[dal3_uae]

أسعد الله أوقاتكم بالخير والمسرات

صار حوار ... خفيف ولطيف
بين لاعب الكبير ... ياسر القحطاني ...
والمعلق الاماراتي ... فارس عوض ...
= اعجاب بهما فقط لا غير

فارس عوض سأل ياسر ...

شو احلى بيت قريته في حياتك ...



اختار لاعب القحطاني أحد هذه الابيات ..من هذه القصيدة

إجرح وأنا بَبْكي على قلبي إجرح
مادام لي قلبٍ يسامَحْك في الحال
قلبٍ يسامح وانت تجرح ويَدْمح
أبكيه؟ولاّ أبكيك؟ ولاّ ابكي الحال؟
قلبٍ على ذكراك يمْسِي ويصْبَح
صَبرَه طويلٍ لكن مْعاندِك طال
قلب ٍ تركتك فيه تسرَح وتمرَح
مِحتاج..حكّمْ داخل القلب.. محتال!
لو تدري المجروح وشلون يفرح
وقَفْت له مِن دَهشتِك. وقفة إجْلال
يفرَح. فرَح. مترقّب الموت. إذا أصْبَح
وهو بظنّه تالي الليل رحّال
ولاّ فرح. خاسر تجاره. بمرْبَح
فرحة غريقٍ .ساقه الموج للجال
لاشاف وجهك باسمٍ وانت تجرح
أو شافك بجرحه مع الناس تختال
ودّك تشوف الذلّ.في صورته صحّ ؟
شف دمعة الفرقا..على خدّ رجّال
ولاّتشوف الذلّ في صوره أوضح ؟
شف بسمة المقتول. في وجه قتّال

::

من هالقصيدة كلها اختار لاعب ياسر ... بيت
وأظن الكل بيعيبه بعد ...
لأنه ذوق لاعب لا يختلف عليه اثنان

البيت هو :
ودّك تشوف الذلّ.في صورته صحّ ؟
شف دمعة الفرقا..على خدّ رجّال


::

السموحه اذا كان في موضوع شراته ...
يعني يمكن يكون مكرر وانا ما ادري ..

وان شاء الله ما يكون مكرر


اختكم
دلوووعة الامارات