[بو الحبيب]

بسم الله الرحمن الرحيم

أخواني الأفاضل

السلام عليكم ورحمة الله

عندي مشكلة في العاب الإكس بوكس 360

الكتابة اللي في اللعبة يادوب أشوفها مثل خيارات الفيفا 2008 يبغالي عدسة مكبرة

أنا عندي معلومات أنجليزية بس ماني قادر أقرأ الكتابة أصلاً

وخصوصاً في رسائل المنجر

كبرت الشاشة وخليتها فل من خيارات الجهاز نفسه بس نفس المشكلة

هل السبب من الشاشة مع انها عادية مهي مسطحة ولا بلازما ولا إل سي دي؟
أو أن السبب من اللعبة نفسها؟
أو فيه خيارات ماسويتها؟

الرجاء من أهل الخبرة الإفادة ؟
ولكم مني جزيل الشكر والعرفان

[ghamdi9r]

ما أعتقد أنها من الخيارات يمكن من الشريط نفسه
ــــــــــــــــــــــــــــــــــــــــــــــــــــــــــــــــــــــــــــــــــــ

[Totti_RoMa]

اللعبه مصممه خصيصاً لشاشات الـHD عشان كذا اذا شغلتها على تلفزيون عادي تكون الكتابات صغييييير ....

[جار القمر]

إقتباس الرسالة الأصلية كتبت بواسطة Totti_RoMa اللعبه مصممه خصيصاً لشاشات الـHD عشان كذا اذا شغلتها على تلفزيون عادي تكون الكتابات صغييييير ....

فعلا كلام اخوي صحيح

اكثر العاب الاكس بوكس مصممة للشاشات HD
او الفديو الرقمي عالي الدقه والوضوح
يعني الله يعينك اذا تبي تعيش جو اللعبه صح
انقز اقرب اكسترا وطقلك شاشة LCD تدعم HD
يعني لاتنسى وانت رايح للمحل تاخذ معك حدود 3000 ريال
وعلى قد فلوسك تاخذ حجم صغير او حجم اكبر وماركه زينه او شينه


وتبي الصدق انا عندي شاشة HD
اذا نقلت الاكس بوكس عند احد من اخوياي
ماعنده شاشة HD
تصدق عاد اني ما العب معه ابد ابد

تحياتي

[صعب@@المنال]

اخوي لازم ال سي دي وحتى الاشرطه القادمه تحتاج للـ ال سي دي
ولازم وصلة HD ضروري عشان تحمس مع اللعبه

[saeed alzaeem]

اخوي السبب من التلفزيون
أنا كنت أعاني مثلك
وأخذت لي شاشه باناسونيك بلازما HD
والله كأنك تلعب في جهاز ثاني
خيال


والخيارات واضحه

[SAM M.A]

أخوي أنا كنت زيك الكتابة مو واضحة ما أشوف شي

ورحت قبل سبوع شريت شاشه (سامسونج HD LCD)
وظبط معي و اللعب صار قوي و أنا أنصحك لازم تشتري شاشه

و أتمنى أني افدتك لك

[بو الحبيب]

يالربع قولوا غيرها
والله نكبه الشغلة
أنا رجال هواوي قيم
بس الشغلة مكلفة
واللي عنده خيار أرخص ممكن يدلنا
وأنا تروني غشيم في الشاشات
اللي أعرفه أربعة أنواع
العادية
والمسطحة
والبلازما
وال إل سي دي

وين الأنسب

المسطحة العادية يمكن تفيد وإلا لا
تكفووون شوفوا لنا حل
وأنا بالإمكان إشتري شاشة بحدود الألف وخمس مية بس أكثر
بروبلم كبير كبير

[بو الحبيب]

والمقاس له دور وإلا عادي لو أشتري مقاس 21 عادي

تكفون ردوا علينا ياشباب

[SAM M.A]

ياشباب عند اكسترا شاشة مسطحه HD LCD 32 بوصة
سعرها 2799 ريال

[أذكى واحد]

هذا اللي يشتري اكس بوكس خلوووووكم....................السوني 3 مامثله

[بو الحبيب]

إقتباس الرسالة الأصلية كتبت بواسطة أذكى واحد هذا اللي يشتري اكس بوكس خلوووووكم....................السوني 3 مامثله

أخوي أذكى واحد ماقصرت

بس ترا البلايستيشن 3 يبي له شاشات hd

كلنا في الهوى سوى