كــاس الذهب كــل النوادي تمناه
كــل عـلى كسبه تـزايـد هـيامــه
كـــل يــريده مــير ماهــوب وياه
دام الـزعـيم أبـدى علـيه اهـتمامـه
هــلال تــجـلى في الميادين شفناه
الـفـن والإبـداع ذورة ســنــامـــه
زعامته ماهـيب تـلـفـيق واشـباه
بالــفـعل والإقــدام نــال الزعامـه
في سـاحة المــيدان تـبهر سـواياه
بـــذل جــهـوده لــيـن حقق مرامـه
نـادي عـريق المجد والــعز يبراه
فــضـل مـنا المعبود منشي غمامــه
نادي جماهيره تــحبه وتهواه
حب من الأعماق في القلب شامــه
نادي يقوده شهم تحمدسجاياه
شــبل طــوال الليل يــرسم نظامــه
شبل شعاع النبل عاش محياه
الـــوائلي جـــذوره خـــواله عمامـــه
محمد الفيصل طروقه مخلاه
إلى تـــــكـــلــم يــــعـــتني في كـــــلــمــه
ناصع بيان يلبس القول معناه
ويفرض على السامع بليغ احترامــه
يبعد عن الإسفاف مايلفظه فاه
يبعد عن المحذور ويخشى الملامــه
وحب الزعيم مشارك الدم مجراه
ترى مواري الحب بوجهه علامـــه
لأجله تسوق المال بالضيق يمناه
والجــــاه عنــد اللي رفيع مقــــامــه
هذا كلام قلـــت مـــافيه لــولاه
خصيت به راعي الوفاء والشهامه
والله ثــــــم والله والله والله
مـــاقصدي إلا الحق نكشف إلثامــه
وصلوا على اللي تنعش القلب طرياه
اللي على كفار جرد حسامــه
الوضع الشجري
