[ILGLADIATOR]

هذا اول مشاركة لي في اروع منتدى في العالم >> سامحوني الوضع ما يساعد على المقدمات

انا أتمنى رسائلي هذي توصل لأي أحد في النادي >> حتى لو السكرتي حق البوابة

ما راح أطول .. بكتب اللي في خاطري وردوا علي يا حلوين

1/ كثر الكلام حول فهد المفرج .. فهد المفرج والله مع احترامي لشخصه الكريم ولكنه ما يستحق يلعب في الهلال .. وراح أقولها بكل شجاعة .. المفرج عنده واسطة في النادي .. واضحة ما يبي لها شي .. اللاعب مو قاعد يؤدي , ورغم ذلك يطلع الحكير بعد النهائي حق العام ويقول انا معجب في أداء المفرج !!

2/ انا ما ادري وش صار في قضية برونو .. لعبوه وإلا أكرشوه .. ويا ليت أحد الإخوان يقول لنا وش صار على إصابته ..

3/ اتمنى سامي يرجع للنادي لو أقل شي إداري ..

4/ ما ودي أشوف وش بيصير في النادي بعد رحيل التايب وتفاريس . في ظل تواضع مستوى التمياط والشلهوب ..وعدم وجود اي مدافع عليه الكلام غير تفاريس .

5/ محمد بن فيصل .. سو تغيير جذري في النادي أو أرحل والله يجزاك ألف خير .. وحظ غيرك المجال .. ..


وآسف على الإطالة .. وأتمنى تردون على موضوعي بدون تجريح .. ولا تنسون : الإختلاف في وجهات النظر لا يفسد في الود قضية