[((حبي الهلال))]

بسم الله الرحمن الرحيم
حبيت اسلم عليكم واسلم وارحب بكل هلاااااالي وبقول بموووضووعي انا فيه اسماااء تلعب بالهلال ماتستاهل تلعب في التشكله الاسااسيه ولا الرديف واتووقع مستواايتهم تصلح لدورى الدرجه الاولى او الثاانيه بعد وبصرراحه حاب اكتب الاسامي الغير مفيده للهلال وارجو الرد على كل اسم من الاعضاااء وشكرااا 1/ حسن العتيبي 2/عبدالعزيز العبدالسلام 3/ خالد العنقري 4/عبدالعزيز الحثران 5/ فهد المفرج 6/سلطان البرقان 7/ بدر الدوسري 8/ نواف التمياط 9/ محمد نامي 10/ محمد العنبر 11/ مشعل الموري 12/ ليلوووو 13/ ياسر الياس

[زعيم آسيا الأول]

انا استثني عبدالعزيز الخثران وليلو


والباقي معك حق منتهين ولا فائده منهم

[مسكني]

ارد عليك واقولك للاسف ما عندك سالفة للكورة رقم 1/2/3/4/5/6/7/8/9/10/11/12/13 راح تشوفهم وحاول تجيب كلام مفيد الله يصلحك.


حرام عليك تتكلم عليهم في منهم يستاهل بس واحد ولا اثنين ما يستاهلون



راجع كلامك

[الزروقي]

الله يصلح ماعطى بس

[h_s y t_2008]

السلام عليكم
أولا يأخي ثلالثة أرباع اللاعبين اللي ذكرتهم مفيدين وبقوة والدليل مباراة مانشيستر ياعزيزي ليش الخثران ليش ليلو ليش البرقان واللي كانوا من نجوم المباراة بدون الخثران طبعا أتمنى أتمنى منك إنك تعيد النظر في القائمة
تحياتي.....

[عبدالمحسن الفري]

أقول كيف الحال؟
من باقي ما طيّرته..

[20أميرالذوق20]

عسى ماشر ...

مابقيت الا المدرب ؟؟
قلبه وانت ماشي

[راكان _20_]

للأسف ياالغالي

نظرتك ليس كروية بل شكلية

[t.o.t.t.10.i]

هههههههههههههههههههههههههههه
وش مفطر آنت ؟

[هزاع الهلالي]

نسيت تضم لهم

الشلهوب , ويا سر , وعزيز !!!

[النقيب الهلالي]

اقول رح نم ازين لك

شكلك مواصل



يا اخي مثل المفرج نحطه احتياط ونلعب المرشدي اساسي


وتفاريس وش رايك شكله بعد ما يصلح للفريق وش رايك يشوتونه والتايب بعد تراك نسيت تضمه

[الشـادي]

عسى ماشر نسيت تحط نفسك

وش بقى ترى كل ألي قلتهم نجوم فا مالا داعي تتكلم عليهم كذا

ترى المفرج إذا ما تدري ممن ضحى عشان الهلال و ظل حبيس الدكة لعيون الهلال

و جاي ذا حين تتكلم عليه

["العشق الهلالي"]

إقتباس الرسالة الأصلية كتبت بواسطة الشـادي عسى ماشر نسيت تحط نفسك وش بقى ترى كل ألي قلتهم نجوم فا مالا داعي تتكلم عليهم كذا ترى المفرج إذا ما تدري ممن ضحى عشان الهلال و ظل حبيس الدكة لعيون الهلال و جاي ذا حين تتكلم عليه

اجل ضحى في دكة الاحتياط

[إبـراهـيـم بـن فـهـد]

بذمتك وش فايدة كلامك الحين في هالوقت وفي نصف الموسم؟؟ تبي تطيح معنوياتهم..
بالضبط وش فايده كلامك الحين..
المفرج اخر 3 مباريات لعبها مافيه اخطاء عليه البرقان مايلعب اصلا احتياط نامي افضل الموجودين عندك..
وتجي وتتكلم على لاعبين في نص الموسم وتبيهم يطلعون من النادي..
اذا كنت هلالي بحق وحقيقه في هالوقت توقف مع الفريق مو تدور الزله عشان تقول طلعوهم ولا مانبيهم مع ان الي قلتهم المفرج ماعليه كلام من 3 مباريات ونامي افضل الموجودين والبرقان احتياط والخثران كان مصاب ورجع من الاصابه وقدم مستوى في مباراه نجران يعني تسمع بها انك تتابع الفريق اصلا ..؟؟
والمباريات الجايه كلها تعتبر نهائيات بالنسبه للهلال..
جالس افكر وما فهمت وش قصدك من الكلام الي تقوله وهالوقت بالذات؟؟؟؟؟
يعني انت هل حكمت عليهم في اي مباراه بالضبط لا تقول حقت الاهلي..؟؟

[أنطونيـو]

إقتباس الرسالة الأصلية كتبت بواسطة الشـادي عسى ماشر نسيت تحط نفسك وش بقى ترى كل ألي قلتهم نجوم فا مالا داعي تتكلم عليهم كذا ترى المفرج إذا ما تدري ممن ضحى عشان الهلال و ظل حبيس الدكة لعيون الهلال و جاي ذا حين تتكلم عليه

حبييس الدكه!!!!!!
انا من عرفت الهلال والمفرج اساسي
سفت سامي احتياط
وشفت ياسر احتياط
وشفت نواف احتياط
وشفت الشلهوب احتياط

بس المفرج ؟؟؟؟؟؟