[%%هلالي برشلوني%%]

.
.
.
السلام عليكم ورحمة الله وبركاته
.
مســـــــاء الخيــــر على جميـــــع الزعمـــــــــاء
.
هـــــارد لكم التعـــــــــادل اليــــوم اللي جا بطعـــم الخســـــارة
.
ولو كـــــان تعـــادل بمستـــــوى رائع ومميـــــز مانزعل والله ونفرح للمستوى
.
بس اذا كنا راح نتعادل بمستوى هزيل بفرص نادره بأنصاف لاعبين بالملعب هذا مانرضاه ولا يفرحنا ونعتبره خســــارة
.
الأنديه الثانيه جالسه تاخذ من النقــــاط وتمشـــي واحنا اخذنا نقاطنا من أضعف أنديه بالدوري (الرائد..أبهـــا.. الوطني) فرق المأخره حتى نجران خسرنا منه
.
بعدين جاينا مبارايات قويه ومع أنديه منافسه كيف راح نلعب معاهم بهذا المستوى!!
.
.
وبحط رأيي المتواضع لكل لاعب:
.
محمد الدعيع : عمـــلاق ومصدر أمان في الحراسه الهلاليه بس(غلطة الشاطر بعشره يا ابو عبدالعزيز وان شاء الله مانشوف لك أي خروج غير موفق للكره بعد اليوم)
.
.
ماجد المرشدي : ما شاء الله عليك يوم بعد يوم تثبت انك مدافع صلب ومصدر أمان بالدفاع الهلالي وانت اللاعب اللي بتنسينا تفاريس
.
.
اسامه هوساوي: اترك عنك الثقه الزايده وخلص الكوره بسرعه وبدون فلسفه لأنك تغلط نفس غلطاتك مع نادي الوحده سابقاً وتحرج حارس المرمى وتحرج نفسك
.
.
الزوري: فرحنا بولادة نجم شاب بالظهير الأيسر ولكن لوحظ عليك الغرور (ولا تنسا ان الغرور مقبرة النجوم) وكان ملاحظ عليك هذا الشيء بأخر لقاء صحفي معاك وبأداءك بالملعب واليوم اداءك لا بأس به جيد
.
.
حسن خيرات: أنت رائع كقلب دفاع ولكنك بالظهير الأيمن لا تفيد الهجوم أبداً اداءك دفاعي فقط ولا الومك هنا الوم المدرب بوضعك في هذا المكان
.
.
صالح الدوسري: لاعب مجتهد ويحاول يقدم كل ماعنده لخدمة الزعيم بس المدرب يظلمه بإشراكه دائماً اساسي لأن لسا ماعنده الخبره الكافيه ومركزه حساس جداً
.
.
عبداللطيف الغنام : مستواك رائع وأنت خير بديل للغامدي بغيابه
.
.
عبدالعزيز الخثــران: اليوم اداءك مو ذاك الزود نتمنى منك أكثر من كذا ويمكن الكبر مأثر عليك
.
.
الشلــــــهوب: صراحه مستواه نازل جداً جداً جداً وصاير عاله على الفريق وياريت اشراك عبدالعزيز الدوسري بداله ويكون احتياطي لما يعود لمستواه
.
.
الفريدي: والله انك نجـــم وانت اللي اتطمن اذا وصلت الكوره لك (بس ياريت تمريراتك تكون أكثر دقه ) بس بشكل عام انت اللي تحرك الفريق كله وانت الوحيد بالوسط
.
.
ياسر القحطاني: عنده أكثر من كذا بكثير بس مدري ليه الفتره هاذي فاقد حساسيته على الكوره سقوطه المتكرر غريب ما يمسك كوره الا على طول على وجه بالأرض!! صاير بطيء جداً وكنا متعودين انه سريع البديهه ويتصرف بالكوره بسرعه بس اللحين ينتظر اللاعب يقطعه منه واتمنى ان المدرب يحطه على دكة البدلاء كم مباراة ويشركه كبديل علشان يعود لمستواه (لأحد يزعل مني هذا رأيي ويمكن أحد يعترض بس ياريت يكون بدون غلط)
.
.
أحمد الصويلح : الصراحه لاعب مظلوم مظلوم مع الزعيم حرام تكون احتياطي اتمنى اني اشوفه أساسي لأنه الوحيد اللي يحرك الهجــــوم
.
.
.
ويلهامسون: ما أقـــــدر أحكــــــم عليه لأنه ما اشترك الا دقايق وهاذي أول مباراة نأجل الحكم بعد مانشوفك مباراة كامله
.
.
العنبـــــر: مع أني غير مقتنع بالاعب هذا أبد بس الصراحه المدرب يحرجه زياده يشركه بأخر دقايق المباراة مدري وش متوقع انه راح يقدم له وغير كذا يحرجه مع الجمهور
.
.
.
أتمنى من المدرب أن يلعب بطريقة 2.4.4 ويكون الصويلح أساسي والدوسري يكون بديل للشلهوب
.
.
.
بالنهاية هذأ رأيي وهاذي نظرتي يمكن أحد يختلف معاي وأحد يتفق كل واحد له نظرته
.
.
.
كلمة شكــــــر:
.
.
صاحب السمو الملكي الأمير الشاعر عبدالرحمن بن مســـاعد شكــــرا لك
.
مافعلته اليوم مع قناة أبـــو ظبي أثلج صدورنا وأفرحنا كثيــــرا أخذت حق الزعيم وجمهورالزعيــــــم من هالقناة المتعصبه هاذي
.
فرحت كثيراً بشدتك عليهم وعدم قبول اي نقاش معاهم في هذا الموضوع لأن الناس اللي مثلهم ما ينفع معاهم الا كذا وبالطريقه هاذي ما راح أحد يقدر يتجرأ على الزعيـــم وهكذا هم رجالات الزعيم دائماً هم هكذا لا يسكتون على من يغلط على الهلال
.
.
وضحكة كثيراً حينما حاول أن يحرجك سيدي وردك عليه (ماراح تحرجني نعم اريد هلالي متعصب بالقناة )
.
وحينما فضحته بإتصالك عليه وذكر كل ماحدث بالتفصيل لم يستطيع الرد
.
.
.
.
بالتوفيق لزعيم الأنديه
.
.
وأسف على الاطاله
.
.
لحن الحب الحزين
.
8
8
8
الأسم اللي طلبت من ادارة المنتدى وضعه بدال من الأسم الحالي