[ابو طـــــلال]

برنامج يدير حوارة شخص حاقد ... مشبوه .. تاريخة ( لك عليه )

ريحتة فايحة قبل مايستضيف ضيوفة .. ونعرفه و أسلوبة الضعيف عن طريق أشخاص من ديرته هم أبخص منا فيه

طاولة مستديرة .. وكاميرات .. داخل أستديو ريحة التعصب ( تنتشيها) وانت تسمع طريقة الكلام حتى بالراديو .. مو عاد تلفزيونياً ....... ربعنا الله يهديهم بس ..

محمد نجيب يجميع له أربع أشخاص من بلد واحد ويشبها بينهم .. ويتفرج .. ويفرج عليهم الناس ..

مثلة مثل فيصل القاسم مقدم الإتجاه المعاكس .. يستضيف أشخاص من بلد واحد ويشبها بينهم ويتفرج .. ويفرج عليهم الناس ...

وفي برنامج خط الستة .. وبرنامج الإتجاه المعاكس ... المشاهدين يظحكون على خيبة الضيوف .. او المحللين اللى معه في البرنامج ..

لاأنكر بأن البرنامجين فيهن ( أكشن ) ويشد إنتباهك بسبب تجاوز الخطوط الحمراء .. والهواش .. والفضايح اللى نشوفها بين هذا وذاك .. وكل هالهوشات في إطار ( الرأي والرأي الآخر ) ولو تقول لصاحب هالعقل المثالي والعقلاني .. مثلاً إن العين الإماراتي نادي يقف بجانبة الحكام .. وبطولاته فيها ( إن ) لكشّر عن أنيابة وطلعت الفضايح وإنكشف قناع المثاليه .. ولرأيت نجيب بشكل مختلف ..

الفرق إن فيصل القاسم يتحدث بالسياسه ومنها يحاول إشعال الفتن بين الشعوب الخليجيه والعربيه وقاداتهم ..

محمد نجيب يستخدم الرياضه لنفس الغرض للأسف ..

على وقت برنامج الإتجاه المعاكس لم أكن انتقد المذيع فيصل ولا البرنامج او حتى قناة الجزيرة ( القطرية ) الشقيقه
الشرهه .. والعتب على ضيوفة اللى سمحوا لأنفسهم بأن يكونوا فرجة للي يسوا والى مايسوا ... وهم من أرخص أمام الناس قدرهم ..

نفس الشي في برنامج خطه السته ومقدمة ( محمد نجيب) لم يكن أبداً العتب على قناة أبو ظبي ( الرائعه ) كقناة ولافي الإمارات كبلد ( شقيق ) ولافي شعب الإمارات كشعب مسلم ويشاركنا الأخوة في الدين واللغة والدم ..
إنما العتب .. وكل العتب على هالأربعة ( السعوديين ) إللى يقدمون يومياً مشاهد مخزية غير حقيقيه للرياضه السعوديه .. والقيادة الرياضيه ...

حتى من كان يحترم الرياضه السعوديه في السابق .. بعد هالأربعه وخزعبلاتهم في البرنامج يبي يغير رأئيه

أنا والحمد الله والكثير منا يعرف من هم هؤلاء الأربعه ... ومن منهم ال(صالح ) ومنهم ( الجستنيه ) لكن الكثير بعد إطلالة قناة ابو ظبي الرياضيه لايعرف منهم هالضيوف ويخلط بين الطيب والردي .. ويبيله وقت لين ماتنكشف له الحقيقه كما كشفت لنا .. بس يبيلها وقت ..

طيب ..... إنتهى ,


===========


منصور البلوي ( مصغّر ) متبرع لصالح النعيمة بمبلغ 100 الف ريال ..

اللى مايعرف منهو ( البلوي ) المصغر يشويه ... هذا سلمكم الله ( الصعيري ) عضو شرف النصر ( المتسحوووت )
الله يرحم الحال .....


===========

الكل زعلان من الهلال .. المحلل والناقد .. واللاعب .. والإداري وعضو الشرف .. ورئيس النادي ... من بقى ؟
حتى بوش مصرح هالأيام .. يقول الهلال نص بطولاته غش ..
فهد الهريفي زعلان من إجازات كوزمين .. حد شاكيلك يابعدي ؟
الوليد بن بدر وممدوح بن عبد الرحمن اتوقع أن أرقابهم مايله من كثر مايكلمون على طريقة إعلان ( جووووووووود )
ولابرنامج إلا ولهم مداخلة .. ماشاء الله عليهم .. وكلها تتكلم عن الهلال من بعيد او قريب .. إلا أمس ماجاب ممدوح طاري الهلال .. مدري وش عنده ... وحتى قام يمديح طارق التويجري .!! يالله الستر


===========

ااه ياليل .. واااه ياعين .. وهذا شنب وهذي لحية ؟؟ مهيب على رجال ؟! هذا ماقاله طلال الرشيد لمذيع قناة الــ ART
وسألة بنفس الوقت .. مهيب على رجال .. ورد بنفسة بعد وقال : على رجال .. وأنا ماارد على سوالف الحريم !
الرجال بالأفعال مهيب بالشنب واللحية .. والرجال توزن كلامها .. مايخنمبدز بالحتسي بكل طله ...
سبحان الله ... عمري ماتصورت عبد الرحمن بن مساعد ولا محمد بن فيصل ولا غيره من اللى تسلموا إدارة الهلال يقول هالكلام ويتحمس لهادرجة او تطلع منه هالكلمة .. تخيل يجرون معك لقاء وتساله عن مقال في جريدة .. ترد وتقول : هذي لحية .. وشنب صح ؟؟ على رجال صح ؟؟ وانا رجال ماارد على سوالف حريم !!
مااكثر من أستحقر حديثك هذا ياطلال .. ومن جمهور فريقك ... ياسفاب إسمك بس ..

============

أحد الاخوة الأعضاء ذكر بأن حساب الدويش النصراوي قد تلقى مبلغ 100 الف ريال من مندوب منصور البلوي .!! وهذا ماأكده لنا هذا العضو .. اعجبي ردود الأعضاء الاحبه في عدم قبول مثل هذه الاخبار والتعرض للذمم مهما كان الشخص يسيء لنا بكتاباته .. التنافس الرياضي لايجعلنا ننقل أخبار مثل هذه دون إثبات ..
هذا الوعي لدى الاعضاء الاحبة أسعدني كثيراً .. على كثر مالقيت تعرض لذمم وشرف الجميع في منتدياتهم ..
هنا عاداتنا وعاداتهم .....

رغم أني أرفض مثل هذه الاخبار .. إلا انني اتمنى فضح كل شخص قام ببيع قلمة وذمته من اجل المال .. يعني إذا عندك دليل وإثبات .. هاته بسرعه وعجل عليينا .. حتى تقف مثل هذه الأفعال الدنيئه إن كانت موجوده


============

صالح الطريقي .. وش تبي بالظبط .!؟ (( موضوعك خـــالصصصصصصصصصص ))

============

الحضور للمباريات المقامة في الرياض مطلب جميع اللاعبين والإدارة ... نبي حضور للمباريات
ودي أقولكم احضروا مباريات الهلال لكرة الطائرة بس ( مستحي ) منكم .. ماحضرتوا مباريات القدم تحضرون الطائرة
بس هالدعوه للي وده يستمتع في مشاهدة الأباتشي .. يستحقون الحضور .. لاعبين لايقلون إبداع عن لاعبي كرة القدم .. فكروا وعلموني .. وترى المباراة الجايه في الطائره قريبة .. اللعبة الثانيه بعد القدم في النادي

============

برايفتــــ

اخوكم الصغير ابو طلال