[موهوب القصيم]

سلام للجميع

مبروك الفوز المستحق رغم ان المستوى لم يكن بذالك المستوى

الذي كنا نطمح اليه ولاننسا ان الفريق المقابل هو القادسيه

متذيل الترتيب واللي اكل خماسيه من جاره الأتي

يعني لانتوهق اكثر ونتفائل بشكل مبالغ فيه لانه لو قابلنا غير

القادسيه امس ماراح نشوف هالأبداع والتفنن والسبب ان لاعبين

القادسيه استسلمو وسلمو المباراة للهلال في الشوط الثاني

ارجع لموضوعي

بصراحه انا مدري وش هالتقليعات والفلسفه الغريبه من مدربنا القدير

كل يوم له تشكيله واذا ابدع الفريق في مباراة جانا هالمدرب

وغير التشكيله في المباراة اللي بعدها؟ليش

طبعاً السبب غير معروف

شكل الموسم بينتهي وهو كل يوم يدخل لاعب ويغير لاعب

في بطولة الخليج كان الكلثم موجود وبصراحه ابدع هالولد

وفرض نفسه بشكل مميز وتفجأنا في مباراة الوحده الاماراتي

طلع الكلثم ودخل الموري اللي مبتعد من مده طويله وكأن المبارة تجريبيه

وفي مباراة امس لعب الموري اساسي وشفنا ضياع الموري اللي

صار بس يركض من دون هدف والله مدري وش دوره امس

وايضاً لعب نواف رغم جاهزية الشلهوب

ونواف امس من لعب وحتى خروجه لم يفعل اي شي ماعدا الكرت الأصفر

وبعد دخول الشلهوب شفنا تأثيره على الفريق وكيف تحرك وانعش المجموعه

امس كنا قدام القادسيه وجتنا النتيجه والله سلمنا واخذناها

لاكن الفرق ليست كلها قادسيه ياكوزمين فافكنا من تقليعاتك واختراعاتك

اللي يمكن ترمي بالفريق لما هو سيء لاسمح الله وبعدهاااااااااااااا

لاينفع البكاء على اللبن المسكوب