[عمار بن ياسر الهلالي]

بسم الله الرحمن الرحيم




ابي أقولكم حادثي الشنيع اللي تسبب فيه الفريدي الله يسلمه
كنت بغرفتي اتابع لقاء الديربي والوالد ( هلالي متعصب ) يتابع اللقاء بالصالة المهم وكنت اتابع ابوظبي الرياضيه والوالد يتابع السعودية الرياضيه وابوظبي متأخرة عن السعوديه ب نصف دقيقة تقريبا المهم سمعت الوالد يصيح يقول


(إذبحهم إذبحهم يا حبيبي ...!!!!)

وانا اللقطة عندي كانت بدايه الهجمه تفاجئت قلت خلني اروح اشوف وتوني جريت ابي اشوف الوالد وش فيه يصيح
الا ومعلق ابوظبي يصييييييييح قوووووول وابي افرمل والا طراااااااااااااااااااااااااااااااااخ على راسي وياهي طيحه والله تعور القلب


بس ما حسيت بالالم مع الفرحه جعلها دايمه يارب والله يسامحك يافريدي



تحياتي
عمار بن ياسر الهلالي