[تكوين]

ليلة الإثنين أشعلت السهر
----- في ديار المملكة أسأل واهيم
جيت جده من سماها للبحر
----- والرياض من العريجا للنظيم
رحت للخفجي ومكه والخبر
----- والحسا والجوف وابها والقصيم
قلت الازرق كيف وشلون انتصر
----- جاوبتني : لا زعيم إلا الزعيم!
جابها ياسر وفي لمح البصر
----- حطها والراس بالعقل السليم
قسّم الفرحه على قلوب البشر
----- وافتخر فيه المواطن والمقيم
لا كريري لا نتيف ولا تكـــــــر
----- كلهم قدام ياسر سيم سيــــم!
هكــــــــذا الأزرق ليامنه حضر
----- يشعل الملعب على خصمه جحيم
الهلال أبطال ونجـــــــــوم ودرر
----- نهتدي فيهم عن الليل العتيم
الهلال المبتدا وغيـــره خبر
----- الهلال رجال والباقي حــ.....
الهلال الموج لامنه هدر
----- ياغبي شوف وتعلّم ياغشيم
قاده اصحاب المعالي والفخر
----- والشرف والفكر والراي الحكيم
لين في القمة تعلّى واشتهر
----- والعظايم مالها غير العظيم
الزعامه ماتجي ظلم وغدر
----- ولا تجي بالهيلمه لا يافهيم
لا اتحاد ولا شباب ولا نصر
----- الزعامه مالها غير الزعيم

شعر : تكوين

التحميل من هنا