[fayez88]

السلام عليكم

صبحكم الله بالخير

بدون مقدمات

انا اشوف كثيير من الاعضاء يسبون صالح كامل صحيح المنتدى فيه حريه بس بحدوود يعني تتكلم عن استغلاليته اذا انت تشووف انه استغلالي اما انك تسبه .........

اشوف كثيير يقولون قناه الزعيم غاليه وقاطعوا القناه شوفوا الجزيره اقتدوا فيها الجزيره يالاي ار تي

الجزيره قناة( مدعومة حكوميا) من دوله من اغنى دول دول العالم مقارنه بمساحتها وعدد سكانها هذي نقطه كثييييييير ما يعرفها

وهذا السعر في نظري انه معقوول لانها قناه وحده وانا متأكد لو فيه اربع او خمس قنوات للزعيم كان صارت قيمه القناه لما تقسم سعر الباقه على عدد القنوات تقريبا نفس سعر الباقه الرياضيه وبتقل قيمه القناة الواحده بس فيه معدات ومعليقين ومقدمين واستديوهات خاصه بالزعيم ولا ننسا ان (الزعيم له نصيب من هالقناة)


لوالنصر له هالقناه وبنفس السعر اتوقع بنشوف كثيرين يطالبون فيها ويبغون تصير للزعيم قناه مستقله والسعر بيكون اخر اهتماماتهم فهذي فرصه ما تتعوض

صالح كامل موقع مع الهلال موسم واحد بيجس النبض لو الهلاليين يشتركوون في القناه

وبعد ما يوقع صالح كامل عقد طويل (اقصد لفتره اطول) نضغط عليه بيكون مجبر انه يخفض مع ان السعر في نظري معقول ولكن للي يطالبون بخفض السعر بتكون هذي افضل طريقه للظغط عليه وانسب وقت وانا اشوف لو يخلي قيمه القناه ثلاثميه وخمسين اتوقع ما تخسر القناه

انا سمعت عن حكم دريم بوكس من كم شهر في المنتدى لو كان الكلام اللي سمعته صح صراحه ما تسوى ان الواحد يقع في الحرام والسرقه عشان والاعتداء على ممتلكات الغير عشان يطالع الهلال اتمنى يشوف له طريقه اخرى لمشاهده الزعييم يعني لكل شيء حده

ولنتذكر دائما انك تدعم الزعييم وهذي نقطه بحد ذاتها كافيه بالنسبه لي للدفع

وانت بدعمك بهذي الطريقه تفيد وتستفيد تفيد الزعيم وصالح كامل وتسفيد بمشاهده تدريبات الهلال وتعليق هلالي وتحليل هلالي وغيره وغيره

وفي الختام اطالب الجماهير الهلاليه فضلاً لا امراً بالاشتراك بالقناه لانه اذا راحت الفرصه وذهبت لغيرنا بتعرفون بتعرفون قيمه القناه


اتمنى الردود تكون بعقلانيه وحضاريه ولا يكون فيها تجريح او استهزاء

fayez88

[نزيه المشاعر]

يعني ياخوي سعرها 1680 ريال ماهي استغلال

وبعدين كلها حرام بحرام

اشتراكك بالعارتي يعتبر حرام لوجود قنوات افلام

يازين الدريم بوكس بس

[الزعـــ الأزرق ـــيم]

إقتباس الرسالة الأصلية كتبت بواسطة نزيه المشاعر يعني ياخوي سعرها 1680 ريال ماهي استغلال وبعدين كلها حرام بحرام اشتراكك بالعارتي يعتبر حرام لوجود قنوات افلام يازين الدريم بوكس بس

والله انك صاااااادق
والله ان الدريم بوكس بـ800 ريال ولك شيء مفتوووووح
دريم بوكس دريم بوكس

[اعشق هلال العريجا]

إقتباس الرسالة الأصلية كتبت بواسطة نزيه المشاعر يعني ياخوي سعرها 1680 ريال ماهي استغلال وبعدين كلها حرام بحرام اشتراكك بالعارتي يعتبر حرام لوجود قنوات افلام يازين الدريم بوكس بس

يعني عادي عندك تشووف تعب النااس بالحرااام

وجهدهم ومصاريفهم وانت تاكلها باردة مبرردة؟؟؟؟؟؟؟؟؟؟؟؟؟؟؟؟؟؟؟؟؟؟؟

[زيرو زيرو سفن]

وانت الصادق يابو الشباب والزعيم يستاهل ..

بس وش قصة الدريم يوكس ما فهمتك تقصد انه حرام ؟واذا كان حرام ؟ليش؟وليش احنا مو حرام

يستغلنا صالح كامل علشان بطاقة سعرها اللي رفتها عليها لو تحطها في جمعية خيرية احسن ..

تقبل مروري

[fayez88]

مشكور نزيه على ردك انا ما احب اتعمق في موضوع حلال وحرام بس انا من وجهه نظري ان الحرام انواع السرقه الاعتداء اكثر حرمه من انك تشاهد قناة افلام مع اني مادري عنها هي حلال ولا حرام والله اعلم واذا انت خايف انك تقع في الحرام وتشاهد فلم اذا اشتركت في القناة تقدر انك ما تشاهد قناة الافلام

سعر القناه اعتقد 400 وشوي

زيزو مشكوور لردك على الموضوع والله لو تحط فلوسك في مؤسسه خيريه احسن من انك تشتري فيها ثوب لك ولا انا غلطان وكل واحد يحكم عقله واللي يبي يتبرع من وجهه نظري لن يعيقه اشتراك لزعيم

[alzaeem-only]

إقتباس الرسالة الأصلية كتبت بواسطة fayez88 مشكور نزيه على ردك انا ما احب اتعمق في موضوع حلال وحرام بس انا من وجهه نظري ان الحرام انواع السرقه الاعتداء اكثر حرمه من انك تشاهد قناة افلام مع اني مادري عنها هي حلال ولا حرام والله اعلم واذا انت خايف انك تقع في الحرام وتشاهد فلم اذا اشتركت في القناة تقدر انك ما تشاهد قناة الافلام سعر القناه اعتقد 400 وشوي زيزو مشكوور لردك على الموضوع والله لو تحط فلوسك في مؤسسه خيريه احسن من انك تشتري فيها ثوب لك ولا انا غلطان وكل واحد يحكم عقله واللي يبي يتبرع من وجهه نظري لن يعيقه اشتراك لزعيم

لا يكون انت من احد العاملين في قناة الارتي واحنا ما ندري والله اللي يسويه
صالح كامل استغلال وغصبن عن اللي مايرضى
وشكرا

[رومنسي أزرق]

إقتباس الرسالة الأصلية كتبت بواسطة fayez88 واذا انت خايف انك تقع في الحرام وتشاهد فلم اذا اشتركت في القناة تقدر انك ما تشاهد قناة الافلام

اخوي مجرد اشتراكك في قناة الافلام فمعناه انك تدعمها وهذا هو الحراااااام

[فارس767]

إقتباس الرسالة الأصلية كتبت بواسطة fayez88 سعر القناه اعتقد 400 وشوي

طيب انت ليش مااشتركت بالقناة وهذا يوضح من ردك
لو انت مشترك لعرفت السعر بالضبط

[ممدوح السلمي]

... يعني اللحين دريم بوكس حرام ؟؟؟ علينا ياولد

... طيب لايكون art حلال انا صراحة ماني معك

[MaMoOoN]

حرام يجر حرام

وباطل يجر باطل

حسبنا الله ونعم الوكيل

.

[خالد القريني]

ااخواني حللتهم الي ار تي وحرمتم الجهاز اللي يفك الشفره

طيب بالاساس مو حرام على صالح كامل اللعب في جيوب العالم


وغير كذا ليش يقول كلام في العقد ويخلف بعد العقد

[fayez88]

إقتباس الرسالة الأصلية كتبت بواسطة خالد القريني ااخواني حللتهم الي ار تي وحرمتم الجهاز اللي يفك الشفره طيب بالاساس مو حرام على صالح كامل اللعب في جيوب العالم وغير كذا ليش يقول كلام في العقد ويخلف بعد العقد

مشكوور لردك اخوي خالد ويطيك العافيه بس اعتقد انك لم تقرأ الموضوع كاملاً

[fayez88]

اخوي ممدووح والله انا مدري عن الحلال من الحرام فيهم لكني سمعت من الناس والله اعلم

اخوي مامون مشكور لردك واتمنى اني اقنعت الكثيرين من اللي كانوا رافضين دعم الزعيم اقصد القناه

[طارق ولد ليبيا]

الســــلام عليكــــم ..

في النهاية , نتمنى أن يحصد الهلال الألقاب .