[1000ylsoof]

السلام عليكم ورحمة الله وبركاتة

انا من المشجعين الهلاليين في خارج الوطن وفي امريكا بالتحديد
والله اني اشوف أخبار الزعيم واحترق من الداخل
اتمنى ادعم الهلال بأي شكل من الأشكال
وما حصلت الا الدعاء حيث انه هو الطريقة الوحيده لدعم الزعيم وانت بعيد عنه

كنت اتمنى فيه اشتراك لجوال الزعيم للأرقام خارج المملكة (( مع اني عارف انها ممكن تكون صعبه ))
حوالي 51 الف طالب سعودي في الخارج انا متأكد مليون في الميه انه لا يقل عن 30 الف طالب منهم هلاليين
والسبب الثاني واللي شجعني اكتب الموضوع :
قريت في موضوع الزي الرسمي الجديد لنادي الهلال وشفت فيه رابط لموقع الشركة اللي تبيع الطقم
وفررررحت قلت يمكن فيه توصيل عن طريق النت للأطقم لأي مكان في العالم .... بس للأسف ماقدرت

فـ ياليت تكفووووووون تفتحون امكانية طلب الزي الرسمي عن طريق النت من أي مكان في العالم
انا من نفسي راح آخذ خمس فنايل بوزعها على اللي عندي
والله والله والله والله اني راح أكون اسعد انسان في الدنيا لو حصل هالشي هذا وقدرت اطلب طقم الزعيم من النت

وهذا لأني سمعت انه صعب جدا انك تطلب ملابس من السعودية
لازم تصريح من الشركه المصنعه وقله حيا ماعرف تفاصيلها

مايكفي ان البعض من المغتربين يجد صعوبه في مشاهدة مباريات الهلال
والله اعرف كثيييير تركوا تشجيع الهلال وذلك لصعوبة متابعته احيانا


فـ أكرر رجائي افتحوا لنا المجال لأن تستمتع بالزعيم حتى ولو اننا في الخارج

تكفى يابومساااااعد نبي الحل منتخيبك ياتاج روووسنا

[خـــــــالديانو]

مشكووور ولا هــــــــــــنـــــــــت

[&&الموج الازرق&&]

اي والله صادق..

موضوع بالصميم..والله لو تشوفون معاناتنا لوكنا بنتابع اي مباراة..

خلها على ربك..وربك بيوفق الزعيم ان شاء الله..

انا ببريطانيا والى الآن لم احصل اي رابط ينقل مباراة الهلال..

قناة صندوق بردقان تشتغل لكن اذا بدات المباراة هنق..

وغيره من الروابط كلها ماتشتغل..

اما الأطقم فأتمنى اني احصلها بموقع الشركة..

موضوع جميل يخص الفئة المغتربه كما اتمنى الالتفات لها..

وتقبل خالص تحياتي

[al30o0od]

من جد والله

الله يكون بعونك والله

وان شاء الله ترجعون لارض الوطن ياااربوان شاء الله اميرنا مايقصرر

[شلهوبي موهوب]

جبته على الجــرح واالله ..

فعلا حنا ننتتظر اان يكون هناك ردة فعل لنا ولكن الشكوووى لله ..

شكــرأأ ..

[سيد الملوك]

والله أتمنى يلاقون حل

مو معقوله اللي في الخارج مهمشين الى هالدرجة


لرفع : لعل يكون فيه احد يقرا ويكون في ذالك آمرآ


//

[ارسن فينقر]

الله يوفقكم إن شاء الله
وبإذن الله تحل كل العوائق
والمشاكل ..

[Scary guards]

من جد والله

الله يكون بعونك والله

وان شاء الله ترجعون لارض الوطن ياااربوان شاء الله اميرنا مايقصرر

[saeed alzaeem]

أخــويـ أقتــرح تتوآصــل مع شخــص تثقـ به من الريآض..

تحـول له مبلــغ...,

ويشتري لك 5 فنآيل..,,

ويحولهآ لكـ لأمريكآ
..


وبالنســبه لنقـل المبآريآت

تقــدر تتآبعهآ.. مبآشـر.. عن طريـق قنآة بردوق صندقآن على النت...,,


أتمنى أني أفدتــك...,

[1000ylsoof]

والله ماتدرون وش كثر أفرحتوني بردودكم يالغاليين
وماتتصورون قد ايش فرحان وانا اشوف كل واحد فيكم وهو يحاول يدور على حل للمشكله

عموما بالنسبه للنقل انا اتكلم عن بعض الشباب لأني انا ولله الحمد صبغت نكي في البالتوك
والصراحه اشوف ان المبلغ جيد في صبغ النك
60 دولار = سنه كامله

وبالنسبه للطقم انا اللي اعرفه انه اذا بغيت ارسل ملابس من السعودية لازم اجيب تصريح من الشركه
ان اللبس هذا اصلي يعني فيه صعوبه شوي في حال اني ارسلته
وبعدين انا مطول هنا ماراح ارجع قريب ..


يعني احنا شايلين همين في امريكا

الفيزا , ومتابعة الهلال

[the blue night]

عسا ابو مساعد يفتحها والله انك صادق وبالتوفيق للزعيم

[اورند]

الله يعينك اخوي اتمنى انكم تلقون حل وان شاءالله ااخوان مايقصرون
وبعدين ماعندكم مقاهي هناك تبث المبارياة

[1000ylsoof]

امآآآ مقــآآآهي ؟؟؟؟

[هلاليوووو]

مسألة متابعة المباريات بالخارج هذي لحالها هم كبير .... ياليت فيه حل .. وشلون ياخوي صابغ النك حقك بالبالتوك ؟؟ ووش علاقته بأنك تقدر تشوف مباريات الهلال بدون تقطيع ....ممكن توضيح يالغالي ...

[Zaeem asia..]

طيب عندي اقتراح لك وحل يمكن يخليك اسعد
انسان في الدنيا
1- وص اهلك او احد قرايبك يشتريها لك
2-خله يرسلها لك
وتقبل مروري