[ياسر عاشق الزعيم]

قبل كل شي بسم الله الرحمن الرحيم


ومسائكم ازرق


طبعا العنوان او هذا الموضوع اقل شي اكتبه وابرد حرتي فيه شوي


البطوله صح راحت ويستاهلها الاهلي
لكن

لكن لكن

لكن لكن لكن
وش اللي صار وخلاني اكره شي اسمه اتحاد سعودي وتنظيم وحتى اخوان لنا يعيشونا معنا ونحبهم هم رجال الامن بس ماعليهم شرهه قالولي اوامر منظمين وهذا اللي فقع مرارتي عموما ماطول عليكم ابد بسرد قصة عشتها لمدة اربع ساعات من يوم وقفت سيارتي الى ان وصلت بيتي بعد صلاة المغرب..

وهذا ماحصل>>>

انا توني جاي من الملعب يازعماء والله العظيم ومن وين نلاقيها من جمهور ولا من تنظيم ولا من امن

اول شي الدخول // تطلع روحك وانت داخل الملعب زحام شديد وبوابات ضيقه جدا.

ثانيا// العسكر ماشاء الله استقبلونا بالابتسامات والتصفيق وسحبو اي شعار يحمله الجمهور الهلالي فقط ويرمونه سمعت طفل صغير يقول ابي الشعار قاله العسكري انقلع ممنوع والطفل يأس خلص وقال طيب كيف القى الشعار بعد المباره قاله العسكري رح رح دور له .
ثالثا// تفتيش البوابات الهلاليه حاطين لنا عسكري ؟؟ مابقول لقبه الكل يدري يضرب ويشتم ويطرد وقمة الوقاحه يقول صفين يعني طابورين وين حنا بنشتري من المقصف والله شي يقهر طبعا هذا الكلام شاهدته بعيني وماخفي كان اعظم .
رابعا// طرد مشجعي الهلال من المنصه جاء حضرة النقيب الاخ على طول جهة الجمهور الهلالي وطيرهم صغيرهم وشابهم مع شيابهم كل ذا عشان شنو عشان انه هلالي دقتت اكثر وقلت لا ياياسر هذولا رجال الامن لايمكن يظلمون خلني اركز شوي واشوف وياليتني مادقتت ولاركزة شفت حضرة النقيب هو وجنوده شغالين دف ورفس بالجمهور اللي جالس وين وين وين وين وين بالمنصه يعني ناس دافعه فلوس ويقولهم هذا المكان للاهلاويه يله برا اجلسو بمكانكم وين مكاننا ياحسرة خانقينا في رابطه متر بمتر وتقول اجلسو هنا فوق بعض شي والله يقهر انا مازعلت على الهلال يوم انهزم ليه؟؟ لان الهلال ظولم بالملعب من ضرب بالسكاكين والاحذيه اكرمكم الله ولاحظو ان النتيجه انقلبت بعد هذه الاحداث وكل عذرهم على يحيى حنش انه استفزهم( عشانهم يصيح بعد كل هدف للهلال والشي ذا مايبونه يصير) المهم حذفو اللعيبه ورموهم بكل انواع الاشياء اللي يمكن تابعتوها بالتلفاز واللي زادني غبن وقهر ان العسكر يتفرجون يله ماعلينا كذا انا ارتحت وحسيت اني كتبت الموضوع لناس عاقله لزعماء عاقلين وكل هدفي من هالموضوع ان طائرة الشبح الهلاليه بخير ونحن افضل من الكل ونستحق البطوله لهم بطولاتهم بالضرب ولنا بطولاتنا وزعمتنا بالاستحقاق والجداره ....
دمتم زعماء ......