[القلب ومايهوى]

بسم الله الرحمن الرحيم

(ان غدأ لناظره قريب)
وغدأ ان شاءالله أول امتحان حقيقي للزعيم أما الأهلي يارجال
وأول مباراة قويه للهلال أمام فريق قوي
والمباراة راح تكون نااااااار
والجمهور راح يولعها بكرة ان شاءالله
وويلي راح يلعب أول مباراة له بالسعوديه
وطبعأ الأنظار بالعالم راح تكون عليه وعلى فريقه الجديد (الهلال)
والمباراة بأستاد الملك فهد يعني بالرياض
يعني لازم الملعب يمتلي
وأهل الرياض رجعوا من اجازاتهم
والرياض رجعت زحمه زي أول
يعني مالكم عذر
ولاتفشلونا قدام العالم ومايجي أحد ويقولون شوفوا اللي راح لهم ويلي
أعطوا العالم انطباع حلو وقوي عن الهلال وجمهور الهلال
خلوا المدرج بكرة له هيبه وهزوا الرياض هز
وطبعأ انتم قدها وقدود والتاريخ يشهد ومدرجات الاستاد تشهد
والدوري هالسنه غير السنين اللي راحت
هالسنه دوري المحترفين بمسماه الجديد وكل مباراة تعد كنهائي للهلال
ولاتخلون مدرجات الاستاد زي مدرجات ( قطر ) تشوف أرقام الكراسي من الفضاوه
نبي بــــــاب الاســـــــــتـــــــــاد بكرة ينقفل من الزحمه
وداري انها قويه ومستحيل بس انشاء الله يكون الحضور مشرف وقد الهلال
عشان لايقلقونا جماهير الجار اللي غثونا بكم مباراة حضروها وقالوا جمهور الشمس
شمس الطراطيع والله
واللي بيدخل لوحات لاينسى البرنس طارق التايب
والوعد بكرة ان شاءالله بالمدرجات
وان شاء الله الأهداف لياسر وويلي والصويلح