[FLETCHER]

السلام عليكم


الحمد لله على كل حال والقادم افضل ان شاء الله


والله يا نااس قهر راح عمري على التكاسي


انا من طلاب جامعة الملك سعود وساكن في سكن الجامعه


طبعا ما عندي سياااره

والله يا نااس ما تفوتني مباارااه للهلااال داايم في الملعب


جهزنا الوضع انا واخوياي كالعاده من العصر وحنا جااهزين

طبعاا حنا سته هلاليه بس ما عندنا موتر موترنا في الورشه < يصرف

سته اشخاص متكرفسين في تكسي ومشوار وتعب

والرجعه اعتقد مشينا حول كيلو الين لقينا سيااره

يااا ناااس والله قهر المستوى اللي نشوفه بروود زيااده عن اللزوم

حمااس ما فيه في الملعب من قبل الجماهير والسبب مكان الرابطه غبي مع احترامي

ياا خي خلوا الرابطه في الواجهه عند الزحمه ما هو في الجنب



ودي اقول شي في النهايه

للي تقولون جمهور الرياض ما يحضر

اقول والله العظيم لو عدد الجمهور اللي في الاستاد في ملعب القصيم والشرقيه ان تنهبلوون

لكن السبب هو كبر الاستاد وتلاصق كراسيه وصغرها



قفله

تابعت مباراة النصر مع الاهلي كامله وحضرت مباراة الهلال مع الاهلي

والله العظيم ان الجمهور الهلالي هو الاكثر وبشكل واضح


سلاااام

[لون السماء والسحاب]

ياخوي دام هذي ظروفك لاتحضر !!!

وماكلف الله نفسا الا وسعها

[الزعـيم الميلاني]

..

والله كلامك صح .. الاستاد كبييييييير .. وصعب انك تغطيه ..

بس نصيحة استأجر تاكسي من الحين ليوم السبت .. او روحو مع خط البلدة اوسع ..

بالتوفيق امام النصر ..

[زعــيــ511ــم]

أولاًَ مشكووووووور على حظووورك وهذه ماغريبه على الجمهور الهلالي

والله انا حاظر المباراه ومعاي 5 من أخوياي .. الجمهووور كان جيد

لاكن مستويات الهلال ما تأهل الجمهور انه يحظر .. فرص ضائعه . هجمات بارده

آه يا طارق تونا عرفنا قيمتك .

وصدقني على هذا المستوى النصر راح يفووز على الهلال . الله يستر بس

وبالتوفيق للهلال

[سلطاااان الهلالي]

الله يعينك اخوي


وبالتوفيق لزعيمنا امام نصرهم

[FLETCHER]

إقتباس الرسالة الأصلية كتبت بواسطة لون السماء والسحاب ياخوي دام هذي ظروفك لاتحضر !!! وماكلف الله نفسا الا وسعها

داامها للهلال كلها تهون ياا غالي

[احبك يا هلال حب خيال]

شفتوا لا تضلمون جمهور الرياض والله ان حنا كثار لو كانت المباراة باستاذ الامير فيصل بن فهد كنتوا شفتوا الفرق بس استاذ الملك فهد كبيـــــــــــــــــــــــــــــــــــــــــــــــــــــــــــــــــــــــــــر

[لامبارد الهلالي]

والله كلامك صح .. الاستاد كبييييييير .. وصعب انك تغطيه ..

بس نصيحة استأجر تاكسي من الحين ليوم السبت .. او روحو مع خط البلدة اوسع ..

بالتوفيق امام النصر ..

[FLETCHER]

من جد يااا نااس جمهوور الرياااض قووووي

[ابو احمد 2006]

إقتباس الرسالة الأصلية كتبت بواسطة أكبر فخر أني هلالي ودي اقول شي في النهايه للي تقولون جمهور الرياض ما يحضر اقول والله العظيم لو عدد الجمهور اللي في الاستاد في ملعب القصيم والشرقيه ان تنهبلوون لكن السبب هو كبر الاستاد وتلاصق كراسيه وصغرها

وهل عدد الجمهور بالرياض مثل عدد الجمهور بالمدن اللي خارج الرياض ؟؟

[FLETCHER]

إقتباس الرسالة الأصلية كتبت بواسطة ابو احمد 2006 وهل عدد الجمهور بالرياض مثل عدد الجمهور بالمدن اللي خارج الرياض ؟؟

هذي نقطه مهمه يا الغالي

طيب

ليه يقاارنون اجل؟؟

[هلالي منذمبطي]

اللهـ يكون بعونكمـ مادام هذي حالتكم

وموفقين ان شاء اللهـ بالجامعهـ


... وبالتوفيق للهلال بالمباريات الجايهـ ...

[تتعب]

أهنييييييك على هلاليتك التي نفقدها في بعض الجماهير التي تدور أقرب غذر لعدم الحضوور


و الله يكون في عونكم


تحياتي

[ماخليتوالي اسم]

مشكور على حضورك وهذا واجبك مسانده الزعيم
ويعطيك الف عافيه انت ومن حضر معاك
لي تعقيب
كثير من الهلالين يقارنون الاستاد بملعب الملز
وكانهم يقولون نحن لسنا بمستوى الاستاد نريد اصغر لكي يمتلئ
انا متأكد لو اراد الجمهور بالرياض فقط لملأ الاستاد 5 مرات
لكن للاسف اصبح جمهور متقاعس
يشجع من خلف الشاشه
واحب اقول لمن يشجع من خلف الشاشه ترا مااحد درى عنك ولاعن تشجيعك
احضر وخل الاعبين يشوفونك حتى يتحمسون ويحملون المسئوليه
ويقدمون كل مالديهم حتى لاتخرج وانت غير راضي

ياجمهور ارجوكم لاتهمشون دوركم المهم انتم الدافع الاول للفوز
احضروااا وشوفوا كيف الاعبين راح يقدمون
بطل الدوري لايجد المسانده من جمهور شي يقهر والله
همسه
البعيد عن العين بعيد عن القلب

[OMAR15]

صحيح الاستاد كبير وما يبين فيه كثر الجمهور...