[قناص سدير20]

, , ,بسم الله الرحمن الرحيم , , ,

مساء الورد و الجوري على الجميع , , ,

الموضوع هذا نبي نطلع شوي من جو , , ,

اللانتقالات و اللاعبين الاجانب والمحليين و الادارة الجديدة اللي

خلف الرئيس الجديد: عبدالرحمن بن مساعد الله يحفظه , , ,

الموضوع واضح من العنوان , , ,

فلو سمحتوا كل واحد يقولنا من الشخص , , ,

اللي كان السبب الرئيسي بالنسبة له في حب نادي الهلال , , ,

سواء كان من عائلته او لاعب معين....الخ , , ,

ابدأ بنفسي:

انا من يوم طلعت على الدنيا ما اعرف الا ماما و بابا والهلال....كذااااااااااااب

طبعا كل العائلة ميولهم هلالية و تبغوني اصير (...فقراوي...) وعععععععععععع

و ايضا شجعت الهلال لثلاثة امور:

اللعب النظيف

لا يخيب جمهوره

الامتاع في اللعب

لا يحتج على التحكيم و لو كان مظلوما..مو مثل الجار

باختصار , , ,

كم أنا أحبك يا هــ ــــــــلال

اتمنى المشاركة باسلوب حضاري مثلي...اما حضاري

, , ,

دمتـــــــــــــم بــــــــــود , , ,

قناص سدير 20

[((الجهادي الهلالي))]

مشكووووووور على الموضوع الشيق

بصراحة وبكل صراحة منذ طفولتي ماكانت عندي ميول للأندية....
كل يوم أشوف أخي الكبير يشجع الهلال بجنون وكنت اتابع المباريات معه...
لكن شدني اللاعب الكبير سامي الجابر بعد هدفه الشهير في الشباب في نهائي الدوري1418ه .....
وبعدها أعلنت حبي وعشقي للهلال ومرت السنين وعشت مع الهلال سنين الأفراح وليالي الملاح...

والآن مستحيل أن أترك الهلال أبدااا....

سلالالالالالالالالالالالالامي

[blue_9]

والله مدري وشلون شجعت الزعيم
بس أهم شيء إني صرت هلالي
والحمدلله

[كرستي]

انا عشقت الهلال من لقاء الرائد وكان عمري 6 سنوات وعشقت سامي الجابر بجنون ومستحيل ان ابدل او افكر بتغيير الزعيم ................................

[جابر الكويت]

السلام عليكم ورحمة الله وبركاته


اول مباراة تابعت فيها الهلال كانت يوم اعتزال الاعب الكبير صالح النعيمه وبعد ما اذهلني هدف سامي قلت راح استمر واتابعه الى ان حصل الزعيم على البطوله الاسيويه بقطر وبدأت اشجع الهلال من وقتها وطبعا من البطوله هذي ناس كثير بالكويت بدو يميلون للهلال


وبالتوفيق للزعيم

[هاوووووي نواااااف]

والله انا من يوم طلعت على الدنيا ماعرف الا الهلال
واكيد علشان نواف التمياط

[%هلاليه مصرقعه%]

ياشيخ السالفه ماشيه عندنا وراثه

يعني من ايام الروضه وانا اشوف امي وابوي كلهم

يعشقون شي اسمه هلال ويتابعو المباريات كلهم وامي تغطي على ابوي بحبها للهلال

ومره ابوي اجل رحلته بالطياره عشان ماتفوته المباراه

وخوالي وعمامي اغلبهم هلاليين حتى لدرجة اني استغرب الحين

اذا شفت احد ما يشجع الهلال

[sam6sam6sam6]

لان كل اللاعبين اللي فية نجوم ماعليهم غبار
واللي يقول غير كذا اسمحولي اقوله ماعنك سالفة

[هلالي%]

الحمدلله انا ومولود على الفطره
والله يثبتنا وثبتكم

[ريم9]

ههههههههه والله مدري كيف شجعته بس اذكر وانا صغيره كنت احب اصغر خوالي مب لله هههه كنت اللي ابغاه يجيب لي انا وخواتي وكان هلالي متعصب وخوالي الباقين نصراويه كنت اكرههم دايم يتضاربون ..فضحتهم مساكين الله يستر عليهم
الزبده كنا نجلس مع خالي ونتابع معه المباريات وصرنا نشجع معه ونتحمس ونجيبله اخر الاخبار طبعا ايام ماكان فيه نت ولا كمبيوتر اصلا مامعنا الا القناه الثانيه ويوم تطورنا صرنا نتابع اخبار الرياضه مع مصطفي الاغا برعاية المراعي
والحين كل واحد ضرب طريقه والله مدري للحين يشجع الهلال ولا ترك الكوره

يعطيك العافيه

[Mr.DL5]

انا من يوم اني في بطن امي وانا معي شال الهلال خخخ

والله من يوم اني صغير وانا اشوف اخواني ( واحد نصراوي واثنين هلاليين ) انواع الهواش والحماس لا جت مباراة الهلال و النصر .. وقتها كنت اتابع مباريات الهلال مع اخواني وعلى حسب اخواني الي يوديني للبقاله اصير اشجع الفريق الي هو يشجعه .. لين حضرت نهائي 1418 في الملعب .. عقب هدف سامي ذاك اليوم صرت هلالي

عقبها حاول اخوي يخليني اقلب نصراوي .. جاب لي سيكل وحاول فيني

لكن ضحيت وقلت له لا انا هلالي

[تمياط الصفيري 11]

سرررررررررررررررررراحه من عرفت الدنيا والكوره وانا اعشقت نادي الهلال

[فهـــ KSA ـــد]

انا اخوي علمني تشجيع وحب الزعيـــــــــم

وكان هلالي متعصب والحين عااااااااادي لانه ملتزم .. الله يثبته آميـــــــــن

وانا أقول لأخوي الف شكر

أحبـــــــك يازعيــــــــــــــــــــــــــــــــــــــــــم

[عاشق السامي9]

أنا ماشدني للهلال إلا الأسطورة السعودية
ســـــــــــــــــــــــــامي الجـــــــــــــــــــابر
حقيقة كنت ماأدرس ودايم مباريات الهلال الخارجية وقت الظهر
وكنت أحب الكورة إلى درجة الجنون
وكل ماأتفرج ألقى الهلال ودايم الكلمة الكبرى لســــــــامي الجـــــــــابر
ومن ذاك الوقت حبيت الأسطورة إلي حببني بالـــــــــهــــــــلال

شكرا سامي الجابر شكرا أيها الأسطورة

[العاشق المحب للزعيم]

انا الوالد والواله نصراويين


لكن انا من يوم طلعت على هالدنيا وان اشجع الهلال........ ليش ما ادري


وباقي العائله كلهم هلاليين