[رامـ 4 ـوس]

السلام عليكم و رحمة الله و بركاته







في مباراة اليوم اتضح تماما انه هناك خلل بالفريق

الخلل واضح


الخلل لا يستوجب كل هذ1 الكلام اللي يصير بالمنتدى




الروح

و ما ادراك مالروح


اذا كنت طبيب و تبي تسوي عمليه خطيره لمريض بالتأكد راح تحاول ترفع روحه المعنويه

اذا كنت قائد للجيش و تبي تفوز بمعركتك اكيد راح تلجأ لتحميس الجنود و رفع روحهم المعنويه

اذا كنت مدرس و كان عندك طالب فاقد للأمل في النجاح اكيد راح تحاول تخفف عنه الضغط و و تخليه يعطي اكثر شي عنده


و الامثله كثيره و لو ابي اكتب ما راح اخلص


الخلاصه و ما يهمنا من الموضوع وين الروح الهلاليه من اللاعبين

او

وين اللاعبين من الروح الهلاليه

من منا ما يتذكر لما كان الفريق خاسر امام جابليو الياباني بـ 2 و فاز بثلاثية سيرجيو

من منا ما يتذكر النهائي الشهير امام الشباب لما كان الفريق خاسر بأثنين و عادل سامي من ضربة جزاء و هدف صاروخي و سجل الجمعان الهدف الذهبي للهلال و فاز الهلال بالبطوله


ليش اروح بعيد

من منا ما يتذكر مباراة الهلال و الاهلي الموسم الماضي لما سجل مالك هدف التعادل و الكل فقد الامل في الفوز ما عدا اصحاب الفنايل الزرق اللي بالملعب
سجلنا هدف بآخر دقيقه و فزنا بالدوري بعد الفوز على الاتحاد


اليوم

ما اشوف اي اثر للروح الهلاليه




معقوله خلاص ما عاد فيه روح

معقوله الفريق اصبح غير قادر على قلب النتيجه



انا عن نفسي ما اعتقد


الروح موجوده عن اللاعبين انفسهم

بس وين الطبيب اللي يرفع معنوياتهم

وين القائد اللي يحمسهم

ووين المعلم اللي يخفف الضغط عنهم


عبد الرحمن بن مساعد كوزمين الجمهور الهلالي انتم رجال المرحله القادمه



لدينا افضل اللاعبين على مستوى المملكه

لدينا افضل الامكانات

لدينا ميزانيه و الحمد لله كفيله بوضع الفريق في مقدمه الفرق من الناحيه الماليه


طيب وش نبي

وش نحتاج


نحتاج ثلاثة أشياء



الاول : نبي مبدأ الثواب و العقاب نبي اذا فاز الفريق يكافأ و اذا أخطأ يعاقب علنيًا ، لانه راح يكون العقاب اقسى على اللعيبه

الثاني : أتمنى من كوزمين انه ما يتعامل مع امكانيات اللاعبين اتمنى انه يتعامل معهم حسب الجاهزيه النفسيه لانه أذا اللاعب مو في الفورمه او بمعنى آخر ماهو مشتهي يلعب ليش تلعبه ؟

الزوري الغامدي ويلي ياسر >> اليوم ما كانو في الفورمه


الثالث و الاهم : الحضور الجماهيري و المسانده لانه حضور بدون مسانده ما يعطي اللاعب ولو نصف مستواه
شلون عاد بدون حضور و مسانده


يا لطيييف








آسف أشد الاسف على الاطاله










ورده

[هلاليه وذوقي هلالي]

قصدك ....(التايــــــــــــــــــــــب وماادراك ماالتايــــــــــــــــــــب))

[رامـ 4 ـوس]

إقتباس الرسالة الأصلية كتبت بواسطة هلاليه وذوقي هلالي قصدك ....(التايــــــــــــــــــــــب وماادراك ماالتايــــــــــــــــــــب))

طيب و اذا اعتزل التايب راح يكون وضعنا كذ1 ؟




قبل التايب حققنا ثلاث بطولات بموسم واحد بدون لا نحسب بطولة الارهاب


و قبل التايب تأسس نادي الهلال و كبر نادي الهلال و حبينا نادي الهلال و اصبح زعيم الانديه


كل هذ1 قبل طارق التايب





يعني التايب مو عذر

[هلاليه فوشيه]

قصدك ....(التايــــــــــــــــــــــب وماادراك ماالتايــــــــــــــــــــب))

اسمحيلي اختي العام خسرنا وتعادلنا وطارق كان يلعب

الخلل اليوم باللاعبين والجمهور

الله يوفق هلالنا

[كلك حلا يازعيم]

قريت أكثر المواضيع اللي نزلت بعد المباراة ولا شدتني بالحيل وقررت انزل موضوع وقبل انزله شفت موضوعك ودخلت وقريته لقيته نفس الكلام اللي كنت بكتبه ونفس وجهة نظري بالظبط ...






هذا اللي نحتاجه والبطوله ماراح تجي بمجهود لاعب أو اثنين ولا حتى 20 إذا مافيه روح للفوز وعمل جاد من اي شخص ينتسب للنادي جمهور واداره ولاعبين ومدرب وكل من له علاقه بالنادي من قريب ومن بعيد وهذا اللي نحتاجه ...





من وجة نظري سبب المستوى المتدني في مباراة اليوم هو الجمهور اللي يلعب كوره بيعرف الفرق لما يكون فيه آلاف يهتفون لك ويشجعونك ايش بتقدم ولما تلعب والمدرجات تخيب الضن وماهي على قد التوقعات ايش بتقدم ...






يعطيك العافيه أخوي

[رامـ 4 ـوس]

كلك حلا يا زعيم

إقتباس يلعب كوره بيعرف الفرق لما يكون فيه آلاف يهتفون لك ويشجعونك ايش بتقدم ولما تلعب والمدرجات تخيب الضن وماهي على قد التوقعات ايش بتقدم ...

مشكور عالمرور و الايجاز



اعتقد كل هلالي يفكر هالتفكير أيضًا


و اتمنى توصل رسالتنا للاداره الهلاليه