[هلال بن زعيم الهلالي]

هارد لكل الزعماء ..
وأستمر نزيف نقاط والله كانت بجيوبنا لكن مهاجمين الفرق المنافسه قطعوا هالجيوب من اول مباراة في الدوري ومستوى الهلال مايطمن اللي بيعلق ويقولي أني ماني فاهم بالكوره شيء يجبيب لي فريق عنده حارس مثل اسطورتنا الدعيع ويجيب لي دفاع مثل دفاع الهلال اللي من سنتين وهو من أقوى دفاعات الفرق بالدوري محاورنا من أفضل محاور الأرتكاز ان لم يكونوا افضلهم وسطنا بأسمائه ناري هجومنا مايحتاج

يعني عناصريا الفريق ماشيء ميه ميه بأستثناء خانه الظهير الأيمن اللي نقدر نعوض فيها شوي يعني بالعربي خانة الظهير الأيمن هي نقطة الضعف وهذي برأي الشخصي محلوله نوعا ما

الأداراة ماقصرت وسوت للفريق معسكر كل جماهير الانديه الثانيه حسدتنا على الأشياء اللي انعملت للفريق بهالمعسكر

الجماهير سوت اللي عليها في بداية مباريات الدوري مباراة ابها والرائد كان الجمهور على الموعد

كل أسباب النجاح متوفره وطبعا التوفيق بيد الله عزوجل لكن......





مانراه من لاعبين الهلال وبرودهم واستمرار الأخطاء اللي وأعذروني على هالكلمه اخطاء مالها داعي ..تمريرات خاطئه ..تسديدات غير متقنه ..شرود ذهني في كل مباريات الدوري لللآن

صحيح تونا في بداية الدوري بس لاتنسون الدوري يعتمد اعتماد كلي على تجميع النقاط والفريق للأسف فرط في مباراة نجران ومباراة الأمس مع الأهلي .. ومع كامل احترامي للفرق هذي الأ انها ليست بمستوى الهلال واللي أنعد اعداد على احسن وجه


صدقوني والله مالوم أحد وانا ضد النقد من اجل النقد بس نبي لاعب أنا اعتبره اهم لاعب بالفريق وهو اهم من الاعبين انفسهم ومن الجمهور ومن كل شيء

أستغــــــــــــــــــراب صح؟؟؟















روح الفــــــــــــريق؟؟؟؟؟؟؟؟؟؟؟
.أين روح الفريق





مع كامل احترامي وتقديري للنصر واعذروني على هالأمثله الأأنه مو ذاك الفريق اللي تقدر تقارنه بنجوم وعناصر الهلال الا أنه قاعد يقدم شيء لجمهوره

كأنهم عليهم دين لجمهورهم وقاعدين يردونه لهم ودليل كلامي تحيتهم له في مباراة الاتحاد غيابيا


صدقوني قاعد أتكلم ونا مقهور وفيني غبنه ليه يانجوم الزعيم ؟؟؟؟

واللي يقهرني زود اللي يلوم المدرب ويتنقص من قدرات نجومنا اللي ياما اسعدونا
مره يقولون المدرب سيء ومره يقولون ياسر زاد وزنه ومره يقولون التايب هو الهلال


انا ماعندي أي أستعداد اعطل نفسي واخلي اللي دوني واللي قدامي واحضر ملعب واشوف لعيبه مدري وش السبب اللي يخليهم وكأنهم مو لابسين شعار زعيم آسيا


وعمري مابخلت على الهلال بشيء ولو الود ودي والروح اللي أشوفها في فرق دون مستوى الهلال كان خذيتها منهم ووزعتها على نجومنا وخليتهم يسعدون اكبر قاعده جماهيريه بآسيا





فواصــــــــــــــــــــــــــل

*اللي يبي بعلق على موضوعي رجاء أقرأ الموضوع أكثر من مره.

*الواقع بعض المرات يكون مر بس خذ لك لفه على بعض المحطات الفضائيه وشوف مباراه للأتحاد وتعرف وش سبب صدارته للحين.

*أوعدكم وعد بعد حضوري لمباراة الهلال أمس (ولاهي منه ولاتفضل على النادي اللي تشربت حبه من يوم عمري 6سنوات) اني مااحضر ولامباراه الا اذا شفت مثل دموع وحماس لاعبنا ومحبوبنا ياسر بعد مباراة الأتحاد الموسم اللي راح.







أعذروني وربي كتبت هالموضوع بعد تردد بس من القهر اللي فيني من يوم طلعت من الأستاد الا ساعة كتابة هالموضوع ونا ماغفت لي عين.







بالتوفيق للزعيم في المباريات القادمه