[باسكن روبنز]

ورده بســم الله الرحمن الرحيم ورده
ورده السلام عليكم ورحمة الله وبركاته ورده

صباح الياسمين صباح القوس قزح صباح مشرق

لعل هذه الصورة تنسينا قليلا ماتمر به اجواءنـــا هذه الايــام

مبـروك فوز المانشفت وخروج برازيل اوروبا

قبل عام واكثر سمعنا عن زواج الاميرة ريم بنت الوليد ومارافق زواجها
من هالة اعلامية ووصف وخيال ..
وشهدنا قبل اعوام طويلة زواج الاميرة ديانا من الامير تشارلز
وفستانها الاسطوري الابيض الطويل
والكل كان مندهش من هذين الزفافين .
لكن لو رجعنا الى الوراء .. الى عصر الحضارة الاسلامية
وقرأنا حكايات التاريخ التي امتزج بعضها بالاساطير والخيال..
لعرفنا ان تلك .. لا تعني شيئا لزيجات الملوك والامراء الاقدمين ..
وسأحكي لكم هنا قصة زفافين كلمـة الاسراف فيهما قليلـة ..



حنا يا حنا يا حنا يا قطر الندى **شباك حبيبي حبيبي جلاب الهوى

هذه الاغنيه .. قليل منكم سمع كلماتها ..
هي تحكي عن الاميرة المصرية قـطـر الندى ذات الاصل التركي..
ابنة الامير خمارويه بن احمد بن طولون
كان والدها خمارويه اميرا على مصر . واراد ان يحسن علاقته مع الدولة العباسية .
فارسل سفير ا الى بغداد لملاقاة الخليفة العباسي المعتضد يحمل معه الهدايا
ويعرض على الخليفه ان يُزوج ابنه من ابنة خمارويه قطر الندى ..
لكن الخليفه عرض ان يتزوج هو منها ..
فقطر الندى _ واسمها الحقيقي أسمـاء _ تبلع انذاك اربع عشر ربيعا ..
وكان والدها يحيطها باروع مانتصور من الدلال والعز والترف .
فدفع لها الخليفه مهرا وقدره الف الف درهم وهذا لا يعد
الا جزءا يسيرا مما انفقه والده على زواجه
(أريكة من الذهب عليها قبة من الذهب المشبك فى كل عين من التشبيك قرط معلق
فيه حبة من الجوهر لا يقدر بمال .. و مائة هون من الذهب )
وكانت رحلتها من مصر الى بغداد محاطه بمظاهر الفخامه والترف
حيث امر خمارويه ان يبنى على راس كل محطه قصرا تستريح فيه بعد مشقة الطريق .
استمرت الحفلات بشكل متصل لمدة شهور عديدة منذ أن بدأ الاستعداد لتجهيز العروس..
وفي كل يوم كانت تنحر مئات الذبائح لتوزيعها علي أفراد الشعب ..
وكانت قافلة العروس تضم مئات الجمال ..اثني عشر جملا قد تم تحميلها بالعطور
والبخور وأدوات الزينة بينما تم تخصيص أربعين جملا لحمل ملابس العروس ..
ووصلت الاميرة الى بغداد .. وزفت الى الخليفـة وسط حفلات عظيمـة
اسبغت بها على مدى ايام العاصمة بغـداد .
الا ان هذه الاميرة توفيـت بعد خمـس سنوات من زفـافـها ..
<< من عيون الناس .

عارفه اني طولتها

الزفاف الثاني .. هو
زفاف بـوران بنت الحسن بن سهل من الخليفة العباسي المأمون رحمه الله .
وقد قيل ان والدها نثـر على المدعوين
رقاع بأسماء ضياع وأسماء جواري وخيول ومماليك واراضي
فاذا وقت الرقعه في يد احد من المدعوين يتوجه الى المسؤل ويتسلم منه محتوى الرقعة ..
وقد أوقدوا في ليلة الزفاف شمعــة وزنها أربعون منا (المن 180 مثقالا)


لكم ان تقارنوا الترف بين زيجات الامراء والسلاطين و زيجاتنا الآن !!!
استميحكم عذرا على مووضوعي الطويل ..
دمتــم في رعايــــة الله

ان أصبنا فمن الله .. وان اخطأنا فمن انفسنا والشيطان
اذا عجبكم الموضوع لا تبخلون علي بالدعـاء

[سهم الشباك]

احلى مافي الموضوع الصورة الي فوق

قوس قزح ودي اعيش بداخل الصورة حتى لو ثانية

يااااااااااااااااااااارب نشوفها بالسعودية <<<< قوووية ياسهم الشباك

[باسكن روبنز]

سهم الشباك

الصورة ماتغلى عليك .. ماعليك الا تدخل فيها ..

شاكرة لك مرورك ..ورده

تاكسي الغرام

بس تستاهل المدام ..الصرف الي صرفتها عليها ..

ابشر ان شاء الله الايام الجايه اختار الوان واضحـة

بس الحين عجزانه اغير الواني

ومثل ماتفضلت اهم شي اللمه والجمعة .. مو السرف والغثاء .

شاكرة لك مشاركتك .ورده

[تاكسـي الغرام]

ما شاء الله

موضوع حلو



يالله ذكرتيني بمصاريف زواجي

يا أني صرفت صرف ...



عموما موضوع حلو ووورعه بس ياليت الالواان كانت واضحه لاني تعبت من الشفافية في الوانك

تذكريني بهاالطلاب اللي يكتبون ملخصات بالالوان واناقه وفي الاخير ينجحون بالطقاق



حقيقة المصاريف الزايده للعرس مالها داعي

أهم شي الجمعه واللمه ، أما السلفيات والغثا ما تسوى



شكرا على هالموضوع ى ، والحمد لله الناس بدت تتفهم (( الا قل طفرت )) ولا عاد تحط عروسهم الا في استراحات


أما الاخ سهم الشباك ياليتك رديت على الموضوع عشان نستفيد من وجهة نظرك في الموضوع ...


شكرا على هيك موضوع

[أبو راس]

مشكووورة ع الموضووووع

بس لازم التقليد يكون في الزين مو الغلط

وربنا ما يقول قلدوا الامراء والسلاااااطين

انما يقول الله تعالى:

(لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً)

فهل اقتدينا برسول الله عليه الصلاة والسلام وصحابته الكراااام في هذا الامر؟!!


فتكم بخيييييييييييييييييييييير

[باسكن روبنز]

ابـــو راس

انا لم ادعوا الى تقليد الامراء والسلاطين .
اتمنى انك قرات موضوعي جيدا ..
انا احببت ان اوضـح ان الاسراف في الاعراس ليس له زمان او مكان ..
وجزاك الله خير على النصيحـة ..
وشي اكيد ان قدوتنا الرسول صلى الله عليه وسلم
والصحابة رضوان الله عليهم من بعده ..
شاكرة لك مشاركتك ونصيحتك .ورده

[&& هلااااااليه &&]

حجــــــــــــــــــــز لي عودة يالغلااا

اشتقتلكم من زمااااااااااااااااااااااااان عنكم ورده

باااااااااك

الله حي صقيقتي وهـ بس لكم وحشه والله

الله وشذا العروس تواكبين العصر يعني عطله وكلها عروس جبتي موضوع عن العرس

ياحلوه من موضوع دامه منك

اما على العروس اللي قلتي عنهاااا مير ريم وعرسها ازعاج قبله مدري بكم سنه ع الخراط
وعرس اسماء اكيد انها طخماء <<امون اسماء كني اعرفها

مير العين ماوصلتها ع قولتس الا بعد 5 سنين والله هالعين شي

عسكريمه امتعتينا بهالعرس

مير ذكرتيني مالقيت فستان اسود
<<<اجلدوها
عوااافي على القصه التحيفه وحركات صايره تنزلين مواضيع
مير كل ابو دايم اسدحي موضوع تحيف مثل ذا ورده

برايفت للي تحتي
7
7
لاتلوميني من حر مافيني على هالامتحانات

[باسكن روبنز]

&& هلاااااالية &&
هلا وغلا بصقيقتي

قلوب من بيتنا لبيتكم
مبروووك انك افتكيتي من الاختبارات وعقبال الاميتاز يارب ..
وماتجوزين عن عوايدكم لازم حجز
اما اسماء ( قطر الندى ) طخمتين مو طخمة وحده ..
ماتشوفين الخليفه دفع لها الف الف درهم .. يعني مليون درهم ..
وسالفه الفستان الاسود
انا الي شكلي بشتري لك فستان اسود وبرسله لك في البريد المستعجل ..
اذا تبين فستان تعالي ميموزا في الخبر فيه فساتين بس غالية ..
اما توقيعك توووحفه ..
مشكــورة يالغالية على مشاركتك ..

[الســفيرة]

^
^

عليك توقيع موب صاحي ابد ياني مت ضحكـ عليه




باسكن روبنز بصراحة معلومات حللووة اول مرة اسمع فيها يعطيكـ العافية خيتوو ورده

[باسكن روبنز]

احلاهم واتحداهم

الاهم انك استمتعي في قراءتها ..
شاكرة لك مشاركتك ...

[ازرق+ابيض=عشق الهلال]

موضوع حركتات ويشرفن ارد عليتس ياباسكن



الله يعين على الزواج وبلاويه اقسم بالله لقد انها محاتاتن


دخلنا بموسم الصيف موسم الزوجات الي بالجمله ونسمع عن واحد من الناس متسلف مبلغ فوق طاقته علشان العرس وبعد العرس بشهرين تلقونه بالسجن بسبب المبالغ الي فوق طاقته ناس تضحك




عوافي خيتو عالموضوع

[باسكن روبنز]

أزرق + ابيض = عشق الهلال

من الحين تحاتي الزواج .. والله يا انكم تكسرون الخاطر يالشباب ..
بس ماتوصل انكم تتسلفون ..كل واحد يمد لحافه على قد رجليه ..
الله يوفقك بالزوجة الصالحه ..الي ماتكلفك فقو طاقتك ..
شاكرة لك مشاركتك .ورده

[Hictar]

أما باسكن روبنز منزله موضوع
وربي جالس أطالع وأفرك عيوني أقول شكل البنت معطيه يوزرها لأحد ينزل مواضيع
بموضوعك كأنك تقولين للشباب ( فأسمعي يا جاره )
يعني إذا جيتوا تتزوجون ادفعوا مهور زي الناس وشرهوا المدعوين
ألحين خمسين ألف بالمهر ومتورطين
<--- جالس يفكر بزواج جماعي
أقول حلاه بس إن الدوله يفتحون الزواج من برا ويخلون الشباب على راحتهم وربي تدفع مهر وتتزوج ما كلفك 10 آلاف ريال
لأن المعروض بيصير أكثر من الطلب

[باسكن روبنز]

مواصل من العصر البرونزي

لا وابشرك منزله موضوع في العالمية ..<< حركاات
مواصل انت شطحت عن موضوعي كثيير .. لا جاره ولا سارة
صادق والله الحين المهور صارت خمسين الف ..
وشكلها بتصير بعد كم سنه ثلاثين الف ..
اما الزواج الجماعي .. والله عندنا الشيعة ماشاء الله
يتزوجون جماعي 150 واحد في ليله وحده ..
هذا الي تبونه انتوا الزواج من برا ... ترى مافيه احد مانعكم ..

بس بشرط يفتحون للبنات الزواج من برا حالنا حالكم ...

مواصل شاكرة لك مشاركتك .. ورده

[Hictar]

إقتباس الرسالة الأصلية كتبت بواسطة باسكن روبنز هذا الي تبونه انتوا الزواج من برا ... ترى مافيه احد مانعكم ..

أنا لو إني الملك راح أفتح الزواج من الخارج لأسباب
مو لأني أكره السعوديات
بالعكس وربي إني أفضل السعوديه على أيه جنسيه
لحظه شوي بشطح ( يالبى قلب السعوديات )

المقصد من فتح الزواج من الخارج للشباب
إن العرض راح يكون أكثر من الطلب
بمعنى إن الشباب اللي بيتزوجون السعوديات نسبتهم قليله على عكس البنات راح يكونون بلا زواج
وبكذا الأهل راح يتورطون وينجبرون إنهم ينزلون المهور
وأتوقع لو حصل الشئ هذا ما راح يكلف الزواج من - إلى
20 ألف ريال
وبعد ما تنزل المهور تقفل الحكومه الزواج من الخارج وترجع المياه لمجاريها

دمتي بود