[ترقيعة]

شباب من الحين لحد يقولي الموضوع ماله دخل بالهلال لأن السالفة تقهر وخصوصا ان موبايلي شريكنا وبصراحة انا كاتب الموضوع عشان موبايلي وعشان اثبت لكم ان فيه فرق السما عن الارض بين موبايلي والاتصالات
وبعدين انتم شايفين اني مسجل من سنة جدي ومشاركاتي ولا اقل لاني ما اشارك الا في الشديد القوي.
باختصار الاتصالات قاعده تلعب علينا يقولون اول خمس دقايق محسوبه والباقي مجانا وهذا الكلام غير صحيح ابدا لأني اعرف كثيرين جربو يتصلون وكانت اطول مدة اتصال هي نص ساعة وبعدين يفصل الخط.
طبعا فيه ناس جربوا من جوال لجوال وناس اتصلوا دولي
اللي ابي اوصله لكم اننا لازم نعلم الاتصالات ان جمهور الهلال اذا حب يدعم راح يطيركم للسما واذا استهبلتوا عليه الله يعينكم على الخساير.

وبعدين وش فيها لو كتبنا عن موبايلي هنا عادي شركانا وندعمهم
طبعا انا متأكد ان حقين 902 راح يردون الحين ويقولون هذا الموضوع ما له دخل بالهلال وانت تسوق لموبايلي والمنتدى خاص بامور الفريق وانا ردي عليهم ايه بدعم موبايلي وبسوق لموبايلي طول ما هم يدعمون الهلال

وسلام