[وافي999]

فاز الهلال وفوزهم يرفع الـــــراس يحق لي افخر لأني هلالي




قصيدة متواضعه بمناسبة فوز الزعيم على النصر .. اتمنى تعجبكم




فاز الهلال وفوزهم يرفع الـــــــراس = يحق لي افخر لأني هلالي

النصر يوم أنه ظهر ياسر احتــــاس = قام يتراقص به يمين وشمالي

جاب الهدف محبوك (كبري) وبالراس = والخوجلي يا ناس جاه الهبالي

ثم جا الفريدي وزود النصر بالياااااااااس = وصار النصر للفوز ماله مجالي

جاب الهدف بأسلوب راقي وبحساس = حسيت أنك يالفريدي مثالي

على النصر ياناس ضاقن الانفاس = زعيمنا بك يالنصر ما يبالي

هذا الزعيم اللي يحبونه الناس = هذا الهلال اللي وصل للمعالي

يمتع جماهيره وللفن نبراس = اسمحلي بسميك نادي خيالي

ان قاله الله هالسنه نرفع الكاس = بالفن والخبرة وعزم الرجالي

فاز الهلال وفوزهم يرفع الراس = يحق لي افخر بأني هلالي



كلمات : وافي999