الهلال : الزعيم يفكر بمفاوضات اللاعب الفلاني
المجهور : اوووووه ,, اللاعب عادي واقل من عادي ونبي افضل
السلام عليكم ورحمة والله وبركاته
فيه قصه ان شاء الله انها تبي تنفعكم
فيه رجال يدور عن حظه وسأل واحد وقاله ياشيخ انا رجال تعبان وحالي مايسر
وادور على حظي قاله الشيخ انت حظك بالجزيرة الفلانيه تروح هناك ويقوم حظك
ابوالشباب ماصدق خير قام وشال عفشه ومشى ...!!
عاد بالطريق مر على غابه وشاف اسد (( اسد اسد 
)) قاله الاسد : ووييييين رآيح .؟ قاله ابو الشباب : رايح عند الجزيرة الفلانيه ادور حظي قاله الاسد : وانا دور حظي معك انا تعبت من هالغابه والاسود الكحيانه قاله ابو الشباب : آبشر ومشى من عند الاسد عاد وهو بالطريق مرر على فلآح
قاله الفلاح : وين رآيح ياهوووه ..؟
رد عليه ابو الشباب : انا رايح للجزيرة الفلانيه ادور على حظي
قاله الفلاح : تكفى دور لي معك حظي , انا حالي مايسر لا عدو ولاصديق
رد عليه ابو الشباب : آبشررر
عاد وهو بالطريق مر على مدينه وقابل الملك بتاع المدينه
قاله الملك : وين رايح ..؟
قال ابو الشباب : انا رايح للجزيرة الفلانيه ادور على حظي
قاله الملك : وانا ياخوك دور لي معك حظي , تعبت من هالشعب الكحيان
قاله ابو الشباب: ابشررر
وعاد وهو بالطريق (( مابقت الا هالمرحله ويوصل للجزيره ))
مر على حوووت 
قالت له الحوت : وين رايح ..؟
قال ابو الشباب : انا رايح للجزيرة الفلانيه ادور على حظي
قالت له الحوت : وانا بعد دور لي معك حظي , انا تعبت من البحر وابي اطلع لليابس
(( مب تشتهي الحوت ابد))
قال لها ابو الشباب : ابشرري
ونقلته الحوووت الى الجزيره واخذ اللي يبيه وعاد وهو بالطريق مر على كل واحد فيهم
الاول الحووت
وقالها انتي يقوم حظك اذا قذفتي الجوهره اللي داخلك
ويوم قذفت الجوهره قالت له : خذها ما احتاجها
قالها انتي ويييييين وانا ويييييييين انا حظي اكبر .. !
ويوم وصل للملك
قاله شف انت تتزوج ويقوم حظك
قاله الملك : وراه ماتتزوجني انا اصلا منب رجل
انا بنت ومتنكره لان الشعب يبون رجل يصير الملك
وابيك تتزوجني واخليك الملك
قالها انتي وييييييين وانا ويييييين انا حظي اكبر .. !
ويوم مر على الفلاح
قاله انت تحفر عند الشجره الفلانيه ويطلع لك كنز ويقوم حظك
والفلاح ماصدق خبر قام وحفر وطلع له الكنز
وقال الفلاح : وراه ماتاخذ نصه وانا اخذ نصه
قاله انت وييييييييين وانا ويييييين انا حظي اكبر .. !
ويوم مر على الاسد (( طبعا قال للأسد القصه واللي مر عليهم ))
المهم قال للأسد : شف انت تبي تقابل رجال رخمه بما تعنيه الكلمه
تاكله ويقوووووووم حظك
قاله الاسد : والله ما رخمه الا انت اجل احد يترك ملك وكنز وجوهره
واكله وقااااااااام حظه .....!
(( ادري طولت القصه))
بس المستفاد منها :
ان جمهورنا الحبيب انتشرت عنده ظاهرة لا هذا مانبيه نبي الافضل
وهذا عيب عند الجمهور فـ مثال : ليلو ذكروا انه جاب كم بطولة للفريق التونسي اللي كان معه والحين مع الهلال مابراسه كورة
وجيوفاني اللي آبى الا انه يلبس رقم 10 يحسب انه رونالدينيو ويوم وريناه منهو يوسف الثنيان . اقتنع ولبس رقم 15
وآخيرا مابراسه كورة
وردريقو الفان .كلن يمدحه ويوم جاء طلع ثقيل بالملعب
وآخيرا عندما اردنا ان نجلب سعد الحارثي
صحيح رآح للنصر
لكن قبل لايروح
الكل قال مهاجم عادي نبي افضل
ومحد يدري يمكن يجيب لك بطولات
وبدال من اللاعبين اللي مدحتوا فيهم قبل لايجون وتم ترحيلهم
آرجو من الجمهور عدم الطمع بمستويات اللاعبين اللذين يأتون الى الزعيم
وترا اللاعبين المحليين اخير من الاجانب
و امامنا آسيويه (( ان شاء الله انها لنا ))
ومصلحة الزعيم آهـــــــم
قفلة :
يـ آسيويه لك جينا ,,, وكل الامل فينا
آسف على الاطالة
ونلتقى على خير بصفحة آخرى
انت وييييين وانا وييييين انا حظي اكبر .. ! 
الوضع الشجري
