[ولد الخرج]

السلام عليكم ورحمة الله وبركاته


الحمد لله على كل حال

الهلال اليوم كل من شافه يقول مافيه الا الفريدي مبدع ما شاء الله عليه

الدفاع فيه خلل واضح وسوء تغطيه ومافيه تفاهم

المحاور ما أدري وش يبون وهم مربط الفرس اليوم وسبب الحوسه كلها

عزيز والغامدي اذا ما كانوا محاور جنب بعض ضاع الهلال

أفضل محاور الإرتكاز في المملكه

ومتفاهمين مع بعض

ويمشوا اللعب بسرعه

وما يخلوا الخصم يضغط على الهلال


هم حلقة الوصل والحصن المنيع

إذا غابوا ضاع الدفاع والوسط


ناس كثير تعول الخساره على إيقاف التايب ولو هو موجود حسم المباراه

ياللي تقول كذا تخيل التايب يلعب مكان الفريدي

الفريدي أبدع وشال الفريق كله

بس يد وحده ما تصفق

اي فريق يكون فيه نقطة ضعف في أي خط من خطوطه تؤثر بنتيجه عكسيه على أداء باقي الخطوط


رغم وجود 3 محاور ما قدروا يسوو اللي يسويه عزيز لحاله

ويلي اللي يقولون ما أبدع يفتح صح ومحاوركم ينقلون الكور للمكان الغلط

يعني لاعب نازل جديد ومتحمس فتح معك وهو فاضي ويأشر لك ليه ما تلعب له ؟؟؟

كل واحد يجلس ساعه يدور مكان يودي فيه الكوره

ما أدري التخبط في كوزمين الى متى بيستمر

حتى ويلي نزله يسار

وشوي حوله يمين

مع انه نزله بدال الشلهوب والشلهوب كان يمين وقت التغيير

الله يعيننا اذا الوضع بيستمر على طووول كذا