[هوجاس]

مساء معطر للزعماء..


مساء مبخر للاوفياء ...


---------- مــدخـــل ----------

قبل بضعة اعوام ( البضع الظاهر انه مابين الخمسة الى السبعه ) ..

المهم والارجح انها سبعة سنوات ..

كان معنا واحد من الشباب ماشاء الله عليه .. يملك بنية وجسم رائع ..

ومرة كشتنا لمخيمهم .. ولقيناه يتطارح مع الناقة وطرحها ..

واخرتها يقول مزح ؟؟؟

الشاهد جلسنا معه نسولف وقلنا ماشاء الله الناقة مااكلت عيش معك ؟؟

قال قولوا ماشاء الله ..

المهم لعبنا كورة ..

والرجال يحرث الملعب حرث .. ولايغرز بالرمل مثلنا ..

ويشوت الكورة بأقوى ماعنده وطلع صعرور بالكورة يعني خربت ..

المهم كملنا لعب ..

وصار احتكاك بيني وبينه قلت بحكم اني العب وعندي خبرة بختبر قوة خوينا ..

وخشيت عليه بانبراشة قوية شبيهة بانبراشات تكر المميته ..

وليتني ماانبرشت ..

من جد ياجماعة ماشاء الله عليه ..

ماتحرك من مكانه وانا رجعت ورا .. ورجلي انرضت .. واناظر قلت يمكن لابس كسارات وصار حافي اصلا ..

قلت والله ان تقول لي وش سر هالقوة اللي فيك ..

قال والله ياحبيبي حليب الخلفات ..

كل يوم ..

قلت ماشاء الله ..

اللي جاب الطاري ..

سالفة ولي خوينا السويدي ..

ودي لو اني بالرياض واروح اجيب له حليب خلفات عشان يصير قوي شوي ويتجنب الاصابة ...


صراحة مهما جاملنا نحن الجماهير ..

ففي يوم سينفجر البركان ..

ويبان المستخبي ..

كلنا متشوقين نشوف ويلي ..

خصوصا المبلغ الخيالي للصفقة ودنا نحلل اللاعب ..



------ اشــارة وقــوف اجــبــاري ---------


والله يحزنني ويؤرق مضجعي << متعوب عليها ترى ..

يحز في خاطري حينما ارى جماهير نادي النصر وهي تؤازر فريقها اللذي لايقارن بالزعيم ..

ويحضر جماهير لم نكن نعرف انها صابرة على النصر ..

بينما كل الاحصاءات تثبت ان الزعيم هو النادي الاكثر جماهيرية ..

ولكن تصعق وتصدم عندما تأتي المباراة وترى الحضور القليل ..

احبتي جماهير الزعيم ..

تكفوووووووووووووووووووووووووون وترى تكفى تهز الجماهير ..

نبي استاذ الملك فهد زي ماكان باعتزال سامي ويوسف الثنيان ..

نبي الصوت يوصل لكبري الفحص الدوري ..




------------- بـــــرايــفــتــات ---------------


ياسر : يرحم امك وابوك لاتخلي الزواج يلعب في حسبتك وانتبه لجسمك ...

عزيز : ياخي الى متى ياهوه .. روقنا يابو ..

الشلهوب : اخاف اقول شي وتدمع عيني ..

الفريدي : لبى قلبك وانتبه من الغرور عشان مايهدمك ..

الدوسري عبدالعزيز : لبى خشتك .. بطل بس انتبه لنفسك وطور نفسك ..

الزوري : خلك على هالطريق ..

الخثران : قلب الهلال النابض والمخفي ..




----------- مــــــخرج -----------

غدا المباراة ... واتمنى ان نرى جمهور الزعيم ...


لاتجعلوا الاعداء يهزأو بنا ...


نريد ان نرعبهم



بالتوفيق للزعيم ...

[al-mogbel]

فرصه أني أول من رد على موضوعك ..

بصراحة موضوع جميل جدا ..

أما بالنسبة لحليب الأبل وويلي مستحيل لأنه تعدى عمر النمو ..

الشيء الثاني :

الجمهور الهلالي جمهور الأعلام ((إذا حركه الأعلام تحرك)) وإلا هو في الأصل في سبات عميق ..

يا ليت تشوف مجهور الغربية بعموم وجمهور الوحده بخصوص ((جمهور ممتع ))

الشيء الثالث :

ياسر / يبيله تأهيل من جديد (( دكة الأحتياط أفضل له في هذا الوقت ))

لأنه في أنحدار تام يا ليت يراجع حساباته من جديد ..

الشلهوب / بدانا ننظر إليه نظر الشلهو الموهوب ..

فهو في طريق الامتاع ..

الفريدي / إذا سمعت هذا الحروف دار في عقلي معنى الثقه ..

أنت النجم في المستقبل سنستغني عن التائب بسببك ..

تقبلو تحياتي ..

al_mogbel

[هلالي واسمي صالح]

هههههههه مشكور اخوي
...................

[zaeem in New Zealand]

ههههههههههههههههههههههههههههههههههه

هاذي المواضيع اللي تفتح النفس

موضوع مرح وجاد وسجلني من متابعينك

اما بالنسبة للحليب اخاف تجيه اصابه او شد عضلي في بطنه وننشب مع الاتحاد السويدي

سجلني اول الحاضرين للمباراة بكرة

اول كرسي على اليمين بوابة 51<<<لاتصدق

[ملاك الظلمات]

إقتباس الرسالة الأصلية كتبت بواسطة zaeem in New Zealand اما بالنسبة للحليب اخاف تجيه اصابه او شد عضلي في بطنه وننشب مع الاتحاد السويدي

ههههههههههههههههههههههههههههههههههههههههه

الله يرج مخ شياطينك ياشيخ ضحكتني من على الصبح

[نسيت أنساك]

هههههههههههههههههههههههههههههههههههههههههههههههههههه

الله يرجك ياشيخ رجآ مبرحآ اقول ماودك تجيب لنا من خويك حليب خلفات ماعليك انت جبه وانا بدق على ويلي وبروح اشربه << لاتسوي تعرف ويلي تيت

مشكور على الموضوع


وتقبل مروري

[لون السماء والسحاب]

للتصحيح

البضع من الثلاثه الى التسعه

والله يقويك رح لويلي وعطه حليب خلفات !!

[أبوالعتاهية]

لووووووول تخيل ويلي كل يوم على طريق خريص يدور حليب خلفات
بالتوفيق للزعييييييم

[امير _]

وين الله يرحم والديك
والله لو شرب الحليب ان يجيه مغص يقطع بطنه
هذا متعود على النيدو والانكور
تقول خلفات
الله يهديك بس

[Strike]

أجل تبيه يمشي طول المباراة ( ويتاغر ) << مصطلح قصيمي

موضوع ظريف مثل راعية

[تفاريس الشرقيه]

يعطيك العافيه على الموضوع الجميل.

[اضحي من اجل الهلال]

ايش يعني خلفات
ههههه
امزح

خلف الله على الرجال ان كان ودك تشربه حليب نياق
يا رجال شربته مره وحده ولا عاد عودتها
لعب في حسبتي
مانمت في الليل

على طاري حليب الخلفات
في يوم من الايام جاني فراش المدرسة وهو من الجنسيه البرماويه
وجاب معاه حليب في كاس ويقول تبي حليب يا استاذ
قلت له وش ذا
قال حليب جمال
قلت له الجمل ينحلب
قال ايه
قلت اجل عطنا حليب جمال خلينا نذوقه

يعطيك العافيه على الموضوع المرح

[طــ 14ــارق]

وين الله يرحم والديك
والله لو شرب الحليب ان يجيه مغص يقطع بطنه
هذا متعود على النيدو والانكور
تقول خلفات
الله يهديك بس

[عاشق منتداكم]

والله انا اخاف على ويلي من مكالمات سويسرا هههههههههههههههه
وانا سأصبح من اليوم من متابعينك

[(اسير& المحبة )]

ههههههههههههههههههه

الله يقطع سواليفك تشرب ويلي حليب خلفات ياشيخ بيسحب على ام النادي من المغص اللي يقطع

بطنه يعني قول واحد من ربعنا امشيه يمكن يعرفه ويشربه لكن ويلي انسى