[ولد الخرج]

السلام عليكم ورحمة الله وبركاته

أنا من النوع اللي ما يحب يتكلم عن مستويات اللاعبين

لأن اللاعب إنسان يمر بضروف تؤثر في مستواه

ومسألة مشاركته في فترات تردي مستواه تؤثر بنتيجه عكسيه على اللاعبين

وراح يتحمل غيره أخطائه

بعد خمس جولات قدم الزعيم فيها مستوى غير مقنع تخبط في إختيار اللاعبين

تغييرات متكرره في التشكيله

تفقد اللاعبين النسجام مع بعض وهذي حاجه مهمه

رالديس لاعب مدافع قلب دفاع هادي ويتعامل غالبا مع الكره بشكل جيد في مركز قلب الدفاع

بطيء في مركز الظهير يعني صعب يساند الهجمه

وهنا في مركز الظهير بيكون نقطة ضعف

قلب الدفاع المرشدي هوساوي المفرج خيرات كلهم جيدين ونكون بحاجه ماسه لرالديس اذا كان المشردي وهوساوي بالمنتخب

غير كذا وجوده ما له أهميه كبيره

الظهير الأيمن

عندنا بس نامي لا يجي أحد يقول لي الغامدي الغامدي يلعب كويس كظهير لا لا هو بس ينفع يغطي مكان نامي وقت الضروره ايقاف اصابه

والا هو بيفيد الهلال أكثر اذا كان مع عزيز في مركز محور الإرتكاز

والسبب عزيز والغامدي أفضل محاور المملكه

متفاهمين ويلعبوا سوى من زمان ويغطوا كويس ويضغطوا على وسط الخصم وما يعطوهم فرصه يضغطوا على الهلال

لما يكونوا في قمة مستواهم الفريق الخصم نادرا ما يوصل لمرمى الزعيم

والحاجه الثانيه والأهم نقل الكوره من الدفاع لصانعي اللعب أفضل من غيرهم وأسرع ومافيه بطء


وهم مربط الفرس

الوسط نوعا ما جيد الشلهوب مستواه الى الآن هابط والبنيه الجسميه مؤثره عليه بشكل كبير

الفريدي ما شاء الله عليه مهارات تمريرات بينيه رائعه

مرونه رهيبه في التجاوز لاعبي الخصم

ويلي لاعب جيد بس مافيه أحد متفاهم معه

وأنا أشوفه أمس يعطي الكوره لخيرات ويفتح لخيرات وخيرات يأخر الكوره وما يدري لمين يلعبها

خيرات كقلب دفاع جيد بس ظهير يمكن رهبة المياراه فيه شي مخليه يضيع شوي

ياسر والصويلح جيدين

محمد العنبر الى الآن مستواه ما يقنع أحد إنه يكون في صفوف الزعيم

وجوده ممكن يكون له مغزى عند كوزمين بس مستواه أقل من المطلوب بكثير

هذي كلها أراء شخصيه من اللي أشوفه وان شاء الله أكون قد وفقت في نقله بصوره سليمه

وان شاء الله نشوف الزعيم بمستوى أفضل ويحقق نتائج تليق بحجم الزعيم