة الله وبركاته

احبتي جمهور الزعيم


تمنيت ان تكون المثاليه يعطى عليها نقاط في الدوري فتحسب


فيكون الهلال الاول


الموسم بدأ وبدأت معه حمى التنافس على الدوري

وانا من اول مباراه للزعيم وانا لم ارى الزعيم الحقيقي

حتى في مباراه النصر كان الفوز للزعيم لمستوى الخصم الضعيف

اول مشاكل الموسم


الظهير الايمن :

ياابو مساعد المفاوضات مع الانديه بطريقتك لن تجلب لنا اي لاعب موهوب في هذا المركز

شيء اكيد انه الانديه راح تتمسك بلاعبينها الموهوبين وماراح تفرط فيهم

هنا نفتقد للمفاوض المتمرس

المفاوض اللي يقدر يجيب اللاعبين وبسعر ممتاز وغير مبالغ فيه وبسريه تامه

المشكله الان الهلال قبل ماينوي يفاوض لاعب تلقى الصحافه الرياضيه كلها كاتبه عن المفاوضات

والدليل صفقه السهلاوي الان


المشكله الثانيه :

تكمن في الاجانب

يعني اجيب لاعب مدافع وانا ماخذ لاعب مدافع بصفقه 12 مليون الموسم اللي راح ؟؟

لو استثمرت في لاعب مهاجم فذ لكان افضل واحسن

وبعدين ليه ادخل في متاهات واجيب ويلي هامسون بخمسين مليون وانا قادر اجيب لاعبين محترفين عليهم القيمه

وبصحتهم وعافيتهم

ويلي من يوم يلعب الين تنتهي المباراه وانا يدي على قلبي خوف انه ينكسر ولا عاد نشوفه

ونفقد ورقه رابحه ثانيه

علما ان الورقه الرابحه الثالثه هي اللاعب الفذ طارق التايب اللي مكانه شاغر الين الحين


المشكله الثالثه :

كثره الطباخين تفسد الطبخه فعندنا البطي والجابر عملهم متضارب

اتمنى ان يكون البطي او سامي اداري فقط كي لايكون لغط بين اللاعبين

فكثره المناصب الاداريه بالفريق تضره اكثر مما تنفعه


هذا مجرد رأي والاختلاف في الرأي لايفسد للود قضيه

اتمنى لكم التوفيق معشر الزعماء والى لقاء قريب

وخيرها في غيرها تعادل الوحده الاشبه بالهزيمه

وانشاء الله ابطال الزعيم راح يفرحونا في قادم الايام


ويارب المثاليه ياابو مساعد تفوز ويطلع رأيي غلط في غلط