[حسين العابسي]

أولاً .. ما أدري بصراحة ليش بعض الأعضاء طايحين مدح وترفيع في بعض اللاعبين
وكأنهم يشوفون مباريات ما نشوفها

ثانياً .. الفريق كان بشكل عام سيئ ، حسب رأيي المتواضع قدم مباراة عادية جداً ،، مليئة بالعك الكروي والتمريرات المقطوعة

ثالثاً .. على مستوى اللاعبين :

* محمد الدعيع : جيد
* تفاريز : جيد جداً (لو عندنا تفاريزين اثنين بس .. كان علوم)
* المرشدي : لا بأس .. ننتظر الأفضل ونعذره بسبب الإنقطاع ،، بس أخاف يجي المطر والربيع والجيب الربع موجود ثم ما عاد نشوفه
* الزوري ونامي والكلثم : لا بأس ومجتهدين .. لكن أنا ما أدري ليش كل واحد فيهم لازم يمشي لين يصدم
* الخثران : جيد ،، يوصل المرمى ولكن لاهو اللي يسدد صح ، ولاهو اللي يمرر لناس فاتحين معه في مكان ممتاز
* الشلهوب : مستواه لا زال سيئ ولكن أقل سوءاً من قبل ،، أتمنى تكون بداية العودة
* ياسر : ما ودي أكثر كلام يا أحسن لاعب في آسيا ،، ولكن اترك الفلسفة (لا أحد يقول لي ما يجيه إمدادات)
* ليلو : إلى الآن طربقة ونفضة تقول ماسكة كهرب ،، ترى ما تعني شي سحبة ماجد العمري على إذنه مرتين ( وبعدين مهوب لازم مروحة )
* أما نواف التمياط : فأسأل الله أن يرفع مطيحة ، وأن يريح ويستريح ويكفينا ماضيه الجميل الرائع (اللي قاهرني ناس تقول نواف أحسن واحد لعب لا ويحلفون بعد)

ختاماً : ليش الهلال من أسوأ الأندية في حاجتين :
* الاستفادة من طرد الخصم
* رفع الركنيات والعرضيات ، وليس تسجيلها (أبي رفعة صح بس وعمرها ما جات قول)


أتمنى أن أرى ردود إما مؤيدة أو معارضة مقنعة ومقبولة



وبالتوفيق للزعيم وأن يعود الهلال الجميل


وشكراً