[هلالي غير !!]

بسم الله الرحمن الرحيم

اسعد الله اوقاتكم بكل خير ..

طبعا الي صار اليوم مو شي جديد ولاهو صدمه تعادل الهلال مع القادسيه .. 0-0 والله ستر ماانهزمنا الواقع يقول ان نادي الهلال محتاج لكل نقطه عشان يلاحق الاتحاد ويتصدر الدوري باذن الله .

ودام ان الواقع يقول كذا ليه كوزمين استغناء عن ياسر وطارق التايب في بدايه المباراه ( الشوط الاول ) والكل عارف هذا الشيء من قبل المباراه بعده ايام , بصراحه تفكير جنوني .

كوزمين قدم اداء ومستويات جيده مع الهلال هذا الموسم في البطولات المحليه , لكن الي سواه اليوم اقل شي اقدر اسميه ( هديه من ذهب لنادي الاتحاد ).

ولا بالله عليك انديه ثانيه لو عندهم لاعبين بربع مستوى طارق وياسر ما ركنوهم احتياط في وقت امس ماتكون الحاجه اليهم .
بالذات انك محتاج لكل نقطه في هذا الوقت وفي نفس الوقت تقابل فريق يصارع من اجل البقاء وعدم الهبوط يعني راح يقدم افضل ماعنده في مباراته امام الهلال ..


فهل يعقل طارق وياسر في دكه الاحتياط شوط باكمله ؟؟



اعتقد ان كوزمين وصل لمرحله يريد فيها ان يثبت للاداره الهلاليه والجمهور الهلالي انه قادر على تحقيق النتائج والفوز دون الاعتماد على ياسر وطارق ولديه بدلاء بنفس الجاهزيه وانه هو من يحقق الانتصار وليس لاعبين معينين , وقام باشراكهم بعد ان حس بالوضع المحرج والمستوى المتدني .

لكن محد يقنعني انه عشان يريحهم لمباراه كاس ولي العهد القادمه امام الشباب لانه لو كان فعلا يفكر بكذا فهذا يعني انه مستهتر وغير مهتم بالفوز ولا بالدوري او غبي .. الا اذا كان مايدري ان الدوري بالنقاط ..!!
والله هذي الحركه ياكوزمين الاتحاد الي متصدر الدوري ما يسويها .!!


وصدقوني الكاس ماله طعم الا اذا جاء بعد طلوع الروح يعني مافي شي بالساهل على قولتهم ..
ومو كل مره تصيب يعني التعادل مو نهايه الامل الله يوفق في الجاي ويكون احلى من الي فات .

وفي النهايه ياليت الهلاليين والاعبين ما يفقدون الامل وباذن الله نحقق كاس ولي العهد و الدوري باذن الله قولوا اااااااامين بس .


تحياتي لكل هلالي ..