[هــ صغيرون ــلالي?]

مساء الخير على كل الزعماء ..

طبعا قبل كل شي هاردلك على التعادل ..

وبعدين انا حابب اقولكم عباه هي : الف الف مبروك للنصر ...

بتقولولي ليه صح .. اقلكم اقروا الموضوع زين وراح تعرفوا ليه انا قلت كذا

اوشي ماشاء الله تبارك الله .. اليوم يا جهور الزعيم عيني عليكم بارده .. حتى الواجها ما عبيتوها ..لا والله مليتو العين .. وبيضتوا الوجه ..

وفوق هذا تطالبوا بمبيارات داخل ارضنا ..

لا والله تكفون خلو المباريات برا ارضنا ابركلنا .. لان اذا كل مباراه داخل ارضنا بتحظروا بالمستوى هذا عمر الهلال ماراح يفوز ..

مباراه امام خصم كبير مثل الاهلي حتى الواجها ما عبيناها .. والله حرام عليكم ثم حرام ثم حرام ..

وثاني شي .. ماادري ايش اقلك يا كوزمين .. انت اخطأت كثير اليوم .. انا ماراح اتفلسلف علشان لا يجي غيري ويقلي وش رايك تدرب مكانه .. انا اتكلم بعين الاعتبار ..

مين هذا صالح الدوسري مع احترامي للاعب .. لاكن اختيار غير موفق يا ادره .. لاعب لا يملك اي شيء من مقومات الاعب ..

لا مهاره .. لا مناولات زي الناس .. لامناوره .. لاتسديد .. يعني من الاخر ارجوك انت الحلقه الاضعف زي ما يقولوا ..

لا تقولولي مااخذ فرصتوا .. بس صدقوني ما يلزم الهلال ولا بريال .. ارجو من الاداره ان تراجع حساباتها بشأن هذا الاعب ..

كوزمين حبيب قلبي .. انت مدرب كبير وحققت مع الهلال ما يسجل بتاريخك .. طيب وبعدين معاك انت اكثر واحد عارف ان الهلال ما ينفعله غير ( 4-4-2 ) طيب العب فيها وريحنا وريح نفسك وشوف الهلال ايش راح يسوي تكفا يا كوزمين ..

ويلهمسون الى الان ما نقدر نحكم عليه .. وارجو من الجميع عدم التعصب .. بس ويلي اول شي راجع من اصابه .. وثاني شي هاذي اول مباراه حقيقيه له مع الهلال .. يعني الى الان ما نقدر نحكم عليه ..

واخيرا انا افهمكم ليش قلت مبروك للنصر .. انا ماقلت هاذي العباره الا واعني فيها انتو يالمجهور .. نعم انتم يا من سميتم ( بالرقم الصعب ) انتم يا عشاق الزعيم ..

اذا بيبقى حظروكم كذا وخصوصا في مباراتنا القادمه مع النصر .. الف .. الف .. الف مبروك للنصر .. صدقوني راح يفوز النصر بكل سهوله ..

وساعاتها خلي المقاهي والعارتي تنفعكم .. يعني وربي انتو تقهروا الواجها اليوم ما تتعبى يمين بالله ربي ما قالها ..

من الاخر عندكم خيارين .. يا تحظروا زين .. يا لا تجلسوا تتفلسفوا .. وتقولوا المدرب .. والاعب الفلاني .. ووماادري ايش ..

يالحظور .. يا انسوا جميع البطولات ..

اشوفكم على خير يا جمهور المقاهي ..

بس حابب اقلكم شي اذا استمريتوا على هذا الحال .. بتسمعوا كلمه راح تقال لنا بعد مباراتنا مع النصر .. ارجو انكم ما تستغربوها اوكي ..

الف الف الف مبرووووووووووووك للنصر ...

نعم ستسمعون هذه الجمله .. لان النصر سيكون جدير بها ومن الجميع ككل ليس من طرف واحد ..

ارجو مراجعت حساباتكم قبل فوات الاوان ..

ملاحظه : انا كتبت عنوان للموضوع وكان هو : الف مبروك للنصر وكفو يالعالمي .. بس الاداره نقلوا الموضوع وطلبوا مني لو حبيت انزل الموضوع مره ثانيه بس بشرط اغير العنوان .. ولأهميه الموضوع انا غيرت العنوان بالعنوان هذا ..

طبعا هاذي الملاحظه بعد اذن الاداره .. واتمنى انها ما تنقل الموضوع واكون شاكر لها ..

وانا اسف على الاطاله